Orta jáne joǵary bilimdi baǵalaý negizgi bastama
Sonymen qatar, negizgi kriteriilerdiń biri – bilim alǵan jas mamandardyń jumyspen qamtylý kórsetkishi. Bilim alýshylar joǵary oqý oryndarynan alaǵan biliminiń sapasyn jáne ómirlik qajettiligin jumys barysynda ǵana anyqtai alady. Basty maqsat bolashaq jas mamandardyń osy bilim men daǵdylaryn durys baǵytta qoldana alýynda. Bul arada jumys berýshiniń 4 jyldyq bilimge qandai baǵa beretindigi nazardan tys qalmaýy tiis. Máselen, eger jumys berýshi mamannyń bilimin joǵary baǵalaityn bolsa, nátijesinde mamandardyń jumyspen qamtylýy men jalaqysy joǵary bolatyndyǵy anyq. Al mamannyń biliminiń deńgeii mektep qabyrǵasynan qalyptasatyn boiyndaǵy qabiletine bailanysty.
Búgingi tańda orta jáne joǵary bilimdi baǵalaý negizgi bastama bolyp otyr. Jastardyń básekege qabiletti bolýy orta bilim ordasy – mektep qabyrǵasynan bastalatyny bárimizge málim. Bilimniń bastaýy ustazdar ekendigin eskere otyryp, Elbasymyz ustazdardyń mártebesin nazardan tys qaldyrmaǵan. Elbasynyń mektep oqytýshylarynyń mártebesin kóterýdegi bastamalary bolashaq stýdentterdiń biliminiń deńgeiine jáne mamandardyń sapasyna degen áseri mol dep bilemin. Sebebi, oqytýshynyń bilimi jetilse, bilim alýshylardyń alǵan biliminiń de sapasy artady. Bilim baǵyty men bilim berýshi tulǵalar árdaiym nazarda bolýy tiis, atalmysh saladaǵy qajettilikter saralanyp, múmkindikter qarastyrylyp otyrý kerek dep oilaimyn. Árine, Elbasynyń qoldaýyna sai bolý úshin mektep qabyrǵasyndaǵy jáne joǵary oqý oryndaryndaǵy mamandardyń biliktiligin arttyrý eń mańyzdy talap. Óitkeni bilikti ustazdarymyzdan talapty stýdentter, saýatty túlekter, zaman talabyna sai tulǵa qalyptasady.
Qazirgi tańda Elbasy Nursultan Nazarbaev joǵary bilim alýdyń qoljetimdiligi men sapasyn arttyryp, stýdentterdiń jataqhanadaǵy jaǵdaiyn jaqsartý máselelerin kóterip otyr. Bilim berý júiesin damytý máselelerine at salysyp, elimizdiń jastaryna demeý bolý ár ustazdyń mindeti. Olardyń aldaǵy ýaqytta jumyspen qamtylýy bilim deńgeiine bailanysty. Sondyqtan bizdiń zaman talabyna sai, tehnologiialardy meńgergen, alǵyrlyq qabiletimen kózge túsetin, eńbek naryǵynda suranysqa ie urpaqty mektep jáne joǵary oqý orny bolyp demeý kórsetý kerekpiz.
Elmira MAJENBAEVA, №141 jalpy bilim beretin mektebiniń bastaýysh synyp muǵalimi.
Almaty qalasy
