بۇل جولى ول ءتۇرلى ۇلت وكىلدەرى تۋرالى بەينەروليك ءتۇسىرىپتى. بەينەروليك الماتى مەتروسىندا تۇسىرىلگەن ەكەن.
“ۇلتشىلدىققا بايلانىستى سوڭعى ۋاقىتتا ورىن العان وقيعالارعا وراي ولەڭ جازدىم. الەمنىڭ ارتۇرلىلىگىن قابىلداي الۋ – رۋحاني ءارى ينتەللەكتۋالدىق تۇرعىدا دامۋعا اپارار بىردەن-بىر جول. مەنىڭ ولەڭىم سونىڭ دالەلى”
– دەيدى نۇرپەيىسوۆ.
[video width="400" height="224" mp4="https://dalanews.kz/wp-content/uploads/2017/04/انۋار-نۇرپەيىسوۆ-بىرجولاتا-اداستى.mp4"][/video]
انىعى، بۇل ۆيدەو اكتەردىڭ قازاقشا ۇيرەنبەۋ ءۇشىن ويلاپ تاپقان تاعى ءبىر سىلتاۋى سياقتى. امالى دەسەك تە بولادى. ايتپەسە، بىرەۋدى تەگىنە، تۇسىنە قاراي ءبولىپ جاتقان ءبىز جوق.
تەك "قازاقستاندا تۇرعاسىن مەملەكەتتىك ءتىلدى ءبىلۋ مىندەتتى عوي" دەگەن پىكىرىمىز بىرەۋلەردىڭ شىمبايىنا باتىپ، ونى بارىنشا قۇبىلتۋ ۇستىندە. ولار وسى ارقىلى تىپتەن اداسىپ كەتكەنىن اڭدامايتىن سياقتى.
ابايلاماساق، ءانۋار سياقتىلاردىڭ كەسىرىنەن ارانداپ قالۋىمىز دا مۇمكىن ەكەن.
ءانۋارعا ايتارىمىز، "قازاق بول"، "قازاقشا سويلە"، "قازاقتى ءسۇي" دەگەن ۇعىمداردىڭ استارىندا ەش جامانشىلىق جوق. بۇلاي دەيتىندەردى اسىرە ۇلتشىل، ءدۇيىم دۇنيەگە دۇشپان ەتىپ كورسەتۋدەن ەشتەڭە ۇتپايسىڭ، ءانۋار. ەندەشە، بۇلاي اقتالۋدىڭ دا قاجەتى شامالى.
ءقاۋىپتىسى، سەنىڭ دەرتىڭ كۇن وتكەن سايىن اسقىنىپ بارادى...
دۋمان بىقاي
