«لاتىن ارپىنە كوشكەندە، ءبىز ورىس تىلىنەن قاشىپ كەتەيىن دەپ جاتقان جوقپىز. الىپقاشپا سوزبەن وسىنى كەيبىر ساياساتكەرلەر ايتادى. اسىرەسە ورىس تىلىندە. ءالىپبي – قازاقتىڭ تىلىنە بايلانىستى ماسەلە. عىلىم مەنەن تەحنيكانىڭ كوزى ورىس تىلىنە كوپ اۋدارىلعان. بارلىعىنان اجىراپ قالساق، ءبىز بايىمايمىز، كەدەيلەنەمىز.
قازاقستاننىڭ ورىس ءتىلدى حالقى ءۇشىن كيريلليسا قولدانىستا قالا بەرمەك.
بۇل – ۇلكەن ماسەلە. ۇلكەن جۇمىس اتقارىلىپ جاتىر. جاقىندا بىر-ەكى ءماتىنىن قارايتىن بولامىن. وسىعان شۇعىلدانىپ جۇرگەن عالىمداردى، ءتىلماشتاردى – بارلىعىن جيناپ، سولارمەن وتىرىپ، ءبىر جوباعا توقتايتىن بولامىز»، – دەيدى نازاربايەۆ.
بۇدان بولەك، پرەزيدەنت حالىقارالىق ەحرو-2017 مامانداندىرىلعان كورمەسىن وتكىزۋدىڭ ماڭىزدىلىعىنا توقتالىپ، ونىڭ جۇمىسى اياقتالعاننان كەيىن كەشەن نىساندارىن پايدالانۋ جوسپارى تۋرالى ويىمەن ءبولىستى.
سۇقباتتىڭ تولىق نۇسقاسىن 21-تامىز، دۇيسەنبى كۇنى كەشكى ساعات 21:30-دا «حابار» جانە «حابار 24» ارنالارىنان كورە الاسىزدار.
https://www.youtube.com/watch؟v=EBhQtz2W_kI&feature=youtu.be
