"استاناداعى سارىارقا اۋدانىنىڭ اكىمدىگى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ مالىمەتتەرىنە سۇيەنە وتىرىپ، زاڭناماعا سايكەس، اۋدان اكىمى ورىنباسارىنىڭ تەرگەۋ شارالارىنا بايلانىستى ۋاقىتشا قىزمەتىنەن شەتتەتىلگەنىن حابارلادى"، - دەدى اۋداندىق اكىمدىكتىڭ باسپا ءسوز قىزمەتىندەگىلەر.
سونىمەن قاتار، باسپا ءسوز قىزمەتىندەگىلەردىڭ مالىمەتىنشە، "سبس-سناب سەرۆيس" ج ش س مەن "Install Service Com" جشس-تارعا قاتىستى شارالار قولدانىلادى.
"سارىارقا اۋدانىنىڭ اكىمدىگى الداعى ۋاقىتتا ءىستى زەرتتەۋ ءۇشىن تەرگەۋ ورگاندارىنا بارىنشا كومەك كورسەتەتىندەرىن ايتتى. اكىمدىكتەگىلەر جۇيەلى تۇردە جەمقورلىقتىڭ الدىن الۋ مەن ونىمەن كۇرەسۋ ماسەلەلەرىمەن جۇمىس ىستەپ جاتىر"، - دەدى ۆەدومستۆوداعىلار.
ايتا كەتەيىك، ۇلتتىق بيۋرو اكچۋرينگە ەلوردا اكىمدىگىنىڭ "استانا تازالىق" ج ش س باس ديرەكتورىمەن قىلمىستىق كەلىسىمدە بولعان دەگەن كۇدىك كەلتىرگەن.
"ر.اكچۋرين استانا اكىمدىگىنىڭ "استانا تازالىق" ج ش س باس ديرەكتورىمەن قىلمىستىق كەلىسىمدە بولىپ، "سبس-سناب سەرۆيس" ج ش س جانە "Install Service Com" ج ش س قۇرىپ، 2016 جىلى جالپى سومماسى 1،8 ميلليارد تەڭگەنى بولاتىن كوشەلەردى مەحانيزاسيالىق جانە سانيتارلىق تازالاۋ بويىنشا مەملەكەتتىك ساتىپ الۋ كونكۋرسىندا جەڭىسكە جەتۋىن زاڭسىز قامتاماسىز ەتىپ، زاڭسىز كىرىس كورگەن"، - دەلىنگەن حابارلامادا.
سونىمەن قاتار، ر.اكچۋرين ءوزىنىڭ قاراماعىنداعى كومپانيالاردىڭ مۇددەلەرى ءۇشىن اكىمدىكتىڭ لاۋازىمدى تۇلعالارىنا بىرنەشە رەت پارا بەرگەنىن حابارلادى ۆەدومستۆو وكىلدەرى. قازىرگى كەزدە ر. اكچۋرين ق ر قك 128-بابىنا سايكەس استانا ءىىد ۋاقىتشا قاماۋ اباقتىسىنا جابىلدى.
