Orynbasary jemqorlyqpen ustalǵan ákim ornynda ne qylyp otyr?
"Astanadaǵy Saryarqa aýdanynyń ákimdigi Sybailas jemqorlyqqa qarsy is-qimyl ulttyq biýrosynyń málimetterine súiene otyryp, zańnamaǵa sáikes, aýdan ákimi orynbasarynyń tergeý sharalaryna bailanysty ýaqytsha qyzmetinen shettetilgenin habarlady", - dedi aýdandyq ákimdiktiń baspasóz qyzmetindegiler.
Sonymen qatar, baspasóz qyzmetindegilerdiń málimetinshe, "SBS-Snab Servis" JShS men "Install Service Com" JShS-tarǵa qatysty sharalar qoldanylady.
"Saryarqa aýdanynyń ákimdigi aldaǵy ýaqytta isti zertteý úshin tergeý organdaryna barynsha kómek kórsetetinderin aitty. Ákimdiktegiler júieli túrde jemqorlyqtyń aldyn alý men onymen kúresý máselelerimen jumys istep jatyr", - dedi vedomstvodaǵylar.
Aita keteiik, Ulttyq biýro Akchýringe elorda ákimdiginiń "Astana Tazalyq" JShS bas direktorymen qylmystyq kelisimde bolǵan degen kúdik keltirgen.
"R.Akchýrin Astana ákimdiginiń "Astana Tazalyq" JShS bas direktorymen qylmystyq kelisimde bolyp, "SBS-Snab Servis" JShS jáne "Install Service Com" JShS quryp, 2016 jyly jalpy sommasy 1,8 milliard teńgeni bolatyn kóshelerdi mehanizatsiialyq jáne sanitarlyq tazalaý boiynsha memlekettik satyp alý konkýrsynda jeńiske jetýin zańsyz qamtamasyz etip, zańsyz kiris kórgen", - delingen habarlamada.
Sonymen qatar, R.Akchýrin óziniń qaramaǵyndaǵy kompaniialardyń múddeleri úshin ákimdiktiń laýazymdy tulǵalaryna birneshe ret para bergenin habarlady vedomstvo ókilderi. Qazirgi kezde R. Akchýrin QR QK 128-babyna sáikes Astana IID ýaqytsha qamaý abaqtysyna jabyldy.
