مەسەلەن, بٷگٸندە ورداباسىدا مال بورداقىلايتىن 150 الاڭ جۇمىسىن باستاپ, جانۇيالىق 22 سٷت فەرماسى ٸسكە قوسىلدى. سونداي-اق, جەكە كەسٸپكەر ب.باشەنوۆ 25 مىڭ باسقا ارنالعان قۇس فەرماسىن سالىپ, جۇمىسىن جٷرگٸزٸپ كەلەدٸ.
وسىنداي ٸلكٸمدٸ ٸستەردٸڭ ارقاسىندا ورداباسى اۋدانىندا 2018 جىلدىڭ 5 ايىندا اۋىل شارۋاشىلىعى جالپى ٶنٸمٸنٸڭ (قىزمەتٸنٸڭ) كٶلەمٸ 9 ملرد 154 ملن. 500 مىڭ تەڭگەنٸ قۇراپ, 2017 جىلمەن (8 ملرد 045 ملن. 300 مىڭ تەڭگە) سالىستىرعاندا 1 ملرد 109 ملن. 200 مىڭ تەڭگەگە ارتتى. اۋىل شارۋاشىلىعى داقىلدارىنىڭ 55 300 گا ەگٸستٸك جەرلەردٸ يگەرۋ جوسپارى 102 پايىزعا ورىندالىپ, 56 553 گەكتاردى قۇرادى.
سۋارمالى جەر جىل باسىنان بەرٸ 725 گەكتارعا ۇلعايتىلدى. 7,04 گەكتار جىلىجاي ٸسكە قوسىلىپ, 541,54 گەكتارعا تامشىلاتىپ سۋعارۋ ەدٸسٸ ەنگٸزٸلدٸ. قارقىندى باۋ شارۋاشىلىعىن دامىتۋ ٷشٸن 60 گەكتارعا جٷزٸم, 40 گەكتارعا جاڭعاق ەگۋ جوسپارلاندى. بۇل باعىتتا, بٷگٸنگٸ تاڭدا 34 گا باۋ, 5 گا جٷزٸم كٶشەتٸ وتىرعىزىلدى. سونىمەن قاتار, بٶرجار اۋىل وكرۋگٸندە «الەكساندروۆسكيي ساد» جشس – 20 گا جەمٸس پەن جاڭعاق كٶشەتتەرٸن, «Green town south» جشس – 10 گا جەمٸس كٶشەتتەرٸن وتىرعىزىپ, قارقىندى شارۋاشىلىقتارىن ۇلعايتۋدى كٶزدەۋدە.
جىل باسىنان بەرٸ «سىباعا» باعدارلاماسىمەن 333 ٸرٸ قارا, «التىن اسىق» باعدارلاماسىمەن الىناتىن 1268 ۋاق مال, «قۇلان» باعدارلاماسى بويىنشا 361 جىلقى الىندى
.
تەرەڭ قوپسىتۋ ەدٸسٸن قولدانۋ باعىتىندا 9500 گا جەردٸ ٶڭدەۋ جوسپارلانعان. بۇل باعىتتا 11 سوقا الىنىپ, 9807 گا جەرگە تەرەڭ قوپسىتۋ ەدٸسٸ ەندٸرٸلدٸ. اۋىل شارۋاشىلىعى تەحنيكالارىن جاڭالاۋ بويىنشا جىل باسىنان بەرٸ 39 تەحنيكا الىندى.
