Máselen, búginde Ordabasyda mal bordaqylaityn 150 alań jumysyn bastap, januialyq 22 sút fermasy iske qosyldy. Sondai-aq, jeke kásipker B.Bashenov 25 myń basqa arnalǵan qus fermasyn salyp, jumysyn júrgizip keledi.
Osyndai ilkimdi isterdiń arqasynda Ordabasy aýdanynda 2018 jyldyń 5 aiynda aýyl sharýashylyǵy jalpy óniminiń (qyzmetiniń) kólemi 9 mlrd 154 mln. 500 myń teńgeni qurap, 2017 jylmen (8 mlrd 045 mln. 300 myń teńge) salystyrǵanda 1 mlrd 109 mln. 200 myń teńgege artty. Aýyl sharýashylyǵy daqyldarynyń 55 300 ga egistik jerlerdi igerý jospary 102 paiyzǵa oryndalyp, 56 553 gektardy qurady.
Sýarmaly jer jyl basynan beri 725 gektarǵa ulǵaityldy. 7,04 gektar jylyjai iske qosylyp, 541,54 gektarǵa tamshylatyp sýǵarý ádisi engizildi. Qarqyndy baý sharýashylyǵyn damytý úshin 60 gektarǵa júzim, 40 gektarǵa jańǵaq egý josparlandy. Bul baǵytta, búgingi tańda 34 ga baý, 5 ga júzim kósheti otyrǵyzyldy. Sonymen qatar, Bórjar aýyl okrýginde «Aleksandrovskii sad» JShS – 20 ga jemis pen jańǵaq kóshetterin, «Green town south» JShS – 10 ga jemis kóshetterin otyrǵyzyp, qarqyndy sharýashylyqtaryn ulǵaitýdy kózdeýde.
Jyl basynan beri «Sybaǵa» baǵdarlamasymen 333 iri qara, «Altyn asyq» baǵdarlamasymen alynatyn 1268 ýaq mal, «Qulan» baǵdarlamasy boiynsha 361 jylqy alyndy
.
Tereń qopsytý ádisin qoldaný baǵytynda 9500 ga jerdi óńdeý josparlanǵan. Bul baǵytta 11 soqa alynyp, 9807 ga jerge tereń qopsytý ádisi endirildi. Aýyl sharýashylyǵy tehnikalaryn jańalaý boiynsha jyl basynan beri 39 tehnika alyndy.
