بيىل اۋداندا مال باسىنا قاجەتتى 322،9 مىڭ توننا مال ازىعىن دايىنداۋ جوسپارلانىپ، بۇگىنگى تاڭدا 341 مىڭ توننا مال ازىعى جينالدى.
اۋدان باسشىسى ساپار بارىسىندا بادام وندىرىستىك كوپەراتيۆىنىڭ، «مۋسايەۆ مۋحان» شارۋا قوجالىعىنىڭ جۇمىسىمەن تانىستى. كەزدەسۋدە شارۋالاردى مال، ەگىن شارۋاشىلىعى بويىنشا مەملەكەتتىك باعدارلامالارعا قاتىسۋعا شاقىردى.
ءارى جىل وتكەن سايىن جايىلىمدىق القاپتىڭ تارىلۋىنا بايلانىستى مال باسىن ارتتىرۋ، باعۋدا ءداستۇرلى تاسىلدەن زاماناۋي ادىسكە كوشۋ تۋرالى ايتىپ ءوتتى.
جالپى اۋداندا 280 بىرلىك مال ۇستاۋ وبەكتىلەرى بار بولسا، ءتورت تۇلىككە قاجەتتى ازىق تۇرىنەن سابان – 34 مىڭ توننا، پىشەندەمە – 13،5 مىڭ توننا، تابيعي ءشوپ – 107،6 مىڭ توننا، جوڭىشقا – 171،6 مىڭ توننا جانە سۇرلەمدىك جۇگەرى 14 مىڭ توننانى قۇراپ وتىر.
ايتا كەتەيىك، اۋداندا 9 ايدىڭ قورىتىندىسىمەن ءىرى قارا مال 82 204 باس، ۋاق مال 447 383 باس، جىلقى 32 345 باس، ءتۇي 930 باستى قۇراپ وتىر.
