Biyl aýdanda mal basyna qajetti 322,9 myń tonna mal azyǵyn daiyndaý josparlanyp, búgingi tańda 341 myń tonna mal azyǵy jinaldy.
Aýdan basshysy sapar barysynda Badam óndiristik koperativiniń, «Mýsaev Mýhan» sharýa qojalyǵynyń jumysymen tanysty. Kezdesýde sharýalardy mal, egin sharýashylyǵy boiynsha memlekettik baǵdarlamalarǵa qatysýǵa shaqyrdy.
Ári jyl ótken saiyn jaiylymdyq alqaptyń tarylýyna bailanysty mal basyn arttyrý, baǵýda dástúrli tásilden zamanaýi ádiske kóshý týraly aityp ótti.
Jalpy aýdanda 280 birlik mal ustaý obektileri bar bolsa, tórt túlikke qajetti azyq túrinen saban – 34 myń tonna, pishendeme – 13,5 myń tonna, tabiǵi shóp – 107,6 myń tonna, jońyshqa – 171,6 myń tonna jáne súrlemdik júgeri 14 myń tonnany qurap otyr.
Aita keteiik, aýdanda 9 aidyń qorytyndysymen iri qara mal 82 204 bas, ýaq mal 447 383 bas, jylqy 32 345 bas, túi 930 basty qurap otyr.
