كەزدەسۋدە قاتىسۋشىلار نازارى اكسيانىڭ نەگىزگى ماقساتى ءتۇسىندىرىلدى، ياعني، سالىق تولەۋشىلەردىڭ قۇقىعىن قورعاۋ، سالىقتىق ساۋاتتىلىقتى كوتەرىپ، سالىقتىق مادەنيەتكە تاربيەلەۋ، كاسىپكەرلەردى ادال باسەكەلەستىككە ىنتالاندىرۋ، كولەڭكەلى ەكونوميكانىڭ الدىن الۋ، كولەڭكەلى بيزنەس يەلەرىن قوعام بولىپ اشكەرەلەپ، ادال كاسىپكەرلىككە ۇندەۋ ەكەنىن جانە قازىنا حالىققا الەۋمەتتىك تولەمدەر بولىپ قايتاتىنىن ايتا كەلە، اكسيانىڭ اياقتالۋىنا ءبىر اي قالعانىن ەسكەرە وتىرىپ، چەكتى تالاپ ەتىپ، سالىق ءتۇسىمىنىڭ وسۋىنە ىقپال ەتۋمەن ەل ەكونوميكاسىنىڭ دامۋىنا ءوز ۇلەستەرىن قوسۋعا شاقىردى.
سونىمەن قاتار، تاۋارلارمەن ەلەكتروندىق ساۋدا جاسايتىن سالىق تولەۋشىلەر ءۇشىن سالىق كودەكسىمەن 2018 جىلدىڭ 1ء-شى قاڭتارىنان باستاپ، ينتەرنەت-ساۋدانى قولداۋ ماقساتىندا، كورپوراتيۆتىك تابىس سالىعى مەن جەكە تابىس سالىعىنا جاڭا جەڭىلدىكتەر قاراستىرىلعانىن جانە ونى قولدانۋ ءۇشىن قانداي شارتتار قاجەتتىگى ءتۇسىندىرىلدى.
كەزدەسۋ سوڭىندا، ورداباسى اۋدانى بويىنشا مەملەكەتتىك كىرىستەر باسقارماسى قىزمەتكەرلەرى قاتىسۋشىلاردىڭ بارلىق سۇراقتارىنا قاناعاتتاندىرارلىق جاۋاپتار بەرىپ، ىستەرىنە ساتتىلىك تىلەدى.
Dalanews.kz
