Túrkistan oblysy boıynsha Memlekettik kirister departamentiniń Ordabasy aýdany boıynsha Memlekettik kirister basqarmasy aǵymdaǵy jyldyń 12-qarashasynda «Qajymuhan» aýylynyń turǵyndarymen «Túbirtekti talap et – júlde utyp al!» aksıasyn nasıhattaý jáne «Taýarlarmen elektrondy saýda – jańa múmkindikterin túsindirý maqsatynda jeke tulǵalarmen kezdesý ótkizdi.

Kezdesýde qatysýshylar nazary aksıanyń negizgi maqsaty túsindirildi, ıaǵnı, salyq tóleýshilerdiń quqyǵyn qorǵaý, salyqtyq saýattylyqty kóterip, salyqtyq mádenıetke tárbıeleý, kásipkerlerdi adal básekelestikke yntalandyrý, kóleńkeli ekonomıkanyń aldyn alý, kóleńkeli bıznes ıelerin qoǵam bolyp áshkerelep, adal kásipkerlikke úndeý ekenin jáne qazyna halyqqa áleýmettik tólemder bolyp qaıtatynyn aıta kele, aksıanyń aıaqtalýyna bir aı qalǵanyn eskere otyryp, chekti talap etip, salyq túsiminiń ósýine yqpal etýmen el ekonomıkasynyń damýyna óz úlesterin qosýǵa shaqyrdy.

Sonymen qatar, taýarlarmen elektrondyq saýda jasaıtyn salyq tóleýshiler úshin Salyq kodeksimen 2018 jyldyń 1-shi qańtarynan bastap, ınternet-saýdany qoldaý maqsatynda, korporatıvtik tabys salyǵy men jeke tabys salyǵyna jańa jeńildikter qarastyrylǵanyn jáne ony qoldaný úshin qandaı sharttar qajettigi túsindirildi.

Kezdesý sońynda, Ordabasy aýdany boıynsha Memlekettik kirister basqarmasy qyzmetkerleri qatysýshylardyń barlyq suraqtaryna qanaǵattandyrarlyq jaýaptar berip, isterine sáttilik tiledi.

 

Dalanews.kz