جىلىجاي كەشەننٸڭ ينۆەستيتسييالىق قۇنى – 420 ملن تەڭگە. 2 گەكتار اۋماقتى الىپ جاتقان جىلىجايدا 2020 جىلى ٸسكە قوسىلعان. قازٸرگٸ تاڭدا 15 ادام جۇمىسپەن قامتىلعان. جىلىنا 400 توننا ٶنٸم ٶندٸرەدٸ.
بۇدان بٶلەك, جالپى اۋداندا 105,9 گەكتار القاپقا جىلىجاي كەشەنٸ بار. ونىڭ ٸشٸندە 21 گەكتارى – ٶندٸرٸستٸك جىلىجايلار, ال 84,9 گەكتار اۋماعى – فەرمەرلٸك جىلىجايلار.
سونىمەن قاتار, جۋرناليستەر شۇبار اۋىلىنداعى «توعجان» مال بورداقىلاۋ الاڭىنا باردى. جەكە كەسٸپكەر «اۋىل اماناتى» باعدارلاماسى اياسىندا 2,5 پايىزدىق نەسيەمەن 7,5 ملن تەڭگە قارجى العان. بٷگٸندە ورتالىقتا 16 مال باسى بورداقىلانىپ جاتىر. الداعى ۋاقىتتا كەسٸپكەر بال باسىن كٶبەيتۋدٸ جوسپارلاپ وتىر.
جالپى اۋدان بويىنشا «اۋىل اماناتى» جوباسىنا 4 اۋىلدىق وكرۋگ ەنگٸلگەن.
بيىل 17 سەۋٸر ايىنان باستاپ نەسيە الۋعا نيەت بٸلدٸرگەن اۋىل تۇرعىندارىنان قۇجاتتار قابىلدانىپ, بٷگٸنگٸ تاڭدا 1 ملرد 753 ملن تەڭگە قۇرايتىن 337 جوباعا ٶتٸنٸش تٷسكەن. ونىڭ ٸشٸندە 1 ملرد. 511 ملن تەڭگە قۇرايتىن 232 جوبا ماقۇلدانىپ, جالپى سومماسى 1 ملرد 43 ملن تەڭگەگە 165 جوبا قارجىلاندىرىلعان.
