Jylyjai keshenniń investitsiialyq quny – 420 mln teńge. 2 gektar aýmaqty alyp jatqan jylyjaida 2020 jyly iske qosylǵan. Qazirgi tańda 15 adam jumyspen qamtylǵan. Jylyna 400 tonna ónim óndiredi.
Budan bólek, jalpy aýdanda 105,9 gektar alqapqa jylyjai kesheni bar. Onyń ishinde 21 gektary – óndiristik jylyjailar, al 84,9 gektar aýmaǵy – fermerlik jylyjailar.
Sonymen qatar, jýrnalister Shubar aýylyndaǵy «Toǵjan» mal bordaqylaý alańyna bardy. Jeke kásipker «Aýyl amanaty» baǵdarlamasy aiasynda 2,5 paiyzdyq nesiemen 7,5 mln teńge qarjy alǵan. Búginde ortalyqta 16 mal basy bordaqylanyp jatyr. Aldaǵy ýaqytta kásipker bal basyn kóbeitýdi josparlap otyr.
Jalpy aýdan boiynsha «Aýyl amanaty» jobasyna 4 aýyldyq okrýg engilgen.
Biyl 17 sáýir aiynan bastap nesie alýǵa niet bildirgen aýyl turǵyndarynan qujattar qabyldanyp, búgingi tańda 1 mlrd 753 mln teńge quraityn 337 jobaǵa ótinish túsken. Onyń ishinde 1 mlrd. 511 mln teńge quraityn 232 joba maquldanyp, jalpy sommasy 1 mlrd 43 mln teńgege 165 joba qarjylandyrylǵan.
