ورالدىق دەرٸگەر ەكٸمدٸك ەرەكەتٸن زاڭسىز دەپ تانىپ, مەملەكەتتٸك قوردان پەتەر بەرۋٸن تالاپ ەتتٸ, دەپ حابارلايدى Dalanews.kz.
سوت ەيەلدٸڭ 33 جىلدان استام دەرٸگەر بولىپ جۇمىس ٸستەگەنٸن جەنە جەكە باسپاناسىنىڭ جوقتىعىن انىقتادى. سوڭعى 15 جىل بويى ول قازٸر جالداۋ مەرزٸمٸ بٸتكەن جالدامالى پەتەردە تۇرىپ كەلگەن.
بۇعان دەيٸن تۇرعىن ٷي كوميسسيياسىنىڭ شەشٸمٸمەن دەرٸگەرگە مەملەكەتتٸك قوردان قىزمەتتٸك پەتەر بٶلٸنگەن. الايدا بٷگٸنگٸ كٷنگە دەيٸن كوميسسييا شەشٸمٸ ورىندالماعان.
سوت وتىرىسى بارىسىندا تاراپتار كەلٸسٸمگە كەلدٸ. ەكٸمدٸك ەيەلگە 2024 جىلدىڭ 31 جەلتوقسانىنا دەيٸن بٸر نەمەسە ەكٸ بٶلمەلٸ پەتەر بەرۋگە مٸندەتتەلدٸ.
بۇل شەشٸم ورىندالماسا, سوت ەكٸمدٸككە 50 اەك نەمەسە 184 600 تەڭگە كٶلەمٸندە ايىپپۇل سالۋى مٷمكٸن.
ايتا كەتەيٸك, بۇعان دەيٸن باتىس قازاقستان وبلىسىندا ەمحانادا جانجال شىعارعان تۇرعىنعا ايىپپۇل سالىنعا ەدٸ. بۇل تۋرالى جەرگٸلٸكتٸ “موي گورود” باسىلىمى جازدى. ەكٸمشٸلٸك قۇقىق بۇزۋشىلىق تۋرالى ٸس بەيتەرەك اۋدانىنىڭ №2 اۋداندىق سوتىندا قارالدى. تۇرعىنعا قر ەقبتك 80-1-بابىنىڭ 2-بٶلٸگٸ بويىنشا ايىپ تاعىلدى.
وقيعا 24 قىركٷيەك كٷنٸ اسان كەنتٸندەگٸ ەمحانا عيماراتىندا ورىن العان. بقو سوتىنىڭ مەلٸمەتٸنشە, ەيەل دەرٸگەرگە قاتىستى ەدەپسٸز مٸنەز كٶرسەتٸپ, ٷستەلدٸ ۇرىپ, ايقايلاعان. مەديتسينالىق قىزمەتكەردٸڭ كەسٸبي جۇمىسىنا كەدەرگٸ كەلتٸرگەن تۇرعىن دەرٸگەرگە قۇرمەتسٸزدٸك تانىتقان.
سوتتا ەيەلدٸڭ ٶزٸ كٸنەسٸن مويىنداعان جوق جەنە ەكٸمشٸلٸك قۇقىق بۇزۋشىلىق تۋرالى حاتتامامەن كەلٸسپەيتٸنٸن ايتتى.
“وسى ۋاقىتتا دەرٸگەر دەلٸزگە شىعىپ, قاسىندا وتىرعان قارتتارعا جارىقتىڭ سٶنگەنٸن ەسكەرتٸپ, انىقتاما الۋ ٷشٸن كەلگەندەردٸڭ كٷتپەۋٸن ٶتٸنگەن. ايىپتالۋشى ەيەل دەرٸگەردەن قىزىن تەكسەرۋدٸ سۇراعان, ال دەرٸگەر سول سەتتە وعان نازار اۋدارماعان. سول جەردە تۇرعان بٸر ەجەي كەزەكسٸز كٸرٸپ كەتكەن. ال دەرٸگەر ماسكا تاعىپ, بۇرىلىپ, ايىپتالۋشىعا قاراماي كەتكەن. وسى كەزدە ول داۋىسىن كٶتەرٸپ, دەرٸگەرگە ايقايلادى, دەرٸگەردٸڭ ٷستەلٸن ۇردى, بٸراق بالاعات سٶزدەر ايتپادى”, - دەلٸنگەن سوت حابارلاماسىندا.
سوت شەشٸمٸمەن ەيەل كٸنەلٸ دەپ تانىلدى. وعان 110 760 تەڭگە ايىپپۇل سالىندى.
