ورال قالاسىندا ٶتكەن جىلى كٶپقاباتتى ٷيدٸڭ اۋلاسىندا تٸرٸدەي ٶرتەنٸپ كەتكەن 8 جاستاعى ارتەمنٸڭ ٶلٸمٸنە قاتىستى قىلمىستىق ٸس توقتاتىلدى. بۇل تۋرالى مارقۇم بالانىڭ اناسى مۋحاببات پارداەۆا مەلٸمدەدٸ, دەپ حابارلايدى dalanews.kz "موي گورود" پورتالىنا سٸلتەمە جاساپ.
قايعىلى وقيعا 2025 جىلعى 10 تامىزدا قوناەۆ كٶشەسٸندەگٸ كٶپقاباتتى ٷيدٸڭ اۋلاسىندا بولعان. جازعى دەمالىسقا ەجەسٸنٸڭ ٷيٸنە كەلگەن ارتەم سول كٷنٸ دوستارىمەن ويناۋعا شىعىپ, ارادا بٸرنەشە ساعات ٶتكەن سوڭ دەنەسٸنٸڭ باسىم بٶلٸگٸ كٷيگەن كٷيدە ٷيٸنە جەتكٸزٸلگەن. اناسىنىڭ ايتۋىنشا, بالانىڭ دەنەسٸنٸڭ 96 پايىزى كٷيٸپ قالعان. ول ەسٸن جوعالتپاعانىمەن, ٶزٸن كٸم ٶرتەگەنٸن ناقتى ايتا الماعان. تەك «مەنٸ ٶلتٸرگٸسٸ كەلدٸ» دەگەن سٶزدٸ قايتالاي بەرگەن.
مارقۇمنىڭ اناسى تەرگەۋ جۇمىستارىنىڭ دۇرىس جٷرگٸزٸلمەگەنٸنە شاعىمداندى. ونىڭ سٶزٸنشە, قىلمىستىق ٸس 2026 جىلدىڭ اقپان ايىندا توقتاتىلعان. ەيەل دەلەلدەردٸڭ باسىم بٶلٸگٸن ٶزدەرٸ جيناعانىن ايتادى. اتاپ ايتقاندا, مەكتەپ پەن دٷكەن كامەرالارىنداعى جازبالاردى پوليتسييا ەمەس, ٶزٸ ٸزدەپ تاپقان.
سونداي-اق پودەزدەگٸ بەينەباقىلاۋ كامەراسىنىڭ جازبالارى نەبەرٸ جەتٸ كٷن ساقتالعاندىقتان, تەرگەۋشٸلەر ۋاقىت ٶتكٸزٸپ الىپ, ماڭىزدى كادرلار جوعالىپ كەتكەن. وتباسىنا تەك ٷزٸندٸ بەينەلەر كٶرسەتٸلگەن.
«ٸس جاي عانا تۇرىپ قالدى. ەشكٸم ناقتى جۇمىس ٸستەمەدٸ. پوليتسييا بٸزدٸڭ ٸس بويىنشا ەرەكەت ەتكەن جوق», – دەيدٸ بالانىڭ اناسى.
وتباسىنىڭ ايتۋىنشا, وقيعاعا كەمەلەتكە تولماعاندار قاتىسى بولۋى مٷمكٸن. الايدا ولار جاۋاپكەرشٸلٸككە تارتىلماعان.
ەدٸلدٸككە قول جەتكٸزە الماعان سوڭ, بالانىڭ ەكەسٸ ۆيدەوٷندەۋ جارييالاپ, كٸنەلٸلەردٸ تابۋدى سۇراعان. بٸراق كەيٸن ٶزدەرٸنە قارسى پوليتسيياعا ارىزدار تٷسكەن. وتباسى ادۆوكات جالداپ, ٶزدەرٸن قورعاۋعا مەجبٷر بولعان.
باتىس قازاقستان وبلىستىق پوليتسييا دەپارتامەنتٸ ٸس بويىنشا بارلىق قاجەتتٸ ساراپتامالار جٷرگٸزٸلگەنٸن حابارلادى. تەرگەۋ قر قپك-نٸڭ 35-بابى 1-بٶلٸگٸ 2-تارماعىنا سەيكەس, قىلمىستىق قۇقىق بۇزۋشىلىق قۇرامى بولماعاندىقتان توقتاتىلعان.
