ورال قالاسىنىڭ №2 سوتى اۋرۋحاناعا جەتكٸزٸلگەننەن كەيٸن كەلەسٸ كٷنٸ جانساقتاۋ بٶلٸمٸندە كٶز جۇمعان 58 جاستاعى ەر ادامنىڭ ٸسٸ بويىنشا شەشٸم شىعاردى. سوت مارقۇمنىڭ ۇلىنىڭ تالابىن ٸشٸنارا قاناعاتتاندىرىپ, قالالىق اۋرۋحانانى 4 ميلليون تەڭگە كٶلەمٸندە مورالدىق زيياندى ٶتەۋگە مٸندەتتەدٸ. بۇل تۋرالى قازاقستان رەسپۋبليكاسى جوعارعى سوتىنىڭ باسپاسٶز قىزمەتٸ مەلٸمدەدٸ, دەپ حابارلايدى dalanews.kz.
ٸس ماتەريالدارىنا سەيكەس, مارقۇمنىڭ ۇلى ەكەسٸنٸڭ قايتىس بولۋىنا دەرٸگەرلەردٸڭ ەرەكەتٸ نەمەسە ەرەكەتسٸزدٸگٸ سەبەپ بولۋى مٷمكٸن دەپ ەسەپتەپ, اۋرۋحانا مەن ەمدەۋشٸ دەرٸگەردٸ سوتقا بەرگەن. الايدا مەديتسينالىق مەكەمە تالاپ-ارىزبەن كەلٸسپەگەن.
بۇعان دەيٸن مارقۇمنىڭ تۋىستارى پوليتسيياعا جٷگٸنگەنٸمەن, قىلمىستىق قۇقىق بۇزۋشىلىق بەلگٸلەرٸ انىقتالماعاندىقتان, سوتقا دەيٸنگٸ تەرگەۋ توقتاتىلعان. كەيٸن مەديتسينالىق جەنە فارماتسەۆتيكالىق باقىلاۋ كوميتەتٸنٸڭ اۋماقتىق دەپارتامەنتٸ تەكسەرۋ جٷرگٸزٸپ, ناۋقاسقا مەديتسينالىق كٶمەك كٶرسەتۋ كەزٸندە زاڭ تالاپتارىنىڭ بۇزىلعانىن انىقتاعان.
"پاتسيەنت بٸرنەشە رەت مەديتسينالىق كٶمەك سۇراپ جٷگٸنگەنٸمەن, وعان قاجەتتٸ تەكسەرۋلەر جٷرگٸزٸلمەگەن. دەرٸگەرلەر ونى ماس كٷيدە بولدى دەپ بولجاعانىمەن, بۇل بولجامدى راستايتىن الكوگولدٸك ساراپتاما جاسالماعان", - دەپ مەلٸمدەدٸ جوعارعى سوت.
تەك ناۋقاس دەنساۋلىق ساقتاۋ باسقارماسىنىڭ call-ورتالىعىنا شاعىمدانعاننان كەيٸن عانا اۋرۋحاناعا جاتقىزىلىپ, وعان يشەمييالىق ينسۋلت دياگنوزى قويىلعان. الايدا ەم باستالعانىنا قاراماستان, ەر ادام كەلەسٸ كٷنٸ جانساقتاۋ بٶلٸمٸندە قايتىس بولعان.
سوت مەديتسينالىق كٶمەكتٸڭ دەر كەزٸندە كٶرسەتٸلمەۋٸ ناۋقاستى ٶمٸرٸن ساقتاپ قالۋدىڭ ناقتى مٷمكٸندٸگٸنەن ايىرعان دەگەن قورىتىندىعا كەلگەن.
"وسى مەن-جايلاردى ەسكەرە وتىرىپ, سوت تالاپكەردٸڭ ارىزىن ٸشٸنارا قاناعاتتاندىرىپ, قالالىق اۋرۋحانادان 4 ميلليون تەڭگە كٶلەمٸندە مورالدىق زييان ٶتەماقىسىن ٶندٸرۋ تۋرالى شەشٸم قابىلدادى", - دەپ حابارلادى جوعارعى سوت.
