شارا ماقساتى - وڭىرلەردىڭ تۇراقتى دامۋى ءۇشىن ESG پرينسيپتەرىن قولدانۋ مۇمكىندىكتەرىن قاراستىرۋ، ايماقتاعى كومىرتەكتى وفسەت جوبالارىن الەۋەتتى دامىتۋ ماسەلەلەرىن تالقىلاۋ جانە قالدىقتاردى باسقارۋ ادىستەرىن جەتىلدىرۋ مەن وقت-نى تاجىريبەدە قولدانۋ مۇمكىندىكتەرىن سارالاۋ.
فورۋمعا باتىس قازاقستان وبلىسى اكىمى ناريمان تورەاعالييەۆ، ەكولوگيا مينيسترلىگى، ەنەرگەتيكا مينيسترلىگى، باتىس قازاقستان وبلىسى اكىمدىگى وكىلدەرى، ءماجىلىس دەپۋتاتتارى، تابيعات پايدالانۋشى كومپانيالار، سالالىق قاۋىمداستىقتار، اگەنتتىكتەر، ۇزدىك ساراپشىلار، رەسپۋبليكالىق جانە جەرگىلىكتى ب ا ق وكىلدەرى قاتىستى.
بقو اكىمى ناريمان تورەعالييەۆ وڭىردە تابيعي رەسۋرستاردى، ونىڭ ىشىندە سۋدى ۇنەمدەۋ پايدالانۋ بويىنشا اتقارالىپ جاتقان جۇمىستارعا توقتالدى.
«2019 جىلدان بەرى كورشى رەسەيدەن ءوڭىردىڭ وڭتۇستىك جانە باتىس اۋداندارىنا جەتكىزىلەتىن سۋ كولەمى ارتتى. سونىمەن قاتار جەرگىلىكتى سۋ ايدىندارى «قورەكتەنەتىن» 178 شاقىرىمدىق كيروۆ-چيجين كانالىنىڭ رەكونسترۋكسياسى اياقتالدى. ءبىز جاڭا تەحنولوگيالاردى ەنگىزۋ ارقىلى سۋ رەسۋرستارىن ءتيىمدى باسقارىپ، ۇقىپتى پايدالانۋىمىز كەرەك. جەر استى سۋلارىن پايدالانۋعا ءوتۋ بويىنشا جۇمىستار اتقارىلۋدا. جەر قويناۋىن پايدالانۋشى كومپانيالار سۋ ۇنەمدەۋ تەحنولوگيالارىن ەنگىزۋ جۇمىسىن كۇشەيتەۋى كەرەك. ال «جاسىل قازاقستان» ۇلتتىق جوباسى اياسىندا وبلىسىمىزدا قاتتى تۇرمىستىق قالدىقتاردى قايتا وڭدەۋ ۇلەسىن 15-تەن 18%-عا جەتكىزۋدى جوسپارلاپ جاتىرمىز. كومىرتەكتى بەيتاراپتىققا جەتۋ جانە قاتتى تۇرمىستىق قالدىقتاردى وڭدەۋ جوبالارىن دامىتۋعا بارلىق العىشارتتار بار»، - دەدى وبلىس باسشىسى.
قاراشىعاناق پەتروليۋم وپەرەيتينگ ب.ۆ. باس ديرەكتورى دجانكارلو رۋيۋ ءداستۇرلى فورۋمنىڭ ماڭىزدىلىعىن اتاپ ءوتتى.
«وسى فورۋمدا ءبىز قىزمەتىمىزدى ەكولوگيا تۇرعىسىنان ءتيىمدى ەتۋگە باعىتتالعان جوسپارلارىمىز تۋرالى ا
