بۇعان دەيٸن حابارلانعانداي, پرەزيدەنت قاسىم-جومارت توقاەۆتىڭ تاپسىرماسى بويىنشا قر يندۋسترييا جەنە ينفراقۇرىلىمدىق دامۋ مينيسترلٸگٸ ٶنەركەسٸپتٸك قۇراستىرۋ تۋرالى كەلٸسٸمدەر شەڭبەرٸندەگٸ ۋاعدالاستىقتاردىڭ ساقتالۋى تۇرعىسىنان وتاندىق كەسٸپورىندارعا تەكسەرۋلەر جٷرگٸزۋدە.
الماتى جەنە قوستاناي قالالارىنداعى اۆتوٶندٸرۋشٸ زاۋىتتارعا جۋرناليستەردٸ, بلوگەرلەر مەن بەلسەندٸلەردٸ, تارتا وتىرىپ, اشىق ەسٸك كٷندەرٸ ٶتكٸزٸلدٸ. ارنايى شاقىرىلعاندار «سارىارقااۆتوپروم» جەنە «Hyundai Trans Kazakhstan» اۆتوموبيل زاۋىتتارىن ارالادى. سونداي-اق, قوناقتار «Kamlitkz» زاۋىتى قۇرىلىسىندا بولدى, بۇل زاۋىت جاقىن ارادا تاتارستان مەن قازاقستانداعى كاماز كونۆەيەرلەرٸنە ارنالعان اۆتوكومپونەنتتەردٸ شىعارۋدى باستايدى.
باق ٶكٸلدەرٸ "اگروماشحولدينگ KZ" اق كەسٸپورىندارىنا, قوستاناي تراكتور زاۋىتىنا جەنە قوستاناي اۆتوكٶلٸك كوللەدجٸنە بارىپ, ماشينا جاساۋ سالاسى ٷشٸن بٸلٸكتٸ كادرلاردى دايارلاۋ باعدارلاماسىمەن جەنە كٶلٸك قۇرالدارى مەن اۋىل شارۋاشىلىعى تەحنيكالارى ٷشٸن قوسالقى بٶلشەكتەردٸ ٶندٸرەتٸن كەسٸپورىن قىزمەتٸمەن تانىستى.
نىسانداردى ارالاۋ قورىتىندىسى بويىنشا الماتىدا يندۋسترييا جەنە ينفراقۇرىلىمدىق دامۋ ۆيتسە-مينيسترٸ مارات قاراباەۆتىڭ قاتىسۋىمەن بريفينگ ٶتتٸ. ول ەلەۋمەتتٸك جەلٸلەردە تٸكەلەي ەفيردە كٶرسەتٸلدٸ. ەكٸ ساعاتتىق سەسسييا بارىسىندا اۆتوٶنەركەسٸپتٸڭ اعىمداعى جاي-كٷيٸ, اۆتوقۇرامداۋىشتار ٶندٸرٸسٸ مەسەلەلەرٸ كٶتەرٸلدٸ. سونداي-اق, قر-دا ۋتيليزاتسييالىق الىمدى ەنگٸزۋدٸڭ تيٸمدٸلٸگٸ تالقىلاندى.
تۇراقتى ەكسكۋرسييالار ادامدارعا اۆتوموبيل ٶندٸرٸسٸ, لوكاليزاتسييا دەڭگەيٸ جەنە قولدانىلاتىن تەحنولوگييالار تۋرالى كٶبٸرەك بٸلۋگە كٶمەكتەسەدٸ. سونداي-اق ولار قازاقستاندىق بالالاردى ٶندٸرٸستٸڭ زاماناۋي مەدەنيەتٸمەن جەنە ٶزەكتٸ تەحنيكالىق ماماندىقتارمەن تانىستىرۋعا مٷمكٸندٸك بەرەدٸ.
