Buǵan deiin habarlanǵandai, Prezident Qasym-Jomart Toqaevtyń tapsyrmasy boiynsha QR Indýstriia jáne infraqurylymdyq damý ministrligi ónerkásiptik qurastyrý týraly kelisimder sheńberindegi ýaǵdalastyqtardyń saqtalýy turǵysynan otandyq kásiporyndarǵa tekserýler júrgizýde.
Almaty jáne Qostanai qalalaryndaǵy avtoóndirýshi zaýyttarǵa jýrnalisterdi, blogerler men belsendilerdi, tarta otyryp, ashyq esik kúnderi ótkizildi. Arnaiy shaqyrylǵandar «SaryarqaAvtoprom» jáne «Hyundai Trans Kazakhstan» avtomobil zaýyttaryn aralady. Sondai-aq, qonaqtar «Kamlitkz» zaýyty qurylysynda boldy, bul zaýyt jaqyn arada Tatarstan men Qazaqstandaǵy KAMAZ konveierlerine arnalǵan avtokomponentterdi shyǵarýdy bastaidy.
BAQ ókilderi "Agromashholding KZ" AQ kásiporyndaryna, Qostanai traktor zaýytyna jáne Qostanai avtokólik kolledjine baryp, mashina jasaý salasy úshin bilikti kadrlardy daiarlaý baǵdarlamasymen jáne kólik quraldary men aýyl sharýashylyǵy tehnikalary úshin qosalqy bólshekterdi óndiretin kásiporyn qyzmetimen tanysty.
Nysandardy aralaý qorytyndysy boiynsha Almatyda Indýstriia jáne infraqurylymdyq damý vitse-ministri Marat Qarabaevtyń qatysýymen brifing ótti. Ol áleýmettik jelilerde tikelei efirde kórsetildi. Eki saǵattyq sessiia barysynda avtoónerkásiptiń aǵymdaǵy jai-kúii, avtoquramdaýyshtar óndirisi máseleleri kóterildi. Sondai-aq, QR-da ýtilizatsiialyq alymdy engizýdiń tiimdiligi talqylandy.
Turaqty ekskýrsiialar adamdarǵa avtomobil óndirisi, lokalizatsiia deńgeii jáne qoldanylatyn tehnologiialar týraly kóbirek bilýge kómektesedi. Sondai-aq olar qazaqstandyq balalardy óndiristiń zamanaýi mádenietimen jáne ózekti tehnikalyq mamandyqtarmen tanystyrýǵa múmkindik beredi.
