− ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى مىندەتتەردى ورىنداۋدا سىزدەردىڭ ۇجىمدارىڭىزعا دا ارتىلار جۇك ەرەكشە. ويتكەنى، بۇگىندە الەم كوبىنەسە، ەكونوميكانى عانا دامىتۋعا بەت العان تۇستا بولاشاق ۇرپاققا تالىم-تاربيە بەرەر، رۋحاني ازىق قالدىرار مادەنيەت مەكەمەلەرىنىڭ جاۋاپكەرشىلىگى وراسان دەپ بىلەمىن. سوندىقتان، بىر-بىرىمەن تىعىز بايلانىستا جۇمىس ىستەيتىن ۆوكال ترۋپپاسى، حور ارتىستەرى، بالەت ترۋپپاسى جانە وركەستر ارتىستەرىنىڭ جۇمىستاردى جاڭا الەمدىك باعىتتا دامىتۋىن قالار ەدىم. ماسەلەن، تەاتر ۇجىمىنا ونەردىڭ ميۋزيكل جانرىن الەمدىك جانە ۇلتتىق ناقىشتا دامىتۋدى ۇسىنار ەدىم. سەبەبى، ءقازىر بۇكىل الەم بۇل جانرعا قىزىعادى، كوپتەپ بارادى، − دەگەن اكىم وپەرا مەن بالەت ونەرىنە حالىقتى كوپتەپ تارتۋدىڭ جولدارىن قاراستىرۋ قاجەتتىگىن ايتتى.
رۋحاني سالانى دامىتۋدا تەاتر ارتىستەرىنىڭ الەۋمەتتىك جاعدايىن رەتتەۋگە بارىنشا قولداۋ بىلدىرۋگە تىرىساتىنىن ايتتى.
ءوز كەزەگىندە، مادەنيەت مەكەمەسىنىڭ بەتكە ۇستار ءارتىسى ق ر مادەنيەت قايراتكەرى ءۇرالحان سەيلبەكوۆا ارنايى كەلگەن ءوڭىر باسشىسىنا العىسىن ءبىلدىردى. ۆوكال ءارتىسى ايماق باسشىسىنىڭ مادەنيەت قىزمەتكەرلەرىمەن بولعان جۇزدەسۋىندە وڭتۇستىك ونەرى مەن مادەنيەتىن حالىقارالىق دەڭگەيگە كوتەرۋ نيەتىندەمىن دەپ ايتقان ءسوزى بارشا سالا ماماندارىنا ەكى ەسە جاۋاپكەرشىلىك جۇكتەگەنىن ايتتى. سونداي-اق، ول وڭىردەگى مادەنيەت قىزمەتكەرلەرىن تۇركياعا ارنايى جىبەرگەنى ءۇشىن العىسىن ءبىلدىرىپ، بۇل شىعارماشىلىق جانداردى ودان ءارى شابىتتاندىراتىنىن جەتكىزدى.
ال تەاتردىڭ باس ديريجەرى قۋانىش يسمايلوۆ بيىلعى تۇركىستاندا ءوتىپ جاتقان تۇركسوي ۇيىمىنىڭ ءتۇرلى ءىس-شارالارى جوعارى دەڭگەيدە ۇيىمداستىرىلىپ جاتقانىن ايرىقشا اتاپ ايتىپ، ءتۇرلى گاسترولدىك ساپارلارعا قولداۋ ءبىلدىرۋدى سۇرادى.
ايتا كەتۋ كەرەك، وپەرا ونەرى ارقىلى تاريحي-مادەني قۇندىلىقتاردى حالىققا جەتكىزۋ، قويىلىم جانە مادەني قوعامدىق جۇمىستار ۇيىمداستىرۋ، ۇلتتىق ءداستۇردى جاڭعىرتۋ ماقساتىندا كورەرمەندەرگە سپەكتاكلدەر قويۋ ماقساتىندا وبلىستىق وپەرا جانە بالەت تەاترى 2007 جىلى قۇرىلعان بولاتىن. بۇگىندە 200-دەن استام تەاتر ارىتىستەرى مەن قىزمەتكەرلەرى بار ونەر ورداسىنىڭ رەپەرتۋارىندا 16 سپەكتاكل بار.
وقو اكىمىنىڭ باسپا ءسوز قىزمەتى
