ءوڭىر باسشىسى قوس مەملەكەت جۇرتشىلىعىن جاڭا نىساننىڭ پايدالانۋعا بەرىلۋىمەن قۇتتىقتاپ، وزبەكستان مەن قازاقستان رەسپۋبليكالارى اراسىنداعى عاسىرلار بويى قالىپتاسقان تاريحي قاتىناستاردى جانداندىرىپ، تۋىسقان ەكى ەل اراسىندا ماڭگىلىك التىن كوپىر بولاتىنىنا سەنىم ءبىلدىردى.
«2006 جىلى جابىلعان وسى جولدىڭ قايتا اشىلۋىنا ەكى ەل پرەزيدەنتتەرىنىڭ كەلىسىمى ناتيجەسىندە قول جەتكىزىلدى. جىل باسىنان بەرى ەكى ەل اراسىنداعى ەكونوميكالىق احۋال جاندانا ءتۇستى. قازاقستان پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شافكات ميرزەيەۆتىڭ جاڭا باستامالارمەن تىعىز بايلانىستى كۇشەيتۋى ايماقتاردىڭ دامۋىنا زور سەرپىلىس اكەلدى. ەكى ەل جەتەكشىلەرىنىڭ استانا قالاسى مەن سارىاعاشتاعى كەزدەسۋلەرى، ەلورداداعى وزبەكستان بيزنەس-فورۋمى، مامىر ايىندا شىمكەنت قالاسىندا وتكەن تاشكەنت قالاسى تاۋار وندىرۋشىلەرىنىن جارمەڭكەسى سونىڭ ناقتى ايعاعى»،- دەدى ج. تۇيمەبايەۆ.
ماقتاارالدىقتاردىڭ تاشكەنتكە قاتىناس جولى - حالىقارالىق م-39 اۆتوموبيل جولى قازاقستان رەسپۋبليكاسىنىڭ الماتى، جامبىل جانە وڭتۇستىك قازاقستان وبلىستارى ارقىلى وزبەكستانعا وتەدى. جولدىڭ ماقتاارال اۋدانى ارقىلى وتەتىن ۇزىندىعى 24،1 شاقىرىمدى قۇرايدى. اتالعان جول اشىلىپ، پايدالانۋعا بەرىلگەندە 350 مىڭ حالقى بار ماقتاارال اۋدانى تۇرعىندارىنىڭ قاتىناس جولى 80 شاقىرىمعا قىسقارىپ، جول ءجۇرۋ ۋاقىتىن ۇنەمدەيدى. سونداي-اق، وزبەكستان تۇرعىندارى ءۇشىن تاشكەنت قالاسىنان جيزاق ارقىلى سامارقاندقا ءوتۋ ءۇشىن توتەسىنەن جۇرۋگە مۇمكىندىك بەرىپ، جول 55 شاقىرىمعا قىسقاردى. ال سىرداريا» شەكارا بەكەتى تاۋلىگىنە 5 مىڭ ادام مەن 200 اۆتوكولىك وتكىزۋگە مۇمكىندىگى بار.
قازاقستان ەكسپورتىنىڭ وزبەكستانداعى نەگىزگى باعىتتارى مۇناي جانە مۇناي ونىمدەرى، ۇن-جارما ونەركاسىبى ونىمدەرى، ءداندى-داقىلدار، قارا جانە ءتۇستى مەتاللدار، سەمەنت، ترانسفورماتورلار، بيورگانيكالىق حيميا ونىمدەرى، ازىق-تۇلىك تاۋارلارى بولىپ تابىلادى. ءوز كەزەگىندە وزبەكستاننان قازاقستانعا باۋ-باقشا ونىمدەرى، ماقتا تالشىقتارى، تەكستيل جانە دايىن تىگىن ونىمدەرى،تىڭايتقىشتار، مەحانيكالىق قۇرىلعىلار، پلاستماسسا، اعاش، گيپس جانە ماتادان دايىندالعان بۇيىمدار يمپورتتالادى.
وڭتۇستىك قازاقستان وبلىسى قازاقستانداعى حالىق ەڭ تىعىز قونىستانعان ايماق اتانۋىمەن ەرەكشەلەنەدى. 2016 جىلدىڭ قورىتىندىسى بويىنشا وزبەكستانمەن اراداعى سىرتقى ساۋدا اينالىمى 1،5 ملرد. اقش دوللارىن قۇراعان بولسا، ونىڭ 30% (532،4 ملن.اقش دوللار) استامى وڭتۇستىك قازاقستان وبلىسىنىڭ ەنشىسىندە.
