OQO-da "Tashkent - Termez» baǵytyndaǵy avtomobil joly men ótkizý beketi ashyldy
Óńir basshysy qos memleket jurtshylyǵyn jańa nysannyń paidalanýǵa berilýimen quttyqtap, Ózbekstan men Qazaqstan Respýblikalary arasyndaǵy ǵasyrlar boiy qalyptasqan tarihi qatynastardy jandandyryp, týysqan eki el arasynda máńgilik altyn kópir bolatynyna senim bildirdi.
«2006 jyly jabylǵan osy joldyń qaita ashylýyna eki el Prezidentteriniń kelisimi nátijesinde qol jetkizildi. Jyl basynan beri eki el arasyndaǵy ekonomikalyq ahýal jandana tústi. Qazaqstan Prezidenti Nursultan Nazarbaev pen Ózbekstan Prezidenti Shafkat Mirzeevtiń jańa bastamalarmen tyǵyz bailanysty kúsheitýi aimaqtardyń damýyna zor serpilis ákeldi. Eki el jetekshileriniń Astana qalasy men Saryaǵashtaǵy kezdesýleri, elordadaǵy Ózbekstan biznes-forýmy, mamyr aiynda Shymkent qalasynda ótken Tashkent qalasy taýar óndirýshilerinin jármeńkesi sonyń naqty aiǵaǵy»,- dedi J. Túimebaev.
Maqtaaraldyqtardyń Tashkentke qatynas joly - halyqaralyq M-39 avtomobil joly Qazaqstan Respýblikasynyń Almaty, Jambyl jáne Ońtústik Qazaqstan oblystary arqyly Ózbekstanǵa ótedi. Joldyń Maqtaaral aýdany arqyly ótetin uzyndyǵy 24,1 shaqyrymdy quraidy. Atalǵan jol ashylyp, paidalanýǵa berilgende 350 myń halqy bar Maqtaaral aýdany turǵyndarynyń qatynas joly 80 shaqyrymǵa qysqaryp, jol júrý ýaqytyn únemdeidi. Sondai-aq, Ózbekstan turǵyndary úshin Tashkent qalasynan Jizaq arqyly Samarqandqa ótý úshin tótesinen júrýge múmkindik berip, jol 55 shaqyrymǵa qysqardy. Al Syrdaria» shekara beketi táýligine 5 myń adam men 200 avtokólik ótkizýge múmkindigi bar.
Qazaqstan eksportynyń Ózbekstandaǵy negizgi baǵyttary munai jáne munai ónimderi, un-jarma ónerkásibi ónimderi, dándi-daqyldar, qara jáne tústi metalldar, tsement, transformatorlar, biorganikalyq himiia ónimderi, azyq-túlik taýarlary bolyp tabylady. Óz kezeginde Ózbekstannan Qazaqstanǵa baý-baqsha ónimderi, maqta talshyqtary, tekstil jáne daiyn tigin ónimderi,tyńaitqyshtar, mehanikalyq qurylǵylar, plastmassa, aǵash, gips jáne matadan daiyndalǵan buiymdar importtalady.
Ońtústik Qazaqstan oblysy Qazaqstandaǵy halyq eń tyǵyz qonystanǵan aimaq atanýymen erekshelenedi. 2016 jyldyń qorytyndysy boiynsha Ózbekstanmen aradaǵy syrtqy saýda ainalymy 1,5 mlrd. AQSh dollaryn quraǵan bolsa, onyń 30% (532,4 mln.AQSh dollar) astamy Ońtústik Qazaqstan oblysynyń enshisinde.
