كەڭەس وداعىنىڭ العاشقى عارىشكەرٸ يۋريي گاگاريننٸڭ قازاسىنا باسقا ۇشاقتىڭ قاۋٸپتٸ مانەۆرٸ سەبەپ بولۋى مٷمكٸن. كٶپ جىلدار بويى قۇپييا ساقتالعان بۇل دەرەكتٸ كەيٸن عارىشكەر الەكسەي لەونوۆ جارييا ەتكەن, دەپ dalanews.kz تٸلشٸسٸ Malim.kz سايتىنا سٸلتەمە جاساپ حابارلايدى.
لەونوۆتىڭ ايتۋىنشا, رەسمي قورىتىندىدا گاگارين مٸنگەن ۇشاقتىڭ كٷرت بۇرىلىپ, شتوپورعا تٷسٸپ, جەرگە قۇلاعانى كٶرسەتٸلگەن. الايدا ول بۇل نۇسقامەن كەلٸسپەي, اپاتتىڭ ناقتى سەبەبٸ باسقا بولعانىن ايتقان.
ونىڭ سٶزٸنشە, 1968 جىلعى 27 ناۋرىزدا گاگارين مەن نۇسقاۋشى ۆلاديمير سەرەگين جاتتىعۋ ۇشۋىن ورىنداپ جٷرگەن ايماقتا رۇقساتسىز سۋ-15 ۇشاعى پايدا بولعان. بۇل ۇشاقتى باسقارعان پيلوت قاۋٸپسٸزدٸك تالاپتارىن ساقتاماي, بەلگٸلەنگەن بيٸكتٸكتەن تٶمەن تٷسكەن.
لەونوۆتىڭ مەلٸمەتٸنشە, سۋ-15 گاگاريننٸڭ ۇشاعىنا ٶتە جاقىن قاشىقتىقتان, شامامەن 10-15 مەتر ارالىقتا بۇلت ٸشٸنەن ٶتٸپ كەتكەن. سونىڭ سالدارىنان كٷشتٸ اۋا تولقىنى پايدا بولىپ, گاگارين باسقارعان ۇشاق تەپە-تەڭدٸگٸن جوعالتقان. كەيٸن ول شتوپورعا تٷسٸپ, شامامەن 750 شاقىرىم/ساع جىلدامدىقپەن جەرگە قۇلاعان.
ۇشاق ەكيپاجى جاعدايدى تٷزەتۋگە تىرىسىپ, شتوپوردان شىعۋعا ەرەكەت جاساعانىمەن, ٷلگەرمەگەن. نەتيجەسٸندە يۋريي گاگارين مەن نۇسقاۋشى سەرەگين قازا تاپقان.
لەونوۆ بۇل مەلٸمەتتەر قۇپييا قۇجاتتار اشىلعاننان كەيٸن راستالعانىن ايتىپ, مۇنى جاي بولجام ەمەس, اپاتتىڭ نەگٸزگٸ سەبەبٸ دەپ باعالاعان. ونىڭ پٸكٸرٸنشە, قايعىلى جاعدايعا ۇشۋ تەرتٸبٸنٸڭ بۇزىلۋى مەن قاۋٸپسٸزدٸك تالاپتارىنىڭ ساقتالماۋى ەسەر ەتكەن.
سونداي-اق ول كوميسسييا مٷشەلەرٸ شىندىقتى بٸلگەنٸمەن, ونى ۇزاق ۋاقىت بويى جارييا ەتپەگەنٸن ٶكٸنٸشپەن جەتكٸزگەن.
ال سۋ-15 ۇشاعىن باسقارعان ۇشقىشتىڭ اتى-جٶنٸن لەونوۆ اتاماعان. ونىڭ ايتۋىنشا, بۇل دەرەكتٸ ايتۋعا رۇقسات بەرٸلگەنٸمەن, پيلوتتىڭ جاسى ۇلعايىپ, دەنساۋلىعى ناشار بولعاندىقتان, ول ونىڭ ەسٸمٸن جارييالاماۋعا ۋەدە بەرگەن.
