– قازاقستان حالقىنىڭ بىرلىگى كۇنى مەرەكەسى – بۇگىنگى تاڭدا بەيبىت ءومىر مەن ىنتىماقتا تۇرمىس كەشىپ وتىرعان ەل تۇرعىندارى ءۇشىن ىستىق ىقىلاس پەن دوستىق نيەتتىڭ ءداستۇرى، اسىعا كۇتەر مەيرامى. ەلباسىمىز ن.ءا.نازاربايەۆتىڭ ساليقالى ساياساتىنىڭ ارقاسىندا ەل اۋماعىندا جۇزدەن استام ەتنوس وكىلدەرى ءتاتۋ-تاتتى ءومىر سۇرۋدە. وسىنىڭ ناتيجەسىندە قازاقستان ىنتىماعى جاراسقان، ىرىسى ارتقان ەلگە اينالدى. مەملەكەتىمىزدىڭ باستى بايلىعى – قوعامداعى كەلىسىم مەن تاتۋلىقتى ساقتاۋ ىسىنە ءاربىرىمىز جاۋاپتىمىز. قازاقستان حالقىنىڭ بىرلىگى مەرەكەسى قۇتتى بولىپ، بارشاڭىزدىڭ شاڭىراقتارىڭىزدان شاتتىق كەتپەسىن، – دەدى جانسەيىت قانسەيىت ۇلى.
كەيىن وبلىس باسشىسى وڭىردەگى ەتنو-مادەني ورتالىق وكىلدەرىنە «باۋىرمال» سىيلىعىن تاپسىردى. ولاردىڭ قاتارىندا وبلىستىق «ىنتىماق» ۇلتارالىق مادەنيەت ورتالىعى» قوعامدىق بىرلەستىگىنىڭ ءتورايىمى گ.تولەپوۆا، وبلىستىق «تاتار-باشقۇرت مادەني ورتالىعى» بىرلەستىگىنىڭ ءتورايىمى ا.مۋحامەدوۆا، «قازاقستان كارىستەرى اسسوسياسياسى» رەسپۋبليكالىق قوعامدىق بىرلەستىگىنىڭ وڭتۇستىك قازاقستان وبلىستىق فيليالىنىڭ ءتورايىمى ر.پاك سىندى ەتنو-مادەني ورتالىق باسشىلارى بار.
مەرەكەلىك شارا «كوڭىلدى داستارحان» – ۆوكالدى حورەوگرافيالىق كومپوزيسيامەن جانە «الەم ىرعاعى» اتتى ءتۇرلى ۇلت اسپاپتاردىڭ ورىنداۋىندا مۋزىكالىق قويىلىممەن جالعاستى.
كەيىن وبلىس باسشىسى ج. تۇيمەبايەۆ ءتۇرلى مادەنيەت ورتالىقتارى دايىنداعان كورمەنى تاماشالادى. شاراعا ەتنوس وكىلدەرى سالت-داستۇرلەرى مەن ادەپ-عۇرىپتارىن تانىتاتىن تۇرمىستىق زاتتارىن قويعان.
سونداي-اق، مەرەكە كۇنى قازاق ەسترادا جۇلدىزدارىنىڭ كونسەرتى ءوتىپ، وتشاشۋعا ۇلاساتىن بولادى.
وقو اكىمىنىڭ باسپا ءسوز قىزمەتى
