ەلباسى ن.نازاربايەۆ «قازاقستان - 2050» ستراتەگياسى جولداۋىندا: «بۇكىل الەمدەگى سياقتى، قازاقستان مەكتەپكە دەيىنگى ءبىلىم بەرۋدىڭ جاڭا ادىستەرىنە كوشۋ كەرەك. سىزدەر بىلەسىزدەر، مەن باستى مىندەتى بالالارىمىزدىڭ باستاپقى مۇمكىندىكتەرىن تەڭەستىرۋ بولعان «بالاپان» باعدارلاماسى باستاماسىن كوتەردىم. ول جۇزەگە اسىرىلا باستاعان ساتتەن بەرى 3 956 جاڭا بالاباقشا مەن شاعىن ورتالىق ىسكە قوسىلدى. تۋۋ كورسەتكىشىنىڭ جوعارىلىعىن، جالعاسىپ جاتقان دەموگرافيالىق ءوسىمدى ەسكەرە كەلە، مەن «بالاپان» باعدارلاماسىن 2020 جىلعا دەيىن ۇزارتۋعا شەشىم قابىلدادىم. ۇكىمەت پەن اكىمدەردىڭ الدىنا بالالاردى مەكتەپكە دەيىنگى ءبىلىم بەرۋ جانە تاربيەمەن 100% قامتۋعا قول جەتكىزۋ مىندەتىن قويامىن»،- دەپ وڭىردە بالاباقشا سانىن ارتتىرۋدى تاپسىرعان بولاتىن. پرەزيدەنت جولداۋىندا جۇكتەلگەن تاپسىرما وڭتۇستىكتە ءتيىستى دەڭگەيدە اتقارىلىپ جاتىر.

ناقتىراق ايتساق، وبلىستىق ءبىلىم بەرۋ جۇيەسىندە مەملەكەتتىك-جەكەمەنشىك ارىپتەستىكتى ودان ءارى دامىتۋ ماقساتىندا 38 ءبىلىم نىساندارىنىڭ قۇرىلىسىن ارىپتەستىك ەسەبىنەن 2017-2021 جىلدار ارالىعىندا ىسكە اسىرۋ جوسپارلانىپ وتىر. بۇگىنگە دەيىن 4 جوبا بويىنشا الەۋەتتى جەكەشە ارىپتەستىكتى ايقىنداۋ ءۇشىن كونكۋرس وتكىزىلدى. كونكۋرسقا 5 جەكە ينۆەستور قاتىستى. ونىڭ 4ء-ى ەڭ ۇزدىك كونكۋرستىق ءوتىنىم بەرۋشى رەتىندە تىركەلدى.

اتاپ ايتساق، بايدىبەك اۋدانى بوگەن اۋىلدىق وكرۋگى شالدار اۋىلىنداعى 140 ورىندىق بالاباقشا قۇرىلىسىنا «قاراكول LTD» جاۋاپكەرشىلىگى شەكتەۋلى سەرىكتەستىگى ۇزدىك كونكۋرستىق ءوتىنىم بەرۋشى رەتىندە تانىلدى. بۇل بالاباقشانىڭ سمەتالىق قۇنى 422،860 ملن. تەڭگە بولدى.

وتىرار اۋدانى، كوكساراي اۋىل وكرۋگىندەگى تۇرعىندار سانى كوپ كوكساراي ەلدى مەكەنىندەگى 240 ورىندىق بالاباقشا قۇرىلىسىنا «TOLAGAI-2050» ءجشس-ى ۇزدىك كونكۋرستىق ءوتىنىم بەرۋشى رەتىندە تانىلدى. سمەتالىق قۇنى 508،746 ملن. تەڭگەنى قۇرادى.

ال، بالا تۋۋ كورسەتكىشى جوعارى تۇلكىباس اۋدانىنداعى اقبيىك اۋىلىندا 100 ورىندىق بالاباقشانىڭ قۇرىلىسىنا «روپروەكت» ءجشس-ى ۇزدىك كونكۋرستىق ءوتىنىم بەرۋشى رەتىندە تانىلدى. ونىڭ سمەتالىق قۇنى 234،350 ملن. تەڭگەدەن استى.