پاۆلودار وبلىستىق توتەنشە جاعدايلار دەپارتامەنتى بۇگىن مايقايىڭ التىن كەنىشىندە ماماندار گەولوگيالىق رادارمەن ويىق ءتۇبىن كەزەكتى رەت سكانەرلەگەنىن مالىمدەدى، دەپ حابارلايدى Dalanews.kz.
گەولوگيالىق سكانەردەن الىنعان مالىمەتتەردى زەردەلەي كەلگەندە، شۇڭقىر تۇبىندەگى تاۋ جىنىستارىنىڭ قۇرىلىمى وزگەرىپ، بوساڭسي باستاعانى انىقتالدى.
"نىساننىڭ جانىندا جانە استىندا قۋىستار مەن بوس كەڭىستىكتەر بار. كەز كەلگەن ساتتە تاۋ جىنىستارى تومەن وپىرىلىپ ءتۇسىپ كەتۋى مۇمكىن. ءقازىر ويىقتىڭ بارلىق پەريمەترىن تەكسەرىپ شىعۋعا ارنالعان كوميسسيا قۇرىلىپ جاتىر. كوميسسيا تاۋ ماسساسىن تولىقتاي بارلاپ، ىزدەستىرۋ جۇمىستارىن ءارى قاراي جالعاستىرۋ كەرەك پە، جوق پا، سونى انىقتايدى"، – دەپ جازدى توتەنشە جاعدايلار دەپارتامەنتىنىڭ باسپا ءسوز قىزمەتى.
بۇگىن اپات ورنىندا ەكسكۆاتور مەن ماماندار ادەتتەگىدەي رەجىمدە جۇمىس ىستەدى.
