ونىڭ ايتۋىنشا، 2018 جىلدىڭ قاڭتار-اقپان ايلارىندا تەڭگەنىڭ ايىرماسى ءبىر اقش دوللارى ءۇشىن 320،30 تەڭگە بولىپ، ۇلتتىق ۆاليۋتا 3،6 پايىزعا نىعايعان. سونداي-اق، ق ر ۇلتتىق بانكىنىڭ وبلىستىق فيليالى وڭىردەگى 239 ۆاليۋتا ايىرباستاۋ پۋنكتەرىنىڭ قىزمەتىن مونيتورينگىلەۋدى جۇزەگە اسىرادى.
– 2018 جىلدىڭ العاشقى ەكى ايىندا وبلىستا اقش دوللارىن ساتىپ الۋ كولەمى بىلتىرعى جىلدىڭ وسى كەزەڭىمەن سالىستىرعاندا 1،20 پايىزعا ۇلعايىپ وتىر. ەۋرونى ساتىپ الۋ كولەمى – 14،47 پايىزعا ازايىپ، رەسەي ءرۋبلىن ساتىپ الۋ – 12،14 پايىزعا ۇلعايعان، – دەدى ءانۋار امانگەلدى ۇلى.
ايتا كەتەرلىگى، ۇلتتىق بانكتىڭ التىنۆاليۋتا رەزەرۆتەرى اقپاننىڭ سوڭىندا 31،4 ملرد. اقش دوللارىن قۇراپ، جىل باسىنان بەرى 2،2 پايىزعا ءوستى. ۇلتتىق قوردىڭ شەتەل ۆاليۋتاسىنداعى اكتيۆتەرى - 59،4 ملرد. اقش دوللارىنا باعالانىپ، قازىرگى تاڭدا جالپى حالىقارالىق رەزەرۆتەر - 90،8 ملرد. اقش دوللارىن قۇراعان.
2018 جىلدىڭ قاڭتار ايىندا جالپى قازاقستان بويىنشا جاڭا كرەديتتەردى بەرۋ كولەمى – 830 ملرد. تەڭگەگە جەتتى. ال وڭتۇستىك قازاقستان وبلىسىندا قاڭتار-اقپان ايلارىندا جاڭا كرەديتتەردى بەرۋ كولەمى – 59،2 ملرد. تەڭگەنى قۇراپ، بىلتىرعى جىلدىڭ وسى كەزەڭىمەن سالىستىرعاندا 46 پايىزعا كوبەيىپ وتىر.
وقو اكىمىنىڭ باسپا ءسوز قىزمەتى
https://dalanews.kz/32244
