Ońtústik Qazaqstan oblysynda aǵymdaǵy jyldyń aqpan aıynyń qorytyndysy boıynsha turǵyndardyń bankke salǵan depozıtteriniń jalpy kólemi – 303,7 mlrd. teńgeni qurady. Onyń ishinde shetel valútasyndaǵy salymdar - 7,8 paıyzǵa qysqarsa, ulttyq valúta salymdary – 5,4 paıyzǵa ósken. Búgin bul týraly OQO óńirlik komýnıkasıalar qyzmetinde ótken brıfıńte QR Ulttyq bankiniń oblystyq fılıalynyń dırektory Ánýar Botanbekov málim etti.



Onyń aıtýynsha, 2018 jyldyń qańtar-aqpan aılarynda teńgeniń aıyrmasy bir AQSH dollary úshin 320,30 teńge bolyp, ulttyq valúta 3,6 paıyzǵa nyǵaıǵan. Sondaı-aq, QR Ulttyq bankiniń oblystyq fılıaly óńirdegi 239 valúta aıyrbastaý pýnkteriniń qyzmetin monıtorıńileýdi júzege asyrady.

– 2018 jyldyń alǵashqy eki aıynda oblysta AQSH dollaryn satyp alý kólemi byltyrǵy jyldyń osy kezeńimen salystyrǵanda 1,20 paıyzǵa ulǵaıyp otyr. Eýrony satyp alý kólemi – 14,47 paıyzǵa azaıyp, Reseı rýblin satyp alý – 12,14 paıyzǵa ulǵaıǵan, – dedi Ánýar Amangeldiuly.

Aıta keterligi, Ulttyq Banktiń altynvalúta rezervteri aqpannyń sońynda 31,4 mlrd. AQSH dollaryn qurap, jyl basynan beri 2,2 paıyzǵa ósti. Ulttyq qordyń shetel valútasyndaǵy aktıvteri - 59,4 mlrd. AQSH dollaryna baǵalanyp, qazirgi tańda jalpy halyqaralyq rezervter - 90,8 mlrd. AQSH dollaryn quraǵan.

2018 jyldyń qańtar aıynda jalpy Qazaqstan boıynsha jańa kredıtterdi berý kólemi – 830 mlrd. teńgege jetti. Al Ońtústik Qazaqstan oblysynda qańtar-aqpan aılarynda jańa kredıtterdi berý kólemi – 59,2 mlrd. teńgeni qurap, byltyrǵy jyldyń osy kezeńimen salystyrǵanda 46 paıyzǵa kóbeıip otyr.

OQO ákiminiń baspasóz qyzmeti

 

 

https://dalanews.kz/32244