ءبىزدى مارقۇم يسلام كارىموۆتىڭ ەل باسقارعان كەزىنەن بەرگى بىرەگەي مادەني-رۋحاني بايلانىستارىمىز بۇگىندە جالعاسىن تاۋىپ كەلەدى دەگەن وبلىس اكىمى ەكى ەل اراسىنداعى بايلانىستاردىڭ ماڭىزدىلىعىنا توقتالدى.
– ەكى ەل اراسىنداعى ستراتەگيالىق ارىپتەستىك وڭتۇستىكتىڭ قاسيەتتى ورىندارىنىڭ ءبىرى – ورداباسىدا وسىدان 25 جىل بۇرىن وتكەن ەلدىك جيىندا قابىلدانعان «ماڭگىلىك دوستىق تۋرالى» كەلىسىممەن نىقتالعان. وزدەرىڭىزگە بەلگىلى بيىلعى 15 ناۋرىزدا استانا قالاسىندا وزبەكستاننىڭ قازاقستانداعى جىلى جاريالانىپ، سالتاناتتى جاعدايدا اشىلدى. بارشاڭىزعا ءمالىم، سوڭعى 1،5 جىلدىڭ ىشىندە قازاقستان مەن وزبەكستان اراسىندا دوستىق بايلانىستار بەكىپ، جاڭا دەڭگەيگە كوتەرىلىپ كەلەدى. بۇگىننىڭ وزىندە تەمىرجول تاسىمالى 44 پايىزعا ارتتىپ، تاۋار اينالىمى 2 ميلليارد دوللارعا جەتتى، – دەدى جانسەيىت قانسەيىت ۇلى.
سوڭعى جىلدارى قوس مەملەكەتتىڭ باسشىلارى بىرنەشە مادەني ىقپالداستىق ىسكەرلىك قارىم - قاتىناسىن جالعاستىرۋ جانە ساياسي-ەكونوميكالىق ارىپتەستىكتى نىعايتۋ ماقساتىندا ماڭىزدى كەزدەسۋلەر وتكىزىپ، ورتاق ساياسي شەشىمدەر قابىلداعانى بەلگىلى. سونىڭ ناتيجەسىندە وزبەكستان مەن قازاقستاننىڭ بەلگىلى كاسىپكەرلەرى قاتىسقان حالىقارالىق بيزنەس فورۋم وتكىزىلىپ، جالپى قۇنى 1،2 ملرد. اقش دوللارىنا تەڭ بولعان 75 كەلىسىمشارتقا قول قويىلعان بولاتىن.
كەزدەسۋ بارىسىندا ءسوز العان وزبەكستان رەسپۋبليكاسى جازۋشىلار وداعىنىڭ ءتوراعاسى مۇحاممەد ءالي باۋىرلاس ەكى ەل اراسىنداعى دانەكەرلىكتى نىعايتۋ باعىتىندا اتقارىلىپ جاتقان كەشەندى ءىس-شارالاردىڭ ودان ءارى جاندانا تۇسەتىنىنە سەنىم ءبىلدىردى.
وتكەن جىلى ەلباسىمىز نۇرسۇلتان نازاربايەۆتىڭ وزبەكستانعا جاساعان جۇمىس ساپارى اياسىندا مەملەكەتارالىق بايلانىستى ودان ءارى نىعايتۋعا ارنالعان 10 ماڭىزدى قۇجات قابىلدانسا، وڭتۇستىك قازاقستان وبلىسىنىڭ اكىمدىگىمەن ساۋدا-ەكونوميكالىق جانە مادەني گۋمانيتارالىق سالالارداعى ىقپالداستىقتى ارتتىرۋ باعىتىندا تاشكەنت، سىرداريا، جىزاق وبلىستارى باسشىلارمەن ارىپتەستىك مەموراندۋمعا قول قويىلدى. ەلباسىنىڭ وسى ساپارى اياسىندا قازاق-وزبەك بيزنەس فورۋمى ۇيىمداستىرىلىپ، وعان قوس ىەلدىڭ 300-دەن استام كاسىپكەرلەرى قاتىستى. ءدال وسىنداي ىسكەرلىكتى نىعايتۋعا باعىتتالعان ءىس-شارالار شىمكەنتتە دە ءوتىپ، تاشكەنت قالاسى تاۋاروندىرۋشىلەرىنىڭ كورمەسى ۇيىمداستىرىلعان بولاتىن. بۇگىندە وزبەكستان وڭتۇستىك قازاقستان وبلىسىنىڭ ساۋدا ارىپتەسى بولىپ تابىلادى. ەكەجاقتى تاۋار اينالىمى 20،3 پايىزدى قۇرايدى. 2017 جىلى ساۋدا بايلانىسى 11،7 پايىزعا ارتىپ، 622،6 ملن اقش دوللارىنا جەتتى.
ايتا كەتەيىك، بۇگىندە وبلىستاعى 3 ميلليونعا جۋىق تۇرعىننىڭ 17 پايىزىن وزبەك ەتنوسىنىڭ وكىلدەرى قۇرايدى. وبلىستاعى 15 مەكتەپتە ءبىلىم وزبەك تىلىندە ءبىلىم بەرىلسە، سونداي-اق، ارالاس ءتىلدى 50 مەكتەپتە وزبەك كلاستارى بار. سونىمەن قاتار، رەسپۋبليكامىزداعى جالعىز وزبەك دراما تەاترىدا وسى وڭىردە ورنالاسقان. جالپى، وبلىس اۋماعىندا 4 گازەت وزبەك تىلىندە جارىق كورسە، 3 تەلەارنا قازاق – ورىس - وزبەك تىلدەرىندە حابار تاراتادى. وبلىس اۋماعىندا قازاقستان وزبەكتەرى ەتنومادەني بىرلەستىكتەرىنىڭ «دوستىق» قاۋىمداستىعى مەن وبلىستىق وزبەك ەتنومادەني بىرلەستىگى جانە ونىڭ اۋداندىق، قالالىق 13 فيليالى جۇمىس ىستەيدى.
جۋىردا عانا قازاقستان مەن وزبەكستان اراسىندا كولىك-ترانزيت سالاسىنداعى ىنتىماقتاستىق جاندانىپ، ارنايى جۇردەك پويىز جولعا شىقتى، جاڭا اۋە جولى مەن اۆتوبۋس باعىتتارى دا ىسكە قوسىلعان بولاتىن. وسىنىڭ بارلىعى باۋىرلاس ەكى ەل اراسىنداعى دانەكەرلىكتى نىعايتۋ باعىتىندا اتقارىلىپ جاتقان كەشەندى ءىس-شارالاردىڭ جارقىن كورىنىسى.
كەزدەسۋدى قورىتقان وبلىس اكىمى وڭىردە وتكىزىلىپ وتىرعان ءا.تەمىردىڭ 682 جىلدىعىنا ارنالعان عىلىمي تاجىريبەلىك كونفەرەنسياعا ساتتىلىك تىلەدى.
وقو اكىمىنىڭ باسپا ءسوز قىزمەتى
https://dalanews.kz/30216
