Bizdi marqum Islam Kárimovtiń el basqarǵan kezinen bergi biregei mádeni-rýhani bailanystarymyz búginde jalǵasyn taýyp keledi degen oblys ákimi eki el arasyndaǵy bailanystardyń mańyzdylyǵyna toqtaldy.
– Eki el arasyndaǵy strategiialyq áriptestik ońtústiktiń qasietti oryndarynyń biri – Ordabasyda osydan 25 jyl buryn ótken eldik jiynda qabyldanǵan «Máńgilik dostyq týraly» kelisimmen nyqtalǵan. Ózderińizge belgili biylǵy 15 naýryzda Astana qalasynda Ózbekstannyń Qazaqstandaǵy jyly jariialanyp, saltanatty jaǵdaida ashyldy. Barshańyzǵa málim, sońǵy 1,5 jyldyń ishinde Qazaqstan men Ózbekstan arasynda dostyq bailanystar bekip, jańa deńgeige kóterilip keledi. Búginniń ózinde temirjol tasymaly 44 paiyzǵa arttyp, taýar ainalymy 2 milliard dollarǵa jetti, – dedi Janseiit Qanseiituly.
Sońǵy jyldary qos memlekettiń basshylary birneshe mádeni yqpaldastyq iskerlik qarym - qatynasyn jalǵastyrý jáne saiasi-ekonomikalyq áriptestikti nyǵaitý maqsatynda mańyzdy kezdesýler ótkizip, ortaq saiasi sheshimder qabyldaǵany belgili. Sonyń nátijesinde Ózbekstan men Qazaqstannyń belgili kásipkerleri qatysqan halyqaralyq biznes forým ótkizilip, jalpy quny 1,2 mlrd. AQSh dollaryna teń bolǵan 75 kelisimshartqa qol qoiylǵan bolatyn.
Kezdesý barysynda sóz alǵan Ózbekstan Respýblikasy Jazýshylar Odaǵynyń tóraǵasy Muhammed Áli baýyrlas eki el arasyndaǵy dánekerlikti nyǵaitý baǵytynda atqarylyp jatqan keshendi is-sharalardyń odan ári jandana túsetinine senim bildirdi.
Ótken jyly Elbasymyz Nursultan Nazarbaevtyń Ózbekstanǵa jasaǵan jumys sapary aiasynda memleketaralyq bailanysty odan ári nyǵaitýǵa arnalǵan 10 mańyzdy qujat qabyldansa, Ońtústik Qazaqstan oblysynyń ákimdigimen saýda-ekonomikalyq jáne mádeni gýmanitaralyq salalardaǵy yqpaldastyqty arttyrý baǵytynda Tashkent, Syrdaria, Jyzaq oblystary basshylarmen áriptestik memorandýmǵa qol qoiyldy. Elbasynyń osy sapary aiasynda qazaq-ózbek biznes forýmy uiymdastyrylyp, oǵan qos yeldiń 300-den astam kásipkerleri qatysty. Dál osyndai iskerlikti nyǵaitýǵa baǵyttalǵan is-sharalar Shymkentte de ótip, Tashkent qalasy taýaróndirýshileriniń kórmesi uiymdastyrylǵan bolatyn. Búginde Ózbekstan Ońtústik Qazaqstan oblysynyń saýda áriptesi bolyp tabylady. Ekejaqty taýar ainalymy 20,3 paiyzdy quraidy. 2017 jyly saýda bailanysy 11,7 paiyzǵa artyp, 622,6 mln AQSh dollaryna jetti.
Aita keteiik, búginde oblystaǵy 3 millionǵa jýyq turǵynnyń 17 paiyzyn ózbek etnosynyń ókilderi quraidy. Oblystaǵy 15 mektepte bilim ózbek tilinde bilim berilse, sondai-aq, aralas tildi 50 mektepte ózbek klastary bar. Sonymen qatar, respýblikamyzdaǵy jalǵyz ózbek drama teatryda osy óńirde ornalasqan. Jalpy, oblys aýmaǵynda 4 gazet ózbek tilinde jaryq kórse, 3 telearna qazaq – orys - ózbek tilderinde habar taratady. Oblys aýmaǵynda Qazaqstan ózbekteri etnomádeni birlestikteriniń «Dostyq» qaýymdastyǵy men oblystyq ózbek etnomádeni birlestigi jáne onyń aýdandyq, qalalyq 13 filialy jumys isteidi.
Jýyrda ǵana Qazaqstan men Ózbekstan arasynda kólik-tranzit salasyndaǵy yntymaqtastyq jandanyp, arnaiy júrdek poiyz jolǵa shyqty, jańa áýe joly men avtobýs baǵyttary da iske qosylǵan bolatyn. Osynyń barlyǵy baýyrlas eki el arasyndaǵy dánekerlikti nyǵaitý baǵytynda atqarylyp jatqan keshendi is-sharalardyń jarqyn kórinisi.
Kezdesýdi qorytqan oblys ákimi óńirde ótkizilip otyrǵan Á.Temirdiń 682 jyldyǵyna arnalǵan ǵylymi tájiribelik konferentsiiaǵa sáttilik tiledi.
OQO ákiminiń baspasóz qyzmeti
https://dalanews.kz/30216
