مەملەكەت باسشىسى بيىلعى جولداۋىندا اقپاراتتىق جۇيەلەردى بىرىكتىرۋ، موبيلدىك سيفرلىق قوسىمشالاردى قولدانۋ، ەلەكتروندىق دەنساۋلىق پاسپورتىن ەنگىزۋ، «قاعاز قولدانبايتىن اۋرۋحاناعا» كوشۋ ارقىلى مەديسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ قاجەتتىگىنە باسا نازار اۋدارعان بولاتىن. وسىعان وراي وبلىستا دەنساۋلىق ساقتاۋ سالاسىندا جاڭا تەحنولوگيالاردىڭ زاماناۋي نارىعىن ۇسىنۋ اياسىندا «دامۋ» كەشەندى مەديسينالىق اقپاراتتىق جۇيەسى ەنگىزىلۋدە.
«ناۋقاستار ءۇشىن وزدەرىنىڭ جەكە پاراقشالارى ارقىلى قابىلداۋعا جازىلۋ، دارىگەردى ۇيگە شاقىرۋ، SOS باتىرماسى عالامتور ارقىلى قول جەتىمدى بولىپ وتىر. وڭىردە مەديسينالىق ۇيىمدارىنىڭ 78 پايىزى كومپيۋتەرلىك تەحنيكاسىمەن جابدىقتالعان. اعىمداعى جىلى دەنساۋلىق ساقتاۋ ۇيىمدارىن كومپيۋتەرلىك تەحنيكامەن تولىقتاي 100 پايىز قامتاماسىز ەتۋ ءۇشىن 7500-دەن استام كومپيۋتەرلىك تەحنيكانى ساتىپ الۋ ءۇشىن بيۋدجەتتەن قارجى ءبولىندى»، - دەدى ەرمەك اتشىباي ۇلى.
سونداي-اق، بريفينگكە قاتىسقان ق ر دەنساۋلىق ساقتاۋ مينيسترلىگى «رەسپۋبليكالىق ەلەكتروندىق دەنساۋلىق ساقتاۋ ورتالىعى» وقوف ديرەكتورى اقجارقىن تاۋبايەۆا سالاداعى سيفرلاندىرۋ - ەڭ الدىمەن ازاماتتاردىڭ ءوز دەنساۋلىعىنا دەگەن جاۋاپكەرشىلىگىن ارتتىرۋ ءارى دارىگەرلەرگە تۇرعىنداردىڭ دەنساۋلىعىن باقىلاپ وتىرىپ، ءتۇرلى سىرقاتتى الدىن الۋعا سەپتىگىن تيگىزەتىندىگىن جەتكىزدى.
«سيفرلاندىرۋ باعدارلاماسى 2018-2022 جىلدار كەزەڭىندە ىسكە اسىرىلادى جانە ەڭبەك ونىمدىلىگىنىڭ اۋقىمدى جانە ۇزاق مەرزىمدى وسۋىنە جاعداي جاسايدى. باعدارلاما ازاماتتاردىڭ دارىگەرگە جازىلۋ مەن دارىگەردى ۇيگە شاقىرۋدان باستاپ بۇكىل پروفيلاكتيكالىق، دياگنوستيكالىق جانە ەمدىك مەديسينالىق قىزمەتتەردى تولىق قامتيدى»، - دەدى اقجارقىن ابدىبەك قىزى.
اعىمداعى جىلدىڭ ءى-توقسانىنىڭ سوڭىنا قاراي ۋاقىتشا ەڭبەككە جارامسىزدىق قاعازىن، سونداي-اق تۋبەركۋلەزگە قارسى، پسيحونيەۆرولوگيالىق، ناركولو¬گيالىق ۇيىمدارعا قاتىستى انىقتامالاردى ەلەكتروندى ۇكىمەت پورتالى ارقىلى بەرۋ جوسپارلانۋدا.
وقو اكىمىنىڭ باسپا ءسوز قىزمەتى
