قازاقستاندا بانك قىزمەتٸ مەن ونلاين نەسيە رەسٸمدەۋگە قاتىستى جاڭا زاڭ كٷشٸنە ەندٸ, دەپ حابارلايدى Dala News.
مەجٸلٸس دەپۋتاتتارى مۇرات ەبەنوۆ پەن باقىتجان بازاربەك باستاماشى بولعان ٶزگەرٸستەر ازاماتتاردىڭ قۇقىقتارىن قورعاۋدى كٷشەيتۋگە جەنە قارجىلىق الاياقتىقتىڭ الدىن الۋعا باعىتتالعان.
جاڭا نورمالارعا سەيكەس, ەندٸ ازاماتتار بانكتەردەن ٶزٸنە قاتىستى بارلىق اقپاراتتى تالاپ ەتۋگە تولىق قۇقىلى. بۇعان دەيٸن قارجى ۇيىمدارى كٶپتەگەن مەلٸمەتتٸ «بانك قۇپيياسى» دەپ بەرمەي كەلگەن.
مۇرات ەبەنوۆتٸڭ ايتۋىنشا, بۇل مەسەلە ازاماتتاردىڭ ٶز قۇقىعىن قورعاۋىنا كەدەرگٸ بولعان. ونىڭ سٶزٸنشە, ەندٸ كەز كەلگەن ادام بانككە رەسمي سۇراۋ جولداپ, ٶزٸنە قاتىستى بارلىق اقپاراتتى تالاپ ەتە الادى, ال بانك ونى 10 كٷن ٸشٸندە ۇسىنۋعا مٸندەتتٸ.
دەپۋتاتتىڭ پٸكٸرٸنشە, بۇل ٶزگەرٸس سوتتاعى داۋلاردى ەدٸل قاراۋعا مٷمكٸندٸك بەرەدٸ. سەبەبٸ بۇرىن ازاماتتاردىڭ قولىندا ناقتى دەلەلدەر بولماي, كٶپتەگەن ٸستەر شەشٸمسٸز قالعان.
ەبەنوۆ سونداي-اق بانكتەرگە جاي شاعىم جازۋدىڭ نەتيجە بەرمەيتٸنٸن اتاپ ٶتتٸ. ونىڭ ايتۋىنشا, ازاماتتار الدىمەن بانكتەن ناقتى اقپارات تالاپ ەتٸپ, كەيٸن ۋەكٸلەتتٸ ورگاندارعا جٷگٸنۋٸ كەرەك. بانكتەر ٶز كٸنەسٸن مويىندامايتىنىن ەسكەرٸپ, ول ازاماتتاردى قارجى نارىعىن رەتتەيتٸن ورگاندارعا نەمەسە قۇقىق قورعاۋ قۇرىلىمدارىنا جٷگٸنۋگە شاقىردى.
جاڭا زاڭ اياسىندا ونلاين نەسيە بەرۋ تەرتٸبٸ دە ايتارلىقتاي ٶزگەردٸ. بۇرىن نەسيە قاشىقتان رەسٸمدەلٸپ, قاراجات اۆتوماتتى تٷردە شوتقا تٷسە بەرەتٸن.
باقىتجان بازاربەكتٸڭ ايتۋىنشا, ەندٸ مۇنداي تەجٸريبە توقتاتىلادى. ونىڭ سٶزٸنشە, ازامات نەسيە الۋ ٷشٸن مٸندەتتٸ تٷردە بانككە ٶزٸ بارىپ, ٶتٸنٸشٸن راستاۋى تيٸس.
دەپۋتات بۇل تالاپتىڭ نەگٸزگٸ ماقساتى الاياقتاردىڭ جولىن كەسۋ ەكەنٸن ايتتى. سەبەبٸ سوڭعى جىلدارى بيومەترييانى قولدان جاساندى تەسٸلدەرمەن اينالىپ ٶتٸپ, بٶتەن ادامنىڭ اتىنا نەسيە رەسٸمدەۋ جاعدايلارى كٶبەيگەن.
بازاربەكتٸڭ تٷسٸندٸرۋٸنشە, بۇرىن ەر بانكتٸڭ ٶز بيومەترييالىق جٷيەسٸ بولعان جەنە ونى الداپ ٶتۋ مٷمكٸندٸگٸ جوعارى ەدٸ. ەندٸ بۇل جٷيەلەر جويىلىپ, بٸرىڭعاي ۇلتتىق بيومەترييالىق بازا ەنگٸزٸلەدٸ.
ونىڭ ايتۋىنشا, بارلىق تەكسەرۋ ۇلتتىق بانكتٸڭ جٷيەسٸ ارقىلى ٶتەدٸ. بۇل بيومەترييالىق مەلٸمەتتەردٸڭ قاۋٸپسٸزدٸگٸن ارتتىرىپ, جالعان سەيكەستەندٸرۋ تەۋەكەلٸن ازايتادى.
سونىمەن قاتار, جاڭا تالاپتارعا سەيكەس, نەسيە ماقۇلدانعان كٷننٸڭ ٶزٸندە قاراجات بٸردەن بەرٸلمەيدٸ. ازامات بانككە بارىپ, ٶز كەلٸسٸمٸن ناقتى راستاۋى تيٸس. بۇل قىسىممەن نەمەسە الداۋ ارقىلى رەسٸمدەلەتٸن نەسيەلەردٸڭ الدىن الۋعا باعىتتالعان.
دەپۋتاتتار الداعى ۋاقىتتا تاعى بٸر ماڭىزدى ٶزگەرٸس ەنگٸزٸلەتٸنٸن ايتتى. اتاپ ايتقاندا, سوت شەشٸمٸنسٸز شوتتاردى بۇعاتتاۋ تەجٸريبەسٸن توقتاتۋ جوسپارلانىپ وتىر. قازٸرگٸ كەزدە كەيبٸر جاعدايلاردا نوتاريۋستار ارقىلى شوتتارعا تىيىم سالىنىپ كەلگەن.
ەبەنوۆ بۇل تەجٸريبەنٸ زاڭسىز ەرٸ ازاماتتاردىڭ قۇقىقتارىن شەكتەيدٸ دەپ باعالادى. ونىڭ پٸكٸرٸنشە, مۇنداي شەشٸمدەر تەك سوت ارقىلى قابىلدانۋى تيٸس.
سونداي-اق بۇرىن بۇعاتتالعان شوتتارعا قاتىستى مەسەلەلەردٸ قايتا قاراۋ جوسپارلانىپ وتىر. بۇل مىڭداعان ازاماتتىڭ قارجىلىق قۇقىقتارىن قالپىنا كەلتٸرۋگە مٷمكٸندٸك بەرۋٸ مٷمكٸن.
جالپى, جاڭا زاڭ بانك جٷيەسٸندەگٸ اشىقتىقتى ارتتىرۋعا جەنە ازاماتتاردىڭ قارجىلىق قاۋٸپسٸزدٸگٸن قامتاماسىز ەتۋگە باعىتتالعان. دەپۋتاتتاردىڭ ايتۋىنشا, ەندٸ ادامدار ٶز قۇقىقتارىن قورعاۋ ٷشٸن ناقتى قۇرالدارعا يە بولادى.
