قازاقستاندا ٶندٸرٸستٸك جاراقاتتاردىڭ اۋىرلىعىن باعالاۋدىڭ بٸرىڭعاي تەرتٸبٸن ەنگٸزۋ جوسپارلانىپ وتىر, دەپ حابارلايدى dalanews.kz.
دەنساۋلىق ساقتاۋ مينيسترلٸگٸ تيٸستٸ بۇيرىق جوباسىن قوعامدىق تالقىلاۋعا شىعاردى. قۇجات «اشىق نقا» پورتالىندا جارييالانعان, ۇسىنىستار مەن ەسكەرتۋلەر 2026 جىلعى 19 تامىزعا دەيٸن قابىلدانادى.
جوباعا سەيكەس, دەرٸگەرلەر ٶندٸرٸستٸك جاراقاتتىڭ اۋىرلىعىن بٸرىڭعاي ٶلشەمدەر بويىنشا باعالايدى. اتاپ ايتقاندا, جاراقاتتىڭ سيپاتى مەن اۋىرلىعى, ٶمٸرگە تٶنگەن قاۋٸپ, ۋاقىتشا ەڭبەككە جارامسىزدىق مەرزٸمٸ, ەڭبەككە قابٸلەتتٸلٸكتٸڭ تۇراقتى نەمەسە كەسٸبي جوعالۋى, اۋرۋحاناعا جاتقىزۋ, وپەراتسييا نەمەسە رەانيماتسييالىق كٶمەك قاجەتتٸلٸگٸ جەنە جاراقاتتىڭ ۇزاق مەرزٸمدٸ سالدارى ەسكەرٸلەدٸ.
مينيسترلٸك مۇنداي قورىتىندى جازاتايىم وقيعانى ەرٸ قاراي تەرگەۋ كەزٸندە ماڭىزدى رٶل اتقاراتىنىن اتاپ ٶتتٸ. اۋىر نەمەسە ادام ٶلٸمٸنە ەكەلگەن, سونداي-اق توپتىق ٶندٸرٸستٸك وقيعالار بويىنشا ارنايى كوميسسييا قۇرىلىپ, وقيعانىڭ سەبەپتەرٸ مەن ەڭبەك قىزمەتٸمەن بايلانىسىن انىقتايدى.
جوبا ٶتەماقى, ساقتاندىرۋ تٶلەمدەرٸ نەمەسە جەردەماقىلار مٶلشەرٸن ٶزگەرتۋدٸ كٶزدەمەيدٸ. نەگٸزگٸ جاڭاشىلدىق - ٶندٸرٸستٸك جاراقاتتاردى باعالاۋدىڭ بٸرىڭعاي مەديتسينالىق تەسٸلٸن ەنگٸزۋ. سونىڭ نەتيجەسٸندە ۇقساس جاعدايلار بٸردەي كريتەرييلەر بويىنشا باعالاناتىن بولادى.
مينيسترلٸك ٶندٸرٸستە جاراقات العان ازاماتتارعا وقيعا تۋرالى جۇمىس بەرۋشٸگە دەرەۋ حابارلاپ, مەديتسينالىق كٶمەككە جٷگٸنۋدٸ, مەديتسينالىق قورىتىندىلاردى ساقتاۋدى جەنە تەرگەۋ ماتەريالدارىمەن تانىسۋدى ۇسىنادى.
