تۇركىستاندا العاشقى حالىقارالىق تۋريستىك فورۋمى وتۋدە. ق ر مادەنيەت جانە سپورت مينيسترلىگى ۇيىمداستىرعان گيبريدتى فورماتتاعى (ونلاين جانە وفلاين) فورۋمدا تۋريستىك سالادا جۇمىس ىستەيتىن 15 ەلدىڭ (ۆەنگريا، تايلاند، نيدەرلاندى، فرانسيا، اقش، وڭتۇستىك كورەيا، تاجىكستان، پورتۋگاليا، سەربيا، اۋعانستان، سولتۇستىك ماكەدونيا، برازيليا، ليتۆا، ەستونيا، وزبەكستان) بيزنەس-قۇرىلىمداردىڭ وكىلدەرى مەن ماماندار ەجەلگى قالادا تۇركىستاننىڭ تاريحي-مادەني مۇراسىن ساقتاۋ جانە جىبەك جولى بويىنداعى تۋريستىك باعىتتاردى دامىتۋ ماسەلەلەرىن تالقىلادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

تۇركىستان عاسىرلار بويى قازاق حاندىعىنىڭ ساياسي جانە رۋحاني ءومىرىنىڭ جۇرەگى بولعان ەدى. بۇگىندە ەجەلگى قالانىڭ قارقىندى ءوسۋ كەزەڭىن بۇكىل الەم باقىلاپ وتىر. ال بۇل رەتتە تۋريزم سالاسىن دامىتۋعا ەرەكشە كوڭىل ءبولىنىپ جاتىر. سوڭعى جىلدارى قالادا مىڭداعان جۇمىس ورىندارى اشىلدى. مىسالى، «كەرۋەن-ساراي» كوپفۋنكسيونالدى كەشەنىنىڭ وزىندە تۇراقتى تۇردە ءتورت مىڭنان استام ادام ەڭبەك ەتەدى.

بۇل تۋرالى ق ر مادەنيەت جانە سپورت ءمينيسترى اقتوتى رايىمقۇلوۆا ءوزىنىڭ العى سوزىندە: «ءتۋريزمنىڭ ءوڭىر ەكونوميكاسىنا قوسقان ۇلەسى ارتىپ كەلەدى. وسى رەتتە حالىقارالىق تۋريزم جانە قوناقجايلىلىق ۋنيۆەرسيتەتى كاسىبي وقىتىلعان كادرلارمەن قامتاماسىز ەتەتىنى قۋانتادى» دەپ اتاپ ءوتتى.

سونداي-اق، مينيستر تۇركىستان وبلىسىنىڭ اكىمدىگى مەن ءومىرزاق شوكەيەۆكە، وزبەكستان پرەمەر-مينيسترىنىڭ ورىنباسارى – تۋريزم جانە سپورت ءمينيسترى ازيز ابدۋحاكيموۆ باستاعان وزبەك دەلەگاسياسىنا، يۋنۆتو جانە يۋنەسكو ءىرى حالىقارالىق ۇيىمداردىڭ ماماندارىنا، سونداي-اق فورۋمنىڭ باسقا دا قاتىسۋشىلارىنا العىسىن ءبىلدىرىپ، ەلىمىزدىڭ باستى ۇلتتىق مەرەكەسى – تاۋەلسىزدىكتىڭ 30 جىلدىعىن مەرەكەلەۋ اياسىندا وتكىزىلىپ وتىرعان اتالمىش ءىس-شارانىڭ ماڭىزدىلىعىن اتاپ ءوتتى. حالىقارالىق فورۋمدا ءسوز العان تۇركىستان وبلىسىنىڭ اكىمى كۇللى تۇركى الەمىنىڭ رۋحاني استاناسى – تۇركىستاندا ءتۋريزمنىڭ بىرنەشە باعىتىنا باسىمدىق بەرىلەتىنىن ايتتى.

– تۇركىستاننىڭ دامۋى – ەلباسىنىڭ نازارىندا. ەلىمىزدىڭ تۇڭعىش پرەزيدەنتىنىڭ كۇندەلىكتى باقىلاۋىنىڭ ارقاسىندا، مەملەكەت باسشىسىنىڭ قولداۋىمەن قۇرىلىس جۇمىستارى قارقىندى ءجۇرىپ جاتىر. بۇگىنگى شارا ەڭ الدىمەن، ەكىجاقتى جانە كوپجاقتى ىنتىماقتاستىقتى ودان ءارى نىعايتۋعا باعىتتالعان. ياساۋي كەسەنەسىنە زيارات ەتىپ كەلۋشىلەر سانى كۇن سايىن ارتىپ، 1 ملن-نان استى. الداعى ۋاقىتتا ولاردىڭ قاتارى 5 ملن-عا جەتەدى. قاسيەتتى مەكەندە ارحەولوگيالىق تۋريزم، ەتنوتۋريزم سەكىلدى ءتۋريزمنىڭ كوپتەگەن تۇرلەرىن دامىتۋعا مۇمكىندىك بار، – دەدى تۇركىستان وبلىسىنىڭ اكىمى ءومىرزاق شوكەيەۆ.

ەگەمەندىك جىلدارى ەل ۇكىمەتى تاريحي-مادەني مۇرا نىساندارىن زەرتتەۋ، ساقتاۋ جانە دارىپتەۋ جولىندا اۋقىمدى جۇمىس جۇرگىزگەنى بەلگىلى. تۋريزم سالاسىنداعى ستراتەگيالىق جانە باعدارلامالىق قۇجاتتار ازىرلەنىپ، قابىلداندى جانە نورماتيۆتىك-قۇقىقتىق بازا جەتىلدىرىلدى.

– جاقىندا عانا زاڭنامالىق وزگەرىستەر قابىلدانىپ، تۋريزم سالاسىندا ينۆەستورلار مەن كاسىپكەرلەر ءۇشىن كەڭ اۋقىمدى مۇمكىندىكتەر بەرەتىن جۇيەلى شارالار ەنگىزىلدى. بۇل شارالار 2019 جىلى قابىلدانعان مەملەكەتتىك باعدارلامانى تولىقتىرادى. ونىڭ اياسىندا قاسيەتتى تۇركىستان قالاسىنا كىرەتىن توپ-10 تۋريستىك دەستيناسيانى دامىتۋ كوزدەلدى، – دەپ اتاپ ءوتتى فورۋمنىڭ مودەراتورى، ق ر مادەنيەت جانە سپورت ۆيسە-مينيسترى عابيدوللا ءابدىراحىموۆ.

فورۋم اياسىندا قاتىسۋشىلار ءوڭىرارالىق جانە حالىقارالىق كووپەراسيانىڭ جاڭا نىساندارىن دامىتۋ، اسىرەسە ترانسشەكارالىق باعىتتاردى قۇرۋ ماسەلەلەرىن تالقىلادى. ال كەزدەسۋ قورىتىندىسى بويىنشا قازاقستاندىق جانە وزبەك تۋروپەراتورلارى اراسىندا ۇلى جىبەك جولى بويىندا جاڭا تۋريستىك ونىمدەردى قالىپتاستىرۋ بويىنشا ىنتىماقتاستىق تۋرالى ءبىرقاتار مەموراندۋمدارعا قول قويىلدى.

ترانسشەكارالىق مارشرۋتتاردىڭ گەوگرافياسىن ودان ءارى كەڭەيتۋ ماقساتىندا قاتىسۋشىلار الداعى ۋاقىتتا توپ-10 كىرەتىن باسقا دەستيناسيالاردا، مىسالى، اقتاۋ نەمەسە بۋراباي سىندى كۋرورتتىق ايماقتاردا دا وسىنداي كەزدەسۋلەر وتكىزبەك.

فورۋمنىڭ قورىتىندى بولىمىندە تانىمال قازاقستاندىق كاسكادەر جايداربەك كۇنعوجينوۆ پەن الپينيستەر قۇراماسىنىڭ كاپيتانى ماقسۇت جۇمايەۆقا ق ر تۋريزم ەلشىلەرىنىڭ ارنايى بەلگىلەرى تابىس ەتىلدى.