قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ باتىس قازاقستان وبلىسىنا جۇمىس ساپارى اياسىندا ورال قالاسىنىڭ كوممۋنالدىق-ەنەرگەتيكالىق سەكتورىنداعى بٸرقاتار نىساندى ارالاپ, ينفراقۇرىلىمدى جاڭعىرتۋ جۇمىستارىنىڭ بارىسىمەن تانىستى, دەپ حابارلايدى Dalanews.kz.
ساپار بارىسىندا ٷكٸمەت باسشىسى 1961 جىلدان بەرٸ جۇمىس ٸستەپ تۇرعان "باتىس سۋ ارناسى" سۋمەن جابدىقتاۋ جەنە سۋ بۇرۋ كەسٸپورنىندا بولدى. ورال قالاسى اۋىز سۋدى نەگٸزٸنەن جايىق ٶزەنٸ جەنە جەراستى كٶزدەرٸنەن الادى. پرەمەر-مينيسترگە 2023 جىلى 6 سۋ ۇڭعىماسىنىڭ قۇرىلىسى اياقتالعانى تۋرالى باياندالدى. سونداي-اق قازٸر جۇمىس ٸستەپ تۇرعان سۋ تازارتۋ قوندىرعىسىنىڭ ەبدەن توزىعى جەتكەن.
ولجاس بەكتەنوۆ ٶڭٸر باسشىلىعىنىڭ نازارىن تۇرعىندار تاراپىنان, ەسٸرەسە جاز ايلارىندا اۋىز سۋ تاپشىلىعىنا قاتىستى ارىز-شاعىمدارعا اۋدارىپ, سۋ تازارتۋ جٷيەسٸن رەكونسترۋكتسييالاۋعا بايلانىستى جسق ەزٸرلەۋدٸ جىل سوڭىنا دەيٸن اياقتاۋدى تاپسىردى. ونىڭ ٶندٸرٸستٸك قۋاتىن تەۋلٸگٸنە 50 مىڭ تەكشە مەترگە دەيٸن ارتتىرۋ كەرەك. ٷكٸمەت قاجەتتٸ قولداۋ كٶرسەتەتٸن بولادى.
سۋمەن جابدىقتاۋ جەلٸلەرٸن (توزۋ – 60,5%), سۋ بۇرۋدى (توزۋ – 61,3%) جاڭعىرتۋدى جەدەلدەتۋ, سونداي-اق كەرٸز-سورعى ستانسالارىن رەكونسترۋكتسييالاۋ بويىنشا بٸرقاتار تاپسىرما بەرٸلدٸ.
سونىمەن قاتار پرەمەر-مينيستر قاۋٸپتٸ قىزىل ايماقتا ورنالاسقان "جايىقجىلۋەنەرگو" اق ەلەكتر جەنە جىلۋ ەنەرگيياسىن ٶندٸرۋ كەسٸپورنىنىڭ اعىمداعى جاعدايمەن تانىستى. كەسٸپورىندا ولجاس بەكتەنوۆ باس ديسپەتچەرلٸك بٶلمەنٸ, تۋربينا زالى مەن قازاندىقتى ارالاپ كٶردٸ.
بٷگٸنگٸ تاڭدا ٷش قازاندىق اگرەگاتى (№2,4,9) مەن تۋربينانى جٶندەۋ جۇمىستارى اياقتالدى, 16,5 شاقىرىم جىلۋ جەلٸلەرٸ جٶندەلدٸ. سونىمەن قاتار ٷش ەنەرگەتيكالىق قازاندىق پەن №3 تۋربينانى كەزەڭ-كەزەڭٸمەن اۋىستىرۋ جوباسىن ەزٸرلەۋ جۇمىستارى باستالدى. بۇل شارالار بٷكٸل ستانسا جۇمىسىنىڭ سەنٸمدٸلٸگٸن ارتتىرۋعا باعىتتالعان.
"مەملەكەت باسشىسى اتاپ ٶتكەندەي, ەلدٸ مەكەندەردٸڭ تىنىس-تٸرشٸلٸگٸنە قاجەتتٸ بارلىق جٷيەنٸڭ ٷزدٸكسٸز جۇمىس ٸستەۋٸن قامتاماسىز ەتۋ – ٷكٸمەت پەن ەكٸمدٸكتەردٸڭ نەگٸزگٸ مٸندەتتەرٸنٸڭ بٸرٸ. رەسپۋبليكا بويىنشا جەو توزۋى 66%-دى, ال ورال قالاسىندا 86%-دى قۇراپ وتىر. جوبالىق-سمەتالىق قۇجاتتاما قالاي دايىن بولادى, ەكٸمدٸك تيٸستٸ ٶتٸنٸمدٸ ەنگٸزۋٸ تيٸس. ونى قاراپ, كەزەڭ-كەزەڭٸمەن شەشەمٸز", — دەدٸ ولجاس بەكتەنوۆ.
سونداي-اق ٷكٸمەت باسشىسىنا تاۋارلىق گاز ٶندٸرٸسٸن ارتتىرۋ جەنە ٶڭٸردٸ گازداندىرۋ بارىسى بويىنشا جٷرگٸزٸلٸپ جاتقان جۇمىستار تۋرالى باياندالدى.
سونىمەن قاتار جىلىتۋ ماۋسىمىن ەسكەرە وتىرىپ, ٶڭٸر باسشىلىعىنا ەلدٸ مەكەندەردٸڭ تىنىس-تٸرشٸلٸگٸنە قاجەتتٸ بارلىق جٷيەنٸڭ ٷزدٸكسٸز جۇمىس ٸستەۋٸن قامتاماسىز ەتۋدٸ ەرەكشە باقىلاۋدا ۇستاۋ تاپسىرىلدى.
انىقتاما: ەلٸمٸز بويىنشا جەو-نىڭ ورتاشا توزۋى 66%-دى قۇراپ وتىر. مەملەكەت باسشىسىنىڭ قىزىل ايماقتا ورنالاسقان 19 جەو-دا توزۋ دەڭگەيٸن ازايتۋ جٶنٸندەگٸ تاپسىرماسىن ٸسكە اسىرۋ شەڭبەرٸندە 28 قازاندىق پەن 16 تۋربيناعا كٷردەلٸ جٶندەۋ جۇمىستارى جٷرگٸزٸلۋدە. 2024 جىلى ەلٸمٸزدٸڭ جىلۋ كٶزدەرٸندە بارلىعى 10 ەنەرگوبلوكتى, 55 قازاندىقتى جەنە 45 تۋربينانى جٶندەۋ جوسپارلانعان.
