قىرعىزستاننىڭ كونستيتۋسيالىق سوتى پرەزيدەنت سادىر جاپاروۆتىڭ ءولىم جازاسىن قايتارۋ تۋرالى باستاماسىن ماقۇلدامادى، دەپ حابارلايدى Dalanews.kz.
جاپاروۆ ۇسىنعان وزگەرىستىڭ باستى ماقساتى بالالارعا قارسى اسا اۋىر قىلمىستار ءۇشىن ءولىم جازاسىن ەنگىزۋ بولاتىن.
كونستيتۋسيالىق سوتتىڭ ۇستانىمى
سوت باستاماعا باعا بەرگەندە ونىڭ كونستيتۋسيا تالاپتارىنا سايكەستىگىن، مەملەكەتتىڭ نەگىزگى قۇرىلىمىنا ىقپالىن جانە حالىقارالىق مىندەتتەمەلەرمەن ۇيلەسىمىن ەسكەرگەن. كونستيتۋسيالىق سوت ادامنىڭ ءومىر ءسۇرۋ قۇقىعى ەڭ جوعارى قۇندىلىق ەكەنىن اتاپ ءوتتى.
شەشىم
ۇلتتىق جانە حالىقارالىق قۇقىق نورمالارىن ەسكەرىپ، كونستيتۋسيالىق سوت ءولىم جازاسىن كونستيتۋسيالىق وزگەرىس ارقىلى قايتارۋ نەگىزگى زاڭعا قايشى جانە زاڭدىق تۇرعىدا مۇمكىن ەمەس دەگەن قورىتىندىعا كەلدى.
وسىعان بايلانىستى جوبا رەفەرەندۋمعا شىعارىلمايدى، باستامانى جۇزەگە اسىرۋعا باعىتتالعان بارلىق ءراسىم توقتاتىلادى.
ايتا كەتەيىك، قىرعىزستاندا 17 جاستاعى قىزدىڭ قاتىگەزدىكپەن ءولتىرىلۋى قوعامدا ۇلكەن رەزونانس تۋعىزىپ، وسى وقيعادان كەيىن پرەزيدەنت سادىر جاپاروۆ ءولىم جازاسىن قايتارۋ ماسەلەسىن كوتەرگەن ەدى.
