Qyrǵyzstannyń Konstitýtsiialyq soty prezident Sadyr Japarovtyń ólim jazasyn qaitarý týraly bastamasyn maquldamady, dep habarlaidy Dalanews.kz.
Japarov usynǵan ózgeristiń basty maqsaty balalarǵa qarsy asa aýyr qylmystar úshin ólim jazasyn engizý bolatyn.
Konstitýtsiialyq sottyń ustanymy
Sot bastamaǵa baǵa bergende onyń Konstitýtsiia talaptaryna sáikestigin, memlekettiń negizgi qurylymyna yqpalyn jáne halyqaralyq mindettemelermen úilesimin eskergen. Konstitýtsiialyq sot adamnyń ómir súrý quqyǵy eń joǵary qundylyq ekenin atap ótti.
Sheshim
Ulttyq jáne halyqaralyq quqyq normalaryn eskerip, Konstitýtsiialyq sot ólim jazasyn konstitýtsiialyq ózgeris arqyly qaitarý negizgi zańǵa qaishy jáne zańdyq turǵyda múmkin emes degen qorytyndyǵa keldi.
Osyǵan bailanysty joba referendýmǵa shyǵarylmaidy, bastamany júzege asyrýǵa baǵyttalǵan barlyq rásim toqtatylady.
Aita keteiik, Qyrǵyzstanda 17 jastaǵy qyzdyń qatygezdikpen óltirilýi qoǵamda úlken rezonans týǵyzyp, osy oqiǵadan keiin prezident Sadyr Japarov ólim jazasyn qaitarý máselesin kótergen edi.
