الماتى وبلىسىندا كەمەلەتكە تولماعان قىزعا قاتىستى جىنىستىق سيپاتتاعى زورلىق-زومبىلىق دەرەگٸ بويىنشا ٸس اياقتالدى. ٶگەي قىزىن تٶرت جىل بويى زورلاعان ەكە ٶمٸر بويى باس بوستاندىعىنان ايىرىلدى دەپ حابارلايدى Dalanews.kz.
زارداپ شەككەن قىزدىڭ اناسى ەكٸنشٸ كٷيەۋٸمەن بٸرگە ٶمٸر سٷرە باستاعان كەزدە, جەبٸرلەنۋشٸ قىز تٶرت جاستا عانا ەدٸ.
اناسىنىڭ ايتۋى بويىنشا, بٸرنەشە جىلدان كەيٸن ەكٸنشٸ بالا دٷنيەگە كەلدٸ, الايدا وتباسىلىق ٶمٸر قيىندىقتارعا تولى بولدى. ەيەلدٸڭ ايتۋىنشا, كٷيەۋٸ اراق ٸشٸپ, جيٸ قول كٶتەرەتٸن بولعان. قىزى 9 جاسقا تولعاننان كەيٸن, ٶگەي ەكەسٸ قىزعا تيٸسە باستادى.
ەيەل جۇمىس ٸستەپ, جٷرەك اۋرۋىنا بايلانىستى ەمدەلٸپ جٷرگەن, سول سەبەپتٸ ٷيدە جيٸ بولا بەرمەيتٸن.
«سول كەزدە مەن قىزىمنان ٶزگەرٸستەردٸ بايقاي باستادىم: ونىڭ تەبەتٸ بولماي, از ۇيىقتايتىن. كەيدە مەن ونى تٶسەكتٸڭ شەتٸندە وتىرىپ, تٸزەسٸن قىسىپ, بٸر نٷكتەگە قاراپ وتىرعانىن كٶرەتٸنمٸن. مەن ونى كٶپ رەت سٶيلەسۋگە شاقىرىپ, نە بولعانىن سۇرادىم. ول ەردايىم جاي عانا شارشاعانىن ايتاتىن. مەكتەپتە دە ٶزگەرٸستەر بايقالدى. مۇعالٸم مەنٸ شاقىرىپ, قىزىم جيٸ ەسٸنەن تاناتىنىن ايتتى», – دەپ ەسكە الادى اناسى.
بولىپ جاتقان جاعدايدى ەشكٸمگە ايتپاسىن دەپ, ٶگەي ەكەسٸ قىزدى قورقىتىپ كەلگەن: ول انانىڭ اۋرۋىن العا تارتىپ, تٸپتٸ ٶلتٸرەمٸن دەپ تە قوقان-لوققى جاساعان. انانىڭ ايتۋىنشا, ول قىزعا: «ەگەر مۇنى اناڭا ايتساڭ, ونىڭ جٷرەگٸ اۋىرادى, ول سەن ٷشٸن ٶلەدٸ», «بٸرەۋگە ايتساڭ, اناڭدى اتىپ تاستايمىن/ۇرىپ ٶلتٸرەمٸن» دەگەن سٶزدەرمەن قىسىم كٶرسەتكەن. اناسىنىڭ ٶمٸرٸن قورعاۋعا تىرىسقان قىز ٷندەمەي جٷرگەن.
تەك 2025 جىلدىڭ باسىندا قىز ٶگەي ەكەسٸ نە ٸستەپ جٷرگەنٸن ايتۋعا بەل بۋىپ, الدىمەن تەتەcٸنە, كەيٸن اناسىنا مەن- جايدى ايتقان ەدٸ.
ەيەل دەرەۋ اۋداندىق ٸشكٸ ٸستەر بٶلٸمٸنە ارىز جازىپ, قىزدى ساراپتاماعا الىپ كەتتٸ. تەرگەۋ باستالدى, ال كەيٸن ٸس سوتقا جٸبەرٸلدٸ.
سوت تالقىلاۋلارى شامامەن تٶرت ايعا سوزىلدى. 26 قاراشادا سوت شەشٸم شىعاردى.
«سوتتالۋشى قك-نٸڭ 121-بابىنىڭ 4-بٶلٸمٸ بويىنشا «جىنىستىق سيپاتتاعى زورلىق ەرەكەتتەر» ٷشٸن ٶمٸرلٸك باس بوستاندىعىنان ايىرىلدى. سونداي-اق, ول قىزعا ماتەريالدىق جەنە مورالدىق زييان رەتٸندە 5 ميلليون تەڭگە تٶلەۋٸ تيٸس», – دەدٸ Human Rights Lawyers قورىنىڭ پرەزيدەنتٸ, Adilzange زاڭ كەڭەسشٸلەرٸ پالاتاسىنىڭ مٷشەسٸ لياززات راكيشەۆا.
