سەناتور ولگا پەرەپەچينانىڭ ايتۋىنشا, سٶيتە تٷرە شەتەلگە شىعارىلعان قاراجاتتان قازاقستانعا كٶك تيىن دا قايتپاعان.
"شەتەل اسقان اقشانىڭ ناقتى سوماسىن انىقتاپ ايتا المايمىز. سەبەبٸ بٸزدە بۇعان جاۋاپ بەرەتٸن ارنايى ورتالىق جوق. Tax Justice Network حالىقارالىق ۇيىمى تاراتقان مەلٸمەت بويىنشا, سوڭعى 20 جىلدا قازاقستاننان وفشورلىق ايماقتارعا شامامەن 140 ملرد دوللار اۋدارىلعان", – دەيدٸ پەرەپەچينا.
سەناتور كەلتٸرگەن دەيەككە سەيكەس 2015-2019 جىلدىڭ ارالىعىندا قارجى مينيسترلٸگٸنٸڭ نۇسقاۋىمەن شەتەل اسقان اقشاعا قاتىستى 238 قىلمىستىق ٸس قوزعالىپتى. سولاردىڭ اراسىندا تەك ٷشەۋٸ عانا سوتقا جەتكەن.
"شامامەن 170 ٸس قىلمىستىق قۇرامى دەلەلدەنبەگەندٸكتەن توقتاتىلدى. يە, اقشانىڭ شەتەل اسقانى انىق. الايدا قازاقستاننىڭ زاڭى بويىنشا بۇل قۇقىق بۇزۋ دەپ تابىلمايدى", – دەيدٸ پەرەپەچينا.
ال سوتقا دەيٸن جەتكەن ٷش قىلمىستىق ٸس بويىنشا اقشانى كەرٸ قايتارۋ قاراستىرىلماپتى, سەبەبٸ قىلمىستىق-پروتسەسسۋالدىق كودەكستە اقشانى كەرٸ قايتارۋ تۋرالى تالاپ جوق.
سەناتور وسى رەتتە ٷكٸمەتباسى مەمين مەن باس بانكير دوساەۆقا ساۋال جولدادى.
"قازٸرگٸ قولدانىستاعى زاڭ سىرتقا اعىلعان كاپيتالدى ەلگە قايتارۋعا قاۋقارسىز. بۇل تاراپتا ناقتى تالداۋ جٷرگٸزٸپ, ەكونوميكالىق زەرتتەۋ جاساۋ قاجەت.
قازاقستاندا قىرۋار اقشانى زاڭدى تٷردە شەتەلگە الىپ شىعاتىن سان تٷرلٸ جولدار بار. تٸپتٸ قاراجاتتى زاڭسىز الىپ شىققانى دەلەلدەنسە دە, ونى شەتەلدەن كەرٸ قايتاراتىن تالاپتار قولدانىستاعى زاڭدا قاراستىرىلماعان.
جالپى ٷكٸمەتتٸڭ كاپيتالدى كەرٸ قايتارۋعا قاتىستى نە بٸلگەنٸ بار? مۇنىمەن ناقتى قاي مەملەكەتتٸك ورگاننىڭ اينالىسارىن انىقتاپ الۋ قاجەت", – دەيدٸ سەناتور.
