نۇرسۇلتان نازاربايەۆ حالىقارالىق اۋەجايى بەدەلدى حالىقارالىق Skytrax World Airport Awards 2025 بويىنشا «ورتالىق ازيا مەن تمد ەلدەرىندەگى اۋەجايدىڭ ۇزدىك پەرسونالى» نوميناسياسىن جەڭىپ الدى. بۇل اۋەجايدىڭ «ورتالىق ازياداعى جانە تمد-داعى ۇزدىك وڭىرلىك اۋەجاي» نوميناسياسىنداعى الدىڭعى ءۇش جەڭىسىنەن كەيىن جۇمىسكەرلەردىڭ قىزمەت كورسەتۋ ساپاسىن ءبىرىنشى رەت مويىنداۋى، دەپ حابارلايدى Dalanews.kz.
سىيلىق 100-دەن استام ەلدى قامتيتىن تاۋەلسىز جاھاندىق جولاۋشىلار ساۋالناماسىنا نەگىزدەلگەن جانە كۇن سايىن ميلليونداعان ساياحاتشىنىڭ قاۋىپسىزدىگىن، جايلىلىعىن جانە قىزمەت كورسەتۋ ساپاسىن قامتاماسىز ەتەتىن 2000-نان استام اۋەجاي قىزمەتكەرلەرىنىڭ كۇش-جىگەرىن باعالايدى.
«بۇل ماراپات ءبىزدىڭ كوماندانىڭ ءاربىر مۇشەسىنىڭ ادالدىعىنىڭ ناتيجەسى. ءبىز الەم بويىنشا بارلىق جولاۋشىنىڭ ءبىزدىڭ ەڭبەگىمىزدى مويىندايتىنىن ماقتان تۇتامىز. ءبىز ءۇشىن بۇل ۇلكەن مارتەبە عانا ەمەس، سونىمەن قاتار ودان ءارى دامۋعا ىنتالاندىرۋ»، - دەدى نۇرسۇلتان نازاربايەۆ حالىقارالىق اۋەجايىنىڭ باسقارما ءتوراعاسى يۋسۋف الجاۆدەر.
بۇل جەڭىس قازاقستان رەسپۋبليكاسى پرەزيدەنتى جاريالاعان «جۇمىسشى ماماندىقتارى جىلىندا» ءوندىرىس ماماندارىنىڭ ۇلەسى ارقاسىندا جەتكەن ۇلكەن جەڭىسىمىز دەپ بىلەمىز.
قىزمەتكەرلەر اۋەجايدىڭ جۇرەگى ىسپەتتى 1000-نان استام ءوندىرىس ماماندارىنىڭ – اۆياسيالىق قاۋىپسىزدىك ينسپەكتورلارىنان باستاپ ديسپەچەرلەر مەن IT ماماندارىنا دەيىنگى بىرلەسكەن جۇمىسى اۋەجايدىڭ ءبىرتۇتاس مەحانيزم رەتىندە جۇمىس ىستەۋىنە مۇمكىندىك بەرەدى. نەگىزگى بولىمدەرگە مىنالار جاتادى:
• اۆياسيالىق قاۋىپسىزدىك جانە ورتكە قارسى قىزمەتتەر
• اۋەجاي جانە پەررون قىزمەتتەرى
• جۇك جانە باگاج قىزمەتتەرى
• جولاۋشىلارعا قىزمەت كورسەتۋ، ونىڭ ىشىندە قوزعالىس مۇمكىندىگى شەكتەۋلى ادامدارعا كومەك كورسەتۋ قىزمەتى
• مەديسينالىق ورتالىق جانە كادرلاردى دايارلاۋ ورتالىعى
• ارنايى تەحنيكا جانە وتىنمەن قامتاماسىز ەتۋ قىزمەتى
ءاربىر قىزمەتكەر جولاۋشىلارمەن جۇمىس ىستەۋ، اۋە كەمەلەرىن دياگنوستيكالاۋ جانە اۆياكومپانيالارمەن ساپالى ءوزارا ارەكەتتەسۋ بويىنشا كۋرستاردى قوسا العاندا، مىندەتتى اۆياسيالىق وقۋدان وتەدى. جۇمىسقا ورنالاسۋ ءۇشىن مىندەتتى تالاپتاردىڭ ءبىرى - حالىقارالىق جولاۋشىلارمەن جوعارى دەڭگەيدەگى قارىم-قاتىناستى قامتاماسىز ەتەتىن ەكى نەمەسە ودان دا كوپ ءتىلدى ءبىلۋ.
پەرسونالدىڭ كاسىبي دەڭگەيىن ارتتىرۋعا كوڭىل ءبولۋدىڭ ارقاسىندا سوڭعى ءۇش جىلدا اۋەجايدا كادرلاردىڭ تۇراقتاماۋىنىڭ ازايۋى بايقالدى، بۇل ۇجىمنىڭ تۇراقتىلىعىنىڭ كورسەتكىشى.
سوڭعى جىلدارى نۇرسۇلتان نازاربايەۆ حالىقارالىق اۋەجايى بىرنەشە رەت ايماقتىق رەيتينگتەردىڭ كوشباسشىسى بولدى جانە ورتالىق ازياداعى ەڭ ماڭىزدى اۋە حابى بولىپ قالا بەرەدى. جولاۋشىلار تەك تەحنيكالىق جابدىقتار مەن ينفراقۇرىلىمدى عانا ەمەس، ءاردايىم جولاۋشىلارعا ساپالى قىزمەت كورسەتۋگە ۇمتىلاتىن جۇمىسكەرلەردىڭ ءىلتيپاتتى، مەيىرىمدى قارىم-قاتىناسىن دا ماقتايدى.
ايتا كەتەيىك، Skytrax World Airport Awards – ازاماتتىق اۆياسيا سالاسىنداعى «وسكار» بولىپ سانالاتىن حالىقارالىق ماراپات. ماراپاتتار قازىلار القاسىنسىز نەمەسە اقىلى قاتىسۋسىز، تەك تاۋەلسىز ساۋالنامالارعا نەگىزدەلەدى، بۇل ولاردى اۆيايندۋسترياداعى ساپانىڭ ەڭ وبەكتيۆتى كورسەتكىشتەرىنىڭ ءبىرى ەكەندىگىن دالەلدەيدى.
