Nursultan Nazarbaev halyqaralyq áýejaiy bedeldi halyqaralyq Skytrax World Airport Awards 2025 boiynsha «Ortalyq Aziia men TMD elderindegi áýejaidyń úzdik personaly» nominatsiiasyn jeńip aldy. Bul áýejaidyń «Ortalyq Aziiadaǵy jáne TMD-daǵy úzdik óńirlik áýejai» nominatsiiasyndaǵy aldyńǵy úsh jeńisinen keiin jumyskerlerdiń qyzmet kórsetý sapasyn birinshi ret moiyndaýy, dep habarlaidy Dalanews.kz.
Syilyq 100-den astam eldi qamtityn táýelsiz jahandyq jolaýshylar saýalnamasyna negizdelgen jáne kún saiyn milliondaǵan saiahatshynyń qaýipsizdigin, jailylyǵyn jáne qyzmet kórsetý sapasyn qamtamasyz etetin 2000-nan astam áýejai qyzmetkerleriniń kúsh-jigerin baǵalaidy.
«Bul marapat bizdiń komandanyń árbir múshesiniń adaldyǵynyń nátijesi. Biz álem boiynsha barlyq jolaýshynyń bizdiń eńbegimizdi moiyndaitynyn maqtan tutamyz. Biz úshin bul úlken mártebe ǵana emes, sonymen qatar odan ári damýǵa yntalandyrý», - dedi Nursultan Nazarbaev halyqaralyq áýejaiynyń Basqarma tóraǵasy Iýsýf Aljavder.
Bul jeńis Qazaqstan Respýblikasy Prezidenti jariialaǵan «Jumysshy mamandyqtary jylynda» óndiris mamandarynyń úlesi arqasynda jetken úlken jeńisimiz dep bilemiz.
Qyzmetkerler áýejaidyń júregi ispetti 1000-nan astam óndiris mamandarynyń – aviatsiialyq qaýipsizdik inspektorlarynan bastap dispetcherler men IT mamandaryna deiingi birlesken jumysy áýejaidyń birtutas mehanizm retinde jumys isteýine múmkindik beredi. Negizgi bólimderge mynalar jatady:
• Aviatsiialyq qaýipsizdik jáne órtke qarsy qyzmetter
• Áýejai jáne perron qyzmetteri
• Júk jáne bagaj qyzmetteri
• Jolaýshylarǵa qyzmet kórsetý, onyń ishinde qozǵalys múmkindigi shekteýli adamdarǵa kómek kórsetý qyzmeti
• Meditsinalyq ortalyq jáne kadrlardy daiarlaý ortalyǵy
• Arnaiy tehnika jáne otynmen qamtamasyz etý qyzmeti
Árbir qyzmetker jolaýshylarmen jumys isteý, áýe kemelerin diagnostikalaý jáne aviakompaniialarmen sapaly ózara árekettesý boiynsha kýrstardy qosa alǵanda, mindetti aviatsiialyq oqýdan ótedi. Jumysqa ornalasý úshin mindetti talaptardyń biri - halyqaralyq jolaýshylarmen joǵary deńgeidegi qarym-qatynasty qamtamasyz etetin eki nemese odan da kóp tildi bilý.
Personaldyń kásibi deńgeiin arttyrýǵa kóńil bólýdiń arqasynda sońǵy úsh jylda áýejaida kadrlardyń turaqtamaýynyń azaiýy baiqaldy, bul ujymnyń turaqtylyǵynyń kórsetkishi.
Sońǵy jyldary Nursultan Nazarbaev halyqaralyq áýejaiy birneshe ret aimaqtyq reitingterdiń kóshbasshysy boldy jáne Ortalyq Aziiadaǵy eń mańyzdy áýe haby bolyp qala beredi. Jolaýshylar tek tehnikalyq jabdyqtar men infraqurylymdy ǵana emes, árdaiym jolaýshylarǵa sapaly qyzmet kórsetýge umtylatyn jumyskerlerdiń iltipatty, meiirimdi qarym-qatynasyn da maqtaidy.
Aita keteiik, Skytrax World Airport Awards – azamattyq aviatsiia salasyndaǵy «Oskar» bolyp sanalatyn halyqaralyq marapat. Marapattar qazylar alqasynsyz nemese aqyly qatysýsyz, tek táýelsiz saýalnamalarǵa negizdeledi, bul olardy aviaindýstriiadaǵy sapanyń eń obektivti kórsetkishteriniń biri ekendigin dáleldeidi.
