(1-حات)
ٷمٸتٸڭدٸ جاندىرعان سٶز, سەنٸم وتى بولىپ كٶكەيٸڭ دە لاۋلاعان سٶز – بٸر اۋىز جىلى سٶز!
فەريدە اسلان.
شىنايلىق!!! ٶمٸردەگٸ بار ادامنىڭ بەرٸ دەرلٸك شىنايىلىققا زەرۋ. شىنايىلىقتىڭ قۇدٸرەتٸ – جٷرەكتٸ سٶيلەتە الاتىن كٷشٸندە. بٸز نەگە ٶزٸمٸزدٸ قيناپ, بولمىستىماتاپ, جاساندى كٷلٸپ ەۋرەمٸز بٷگٸن? سوفييا اقىن دەل مەنٸڭ جٷرەگٸمدەگٸ سٶزدٸ جازىپتى. «شىنايىلىق – تٸرلٸكتە ادام بويىنان تابىلماس قۇندىلىققا اينالىپ بارادى.سەبەبٸن ٸزدەسەڭ, ٷنسٸز عانا جٷرەك ەگٸلەر». ويلار قاجىتقان. جٷرەگٸم ەگٸلگەن. شىنايى بولمىسىن ساقتاي العان زامانداس ٸزدەگەم. شىنايىلىققا نەلٸكتەن قۇمار دەيسٸز بە? شىنايىلىق قانا ٶمٸردەگٸ ادامدى باعالاي الۋعا سەپ بولادى. جاساندىلىق پەن جالعان سٶزدەردٸڭ جٷرەككە جەشبٸر پايداسى جوق. زارارى بار, كەدٸمگٸ كٷزدەگٸ جاپىراقتاي جٷرەكتٸ سولدىرىپ, بەلگٸسٸز بٸر بەيجايلىق پەن سامارقاۋلىققا ەكەلەدٸ. ەشبٸر نەرسە جٷرەككە ەسەر ەتە المايدى. بىلاي ايتقاندا, ٶمٸردەگٸ ادامدىقتىڭ نەگٸزٸ – جان جىلۋى جوعالادى. سوندىقتان, شىنايى ادام ٸزدەدٸم. شىنايىلىقتىڭ ٶمٸردەگٸ مەنٸن تەرەڭ ۇققىم كەلدٸ. ٸزدەي دە بەردٸم, ەلٸ دە ٸزدەي بەرەم!!!
شىنايىلىق – ادامدارعا شىنايى ىقىلاس تٶگۋدەن باستالىپ, بٸر اۋىز جىلى سٶزدٸ جٷرەككە قۇيا سالۋ. تاعدىر ماعان توسىن سىيىن جاسادى. مەن تاپتىم. ەزٸرگە تەك ٶلەڭ سٶيلەسٸن. كەلەسٸ حاتتان, قارا سٶزگە كەزەك بەرەمٸن. جىردى-جىرعا جالعاۋ – ٶمٸردەگٸدەي ٷمٸتتٸ-ٷمٸتكە جالعاۋ سىندى . سوفييا مارسەل ەسٸمدٸ فرانتسۋز اقىنىنىڭ «شىنايى» اتتى ٶلەڭٸن شىنايى ادام سٸز ٷشٸن اۋدارعان ەدٸم.
شىنايى
سوفييا مارسەل
(نۇرسۇلتان بٸلəلگە ارنالادى)
شىنايى,
جٷرەك سٶيلەسە.
شىنايى,
ٷمٸت تەربەسە.
شىنايى,
اق سەزٸم,
كٶكٸرەك كەرنەسە,
شىنايى,
بٸر جىلى سٶز,
جاراڭدى ەمدەسە.
شىنايى,
قوڭىراۋ شالساڭ.
شىنايى,
قولىمنان الساڭ.
شىنايى,
جانىمدى ۇعا الساڭ.
الىستا بولساڭ,
جاقىنىم بولارسىڭ,
تٸلەكشٸم بولىپ.
جٷرەٸكتە بولساڭ,
دۇعامدا بولارسىڭ,
بٸتكەنشە كٷنٸم جارىق.
جٷرەكتٸڭ جىرى بولىپ...
شىنايىلىق - تٸرلٸكتە ادام بويىنان تابىلماس قۇندىلىققا اينالىپ بارادى. سەبەبٸن ٸزدەسەڭ, ٷنسٸز عانا جٷرەك ەگٸلەر.
سوفييا
شىنايى,
ەلەمنٸڭ كەسكٸنٸن,
كٶرسەتەر سٶزٸنە ەستٸنٸڭ,
شٶلدەگەم...
سولاي... شىن سٶزٸم-بۇل! بٷگٸنگٸ حاتتى سٸز جايلى ويمەن ٶرسەم. جۇرت تانىعان جاس تەلەجٷرگٸزۋشٸ, "اۆتوراديو" راديوسىن تىڭداۋشىلارعا سٷيٸكتٸ راديوجٷرگٸزۋشٸ - نۇرسۇلتان بٸلəل اعامنىڭ مەن تانىعان حəم سٷيسٸنتكەن قاسيەتٸ - بالالىعى. بالالىق يٸسٸ اڭعىعان جەردە جان əلەمٸڭ جادىراپ سالا بەرەتٸنٸ بار ەمەس پە?! بالالىققا تولىق قانباعان جارىم كٶڭٸل بولعان سوڭ شىعار بالا كٶڭٸل جانداردى جيٸ ٸزدەيتٸندٸگٸم. شىنايى, تازا!!! مەنٸڭ مۇڭىمدى تىڭداعىسى كەلٸپ, جان əلەمٸمنٸڭ بۇلقىنىسىنا سابىر دەپ ايتقىسى كەلەتٸن اسىل جان. اعامنىڭ اۋزىنان شىققان سابىر دەگەن سٶزدٸ جان əلەمٸم ەستٸر دەپ سەنەمٸن. نۇرسۇلتان اعا, مەن سٸزدٸ əركەز ويىما العان بوي سوفييا مارسەلدٸڭ "بالالىق پەن شىنايلىق" اتتى əڭگٸمەسٸ جادىمدا قىلاڭ بەرەتٸنٸ تەگٸن ەمەس-اۋ... ول əڭگٸمە - سوفيانىڭ ٶز تاعدىرىن سٶز ەتكەن əڭگٸمە. (جەتٸمدٸگٸ مەن جان دەرتٸ حاقىندا) سوفيانىڭ پاريجگە العاش كەلۋٸنەن اقىن بولىپ اتى دٷركٸرەگەن شاققا دەيٸن سۋرەتتەلگەن.
سوفيا مارسەل - وتىز ەكٸ جىلدان ارتىق ۋاقىت قول ارباعا تاڭىلعان اقىن əرٸ جازۋشى. ونىڭ اياقتان تۇرۋىنا بٸر عانا ٶلەڭٸ - "شىنايىسى" سەبەپكەر بولعان. وتىز ٷش جاسىنا دەيٸن قول ارباعا تاڭىلعان جاننىڭ ٷش پاراق ٶلەڭٸ ٶمٸرٸن تٷبەگەيلٸ ٶزگەرتكەن دەگەنگە سەنبەسسٸز. سوفيا ول ٷش پاراق ٶلەڭدٸ ٶزٸنٸڭ سٷيٸكتٸ فيلمٸنٸڭ كەيٸپكەرٸنە ارناپ جازىپ, اۆسترييالىق تەلەكومپانيياعا جٸبەرٸپتٸ. ٶز ٶلەڭٸنٸڭ وقىلارىنا, كەيٸپكەر كٶڭٸلٸنە جەتەرٸنە ٷمٸتتەنبەسە كەرەك. بٸراق... ارادا ەكٸ اپتا ٶتەر ٶتپەس ۋاقىتتان سوڭ سوفيانىڭ كٶڭٸل جىرى كەيٸپكەرٸنە جەتٸپ, ٶزٸنە ۇيالى نٶمٸرلەرٸ مەن تۇرعىلىقتى مەكەن-جايىن جازىپ جٸبەرۋٸن ٶتٸنگەن حات كەلٸپتٸ. سوفيا كەيٸپكەرٸنە بار ٶمٸرٸندە كەزٸككەن ازابى مەن قيىندىعىن جاسىرماي جازادى (جاسىرماعان دۇرىس). سىرىنىڭ مٶلدٸرلٸگٸ سونشا, كەيٸپكەرٸ بٸر ايدان سوفيانى ٸزدەپ كەلٸپ, پاريجگە جەتەكتەپ بارىپ, جەتٸم قىزدى وتىز ٷش جىلدىق جان دەرتٸنەن ارىلتادى.
سٸزدٸ مەن ەرەكشە جان دەپ بٸلەم. بولمىسى ٸرٸ, جانى نۇرلى. بٸر قۋانارلىعى - جٷرەك سٶزٸنٸڭ ٶلمەۋٸ. سوفيا اقىن - باقىتتى اقىن!!! باقىتتى ادام!!! مەنٸڭ جٷرەك سٶزٸم جەرگە جيٸ تاپتالادى. دۇرىسىن جەتكٸزسەم دەپ جان قۇلازىپ, جاق تالادى. ىقىلاسىڭدى اقتارىلىپ ايتقان شاق كٶڭٸلٸڭە مۇز باساتىندار قانشاما?!.. مەن سوفيا-سىندى مەنٸڭ تəنٸمدٸ ەمدەسٸن دەمەيمٸن. جانىمدى جىلاتپاسا, سٶزٸمدٸ تاپتاماسا بولعانى دەيمٸن. مەن دە سەنەمٸن!!! بٸر كٷنٸ جان دەرتٸمنەن ارىلامىن. سٸزگە ەندٸ سوفيانىڭ كٸتابىنان وي سٷزٸپ, كٶڭٸل ويلارىمدى جازىپ وتىراتىن بولامىن "شىنايى" - سوفيانىڭ ٶلەڭٸمەن مەنٸڭ اتتاس ٶلەڭٸم. سٸزگە دەگەن ىقىلاسىمدى ٸشٸنە جيعان تۋىندىم. سٸزدەي جاندار كٶپ بولسا, جان əلەمٸمٸز مəڭگٸ جايدارى بولار ما ەدٸ?... شىنايى جاندار - جان əلەمٸ تازا جاندار!!! سٸزدٸڭ جٷرەگٸڭٸزگە تəنتٸمٸن. سٸز مەنٸ ٸزدەپ قوڭىراۋ شالعان كٷننەن جان əلەمٸمە جاز كەلدٸ. جىلىلىعى مول. سٸزدەن مەن شىنايى ادامدىقتى كٶردٸم, اعالىقتى سەزدٸم. جٷرەگٸم قاتەلەسپەپتٸ. سوفيانىڭ سٶزٸن تٸزٸپ, حاتتى تەمامدايىن. "شىنايى ادامدار - شىنايى سەزٸمدەر سىيلايدى. تاعدىردى تانيدى, تاعدىرلى جاندى جانيدى. مەنٸ ەمدەگەن دəرٸمەن قاتار شىنايى جانداردىڭ ماعان دەگەن شىنايى سەنٸمٸ مەن سەزٸمٸ!". سٸز ماعان سەنەسٸز!!! ايتقانسىز. جادىمدا!!!
(نۇرسۇلتان بٸلəل مەن شابا ەدەنقۇل ورىندايتىن "جۇلدىزىم" ەنٸنە ارنالعان)
تەڭٸزدەگٸ شاعالادايمىن,
Əن سٷيگەن جٷرەك قۇلاي.
تەڭٸزدەگٸ شاعالادايمىن,
Əن ٶمٸرٸمە مəڭگٸ شىراي.
سانامدى ساڭلاۋسىز كٸلتتەپ,
جٷرەگٸمدٸ بيلەگەن əن ەدٸ بۇل.
تەز تامام بولادى نەگە بۇلاي,
جٷرەگٸم əۋەزٸنە قالدى جارىماي,
بوتا جانارىمنان جاس تامدى كٸل.
ەكٸ əنشٸ,
ەكٸ عۇمىر,
ەكٸ جٷرەك,
Əن سالعان ەدٸ.
ەكٸ ٷمٸت,
ەكٸ ارمان,
جار سالعان ەدٸ.
قييا الماي قالدىم,
ەس جييا الماي قالدىم.
ٷنسٸز قاۋىرسىن قالامدى,
دəۋٸت ٸشٸنە مالدىم,
سوڭىن الا جىر جازدىم ەننٸڭ.
مەدينە گٷلگٷن.
*********
جٷرەكتٸ تولقىتقان سونشا,
ەگەي تەڭٸزٸ تولقىعانداي
جارىعىنداي كٶكتەگٸ ايدىڭ,
بٸر əنگە جٷرەگٸمدٸ جايدىم.
شىڭداردان قۇلاعان بۇلاقتاي,
جانىمدى əنمەن سۋعارىپ الدىم.
بٸر əن,
جانعا ەم.
بۇل əن,
بٶلەك əلەم.
جالعىزدىق شەڭگەلٸ تىرناسا,
جان əلەم تەڭٸز بوپ تىنباسا,
Əنسٸز əلەم دالباسا,
Əنسٸز جٷرەك قان جوسا.
Əنمەن عانا شاعالا كٶڭٸل,
شىڭداردا, اعا-اۋ, سامعاسا.
ەلەگٸنەن ەلەر بولسا ەسسٸزدەر,
Əنگە عاشىق, ٷنگە جانىما كٷلەر.
قاراڭعى عالامدا ۇعىسارىم əن,
ول جايلى, اعا-اۋ, ويسىز قايدان بٸلەر...
قاراڭعى əلەمنەن قاجىعام,
سول ٷشٸن جان قيناپ, جاس سىعام.
ٶمٸر سٷرگٸم كەلەدٸ بٸر كٷن بولسا دا,
سازبەن سىرلاسىپ, كٶڭٸلٸم بەيقام.
جۇلدىزىن كٶكتٸڭ تامسانتىپ,
اي-انا بولعانداي əنٸڭە شەكسٸز عاشىق.
بۇل əن - بٸر əن تىڭدار جان əستە,
جٷرەگٸنٸڭ جەتٸ قاقپاسىن اشىپ.
قوس قايىڭىم قايىسپاس
(2-حات)
جەزدٸ ٶلكەنٸ ساعىناسىز با, سۇلتان اعا?! مەن ساعىندىم! سٸزدٸڭ ٶلكەدە مەنٸڭ بالالىعىم قالدى.
Əرٸ ٶمٸر كٶشٸمدە ماعان اعا بولعان جاندار - سول دالانىڭ پەرزەنتتەرٸ! سٸز بەن Əن-اعام! مەن سوڭعى ۋاقىتتا, "قايىڭدارشا عۇمىر" اتتى يسپان حالقىنىڭ اڭىزىنا جٷرەكپەن سەنٸپ جٷرمٸن.
باعزى كٷندەردە, كوفە تەرۋمەن اينالىساتىن جۇرتتىڭ جايى كٷرت ناشارلاپ, قۋاڭشىلىق جايلاعان كەز ەكەن. ياعني, يسپانييانىڭ شاعىن كوفە ٶسٸرەتٸن ايماعىندا. كٶكتەمگٸ ەگٸسكە قالدىرعان تۇقىمدى دا ساتۋعا مəجبٷر بولىپتى. بəرٸ بٸر ٶكپەسٸ دٸمكəس قىز ٷشٸن. ول قىز سول ايماقتاعى ەشكٸمنٸڭ تۋعانى ەمەس, تاعدىر جازۋىمەن سول ايماقتىڭ سۋىن ٸشكەن جان ەكەن. اناسى مەن əكەسٸنٸڭ كٸم ەكەنٸندە بٸلمەيتٸن بەيباققا جاناشىر مەن جان دوستار وسى مەكەننەن تابىلىپتى. كٷزدٸڭ داۋىلدى بٸر كٷنٸ كوفە القابىنا جۇمىسقا شىققان قىز, داۋىلدان كەيٸنگٸ نٶسەرگە تاپ بولىپ, سول كٷننەن سوڭ ٶكپەسٸ قابىنىپ, تٶسەككە تاڭىلىپتى. ٷنەمٸ كوفە القابىندا əن سالىپ جٷرەتٸن اڭعال قىزدى بٷكٸل جۇمىسشىلار العاشقى كٷنٸ-اق ٸزدەي باستاپتى. العاشىندا, جاي سۋىقتاۋعا بالاعان, جاس قىز سىرقاتىنىڭ مəنٸسٸن دۇرىستاپ تا تٷسٸنە الماپتى. قۋاڭشىلىقتىڭ قىسپاعىندا دا, ادامدىقتى ۇمىتپاعان كوفە تەرۋشٸلەر, قىزدىڭ ساۋلىعىنا بار جيعانىن سارپ قىلۋعا بەكٸنٸپ, القاپتىڭ يەسٸنە بازىناسىن جەتكٸزۋگە بٸردەن جول تاۋىپتى. بəرٸنٸڭ بٸر عانا سەبەبٸ - دەرتتٸ قىزدىڭ بٸر əنٸ. القاپتىڭ ەگەسٸ دە, تەرٸمشٸ قىزدىڭ حəلٸ مەن əنٸنەن حاباردار ەكەن. باسشى اق ادال تەرٸمشٸ قىزدىڭ جازىلۋىنا سەپتەسۋگە تىرىسىپتى.
كەيدە, مەيرٸمدٸلٸكتٸڭ قۇدٸرەتٸ - ٶمٸرگە تۇتقا بولادى.
بٸر جىلدىق ٶنٸمدٸ, بٸر ٶمٸردٸ ساقتاۋعا ارناعانىنا قاراپ, مەيرٸمدٸلٸك دəۋلەتكە بايلانىستى ەمەس.
ييا, بۇل ٶتكەن زاماننىڭ اڭىزى.
ەرتەگٸدەن پارقى جوق. بٸراق, ادامنىڭ بəرٸ - بٸر عوي. قاي زاماندا دا, ادام سول. ادام - دəۋٸردٸڭ پەرزەنتٸ, مەيرٸمدٸلٸك قاي كەزدە دە بولۋى تيٸس.
Əن اعام - قاتتىلىق, سٸز - جانعا جايلى جۇمساقتىق. ماعان قايىڭدارشا قاتتىلىقتى ٷيرەتٸپ جٷرسٸزدەر. سٸزدەن بالالىق كٶرەم دەدٸم عوي. جىلدار جىلجىپ, مەندە سوفييا سىندى اياققا تۇرارمىن. جاس قايىڭدار قاتتىلىقتى, قاسىنداعى كٶپ جىلدىق قايىڭداردان ٷيرەتەدٸ. مەن دە سٸزدەردەن ٷيرەنٸپ جٷرمٸن. سول كەزدە, بٸرگە بالالىعىڭىز ٶتكەن جەردٸڭ سۇلۋلىعىنا كٶڭٸل مەن كٶز سۋعارىپ, جٷرەكتەن جىر ۇشىرارمىز, سۇلتان اعا! حات سوڭىن سوفييا مارسەلدٸڭ ويىمەن تامامدايىن. "باعامدى بٸلٸپ, حəلٸمدٸ بٸلگەن جانعا نە دەيٸن?! كٷن دەيٸن بە?! جىلۋىن ايامايتىن كٷن دەيٸن. ادامنىڭ بالالىعى - جاۋراعان كەزدە جان جىلىتارى شىندىق. كٷن شاپاعى سىندى, توڭازىعان تəن بالا مٸنەز جاندى كٶرگەن سəت جىلىنادى. جىلۋدى ساقتاي بٸلۋ ٷشٸن, سول جاندى قادٸرلەي بٸل! باعالاي بٸل!"
سٸزدٸ باعالاۋىم كەرەك, قادٸرٸڭٸزدٸ بٸلۋٸم كەرەك, سۇلتان اعا!
مەن جəنە مەنٸڭ ٶمٸرٸم!
تانىماي تۇرىپ, تاڭدانا الامىز بٸزدەر,
تاعدىرعا كٶنٸپ, تاڭ نۇرىن كٷتٸپ ەرەكشە.
(سوقىر جاننىڭ كٷندەلٸگٸنەن)
جٷك بولعىم كەلمەيدٸ تىم اۋىر,
مۇڭ بولعىم كەلمەيدٸ تىم جاۋىر.
بولعىم كەلەدٸ جاي عانا مەنٸڭ سٸزگە, اعا,
اق تٸلەكپەن دۇعا تٸلەر شىن باۋىر!
جالعاندا جاقسىلىقتىڭ بارلىعىنا سەنٸپ كەلەم, سول سەنٸممەن ەرتەڭ دەپ ٶمٸر سٷرٸپ كەلەم. بار ويىمدى قاعازعا تٷسٸرەم دەدٸم. تٷسٸرگٸم كەلەدٸ. مەن سٸزدٸ اعا دەپ اتاي الام. وعان قاقىم بار ما, جوق پا, بٸلمەدٸم?! سىرت ادامدار ٷشٸن تىم قييالشىل كٶرٸنەتٸن شىعارمىن. بەز بٸرەۋلەر اقىلىندا كٸنəرات بار دەر. جو-جوق. مەن - شاراسىزبىن. شاراسىز ادام - شىڭعا شىعۋدىڭ دا جولىن تابادى. ادامنىڭ ٷنٸنەن قورەك تاۋىپ, سول ٷنمەن ٶمٸرٸمدٸ جارىق ەتۋدەمٸن عوي مەن. ماعان كٶبٸ كٷلەدٸ. قالاي كٶرمەگەن ادامعا اقتارىلاسىڭ دەيدٸ. نە ٸستەيٸن ەندٸ? جانىمداعى ادامداردان دوس تاپپاعان سوڭ... نەگٸزٸ, ادامعا ٶتە تالعاممەن قارايمىن. ونى جاسىرمايمىن. ٷندەرٸن قۇبىلتىپ, جالعان سٶيلەگەندەردٸ جاقتىرا بەرمەيمٸن. مەندە ەشقانداي پسيحيكالىق حəم پسيحولوگييالىق اۋىتقۋ جوق. وعان مەنٸڭ ٶز əرەكەتتەرٸمە تولىقتاي جاۋاپ بەرە الاتىنىم, ٷلكەن دودالاردا ٶزٸمدٸ سان دəلەلدەي العانىمنان بٸلۋگە بولار. ەندٸ, ٶمٸرٸمدە ەكٸ نəرسەگە اسا بايىپپەن قارايمىن. بٸرٸ - شىنايىلىق. ەكٸنشٸسٸ - ادامدىق. نەگە حاتتاردى سٸزگە جازدى دەپ ويلايسىز? سٸزدٸڭ بويىڭىزدان ەكٸ قاسيەتتٸ دە تاپتىم. بۇل حاتتار سٸز وقىپ بولعان سوڭ ٶز وقىرمانىنا جول تارتادى. مەنٸڭ ٸشٸمدە جيىرما ەكٸ جىل جٷرگەن ويلار. مەن سيياقتى جانداردىڭ كٶڭٸل مۇڭى مەن ٶمٸر شىندىعىن سٶيلەتۋ ٷشٸن جازىپ جٷرمٸن. مەن ٷش-اق ادامعا عانا ٶمٸرٸم جايلى جازا الام. ولار: Əن اعام, سٸز, ازامات Əبٸلقايىر. نەگە?! ويلارىڭىز تاعدىرىمدى ساراپتاۋعا جەتەتٸن بولعاندىقتان. نەگە حات جازامىن?! بٸزدە قوعامنىڭ تولىققاندى مٷشەسٸ بولعىمىز كەلگەندٸكتەن. ماقپال مىسا اپام ايتقان-دى, "قابىلداۋىڭ قيىن شىعار, سىر شاعۋعا سوندىقتان قالامدى تاڭدايتىن بولارسىڭ?.." مٷمكٸن... سٸز - اقتارىلۋىما بٸر سەبەپكەر جانسىز. مەن كٶپ ارماندايمىن. كٶپ ارمان ويلارمەن دالا كەزەم. مەن مٷگەدەكتەردەن قاشقاقتايتىن ادامداردى قوعامنان جيٸ كٶرەمٸن. شەتەلدەگٸدەي بٸزدە شەكتەۋسٸز قارىم-قاتىناس əلٸ ورناماي كەلەدٸ. مٷگەدەك - مəسەلەلٸ ادام دەپ قارايتىن ادامدار ٶتە كٶپ. ولاي ەمەس. مەن ەشكٸمگە ماعان مəسەلەمدٸ شەشٸپ بەر دەپ, ٶزٸمدٸ باسقا بٸر ادامنىڭ كٶلەڭكەسٸندە ٶمٸر سٷرۋدٸ قالايتىن جان دەپ ەلەستەتپەپپٸن. بار شىعار, ماسىلدىق پسيحولوگييامەن ٶمٸر كەشٸپ جٷرگەندەر. بəرٸ ەمەس. سوسىن, تالما دەرتٸمەن اۋىراتىن, ياعني جٷيكەسٸنە سالماق تٷسٸرۋگە بولمايتىن جاندارمەن سۇحباتتاسۋدان كٶبٸ قاشقاقتايدى. بٸراق, ول اۋرۋ دəرٸسٸن ٸشٸپ جٷرسە, قوعامعا ەشبٸر كەسٸرٸ جوق. ٶز باسىمنان كەشٸرگەن جايلار. بولدى. بولىپ تا جاتىر... كەيدە, مٷگەدەكتەردٸڭ ارماندارىنا حəم ٶمٸر تاڭداۋلارىنا كٸسٸمسي قاراپ, جان قايعىسىن سەزدٸرەتٸنٸ بار. قاراڭعىلىق جايلى سٶز ايتپاي-اق قويسام بولار. مەن ەشكٸمدٸ جٶن-جوسىقسىز مازالاعان ەمەسپٸن. راس, كەيدە ٷنٸن ەستٸگٸم كەلەدٸ. كٶڭٸلگە قيىرشىق تاستاي جينالعان سىرلاردى سىرتقا شىعارعىم كەلەدٸ. ول بəرٸندە بار نəرسە. ادام تاپپايمىز. تاعدىردى ساراپتاي الاتىن, جىلىلىعىن جٷرەك تٷكپٸرٸنە تٷسٸرە الاتىن. مٷگەدەكتەر تەك قارا باس قايعىسىن ايتادى دەپ قارايدى. جوق. مەن تاعدىرىمدى تەك تانىسقان كەزدە بٸر رەت قانا ايتامىن. باسقا ۋاقىت, قالىپتى سۇحبات. وسىلاي. مەنٸڭ نەگە ەر ادامداردىڭ ٷنٸن جيٸ ٸزدەۋٸمنٸڭ سەبەبٸ, بالالىعىم ەر ادامنىڭ داۋسىنان قورقۋمەن ٶتتٸ. قازٸر, ەر ادامنىڭ داۋىسىنا قۇلاق ٷيرەتۋدەمٸن.
اعا, ەندٸ ٶزٸم جايلى شىندىقتىڭ تيەگٸن اعىتسام. دəل قازٸر, مەندەگٸ بارى - جٷرەك قانا. ٶمٸر سٷرۋٸمە, ادامداردى جاقىن دەپ بٸلۋٸمە, əلەمدٸ سٷيۋٸمە تەك جٷرەك سەبەپكەر. سٸزبەن تانىسۋىم -تاعدىرىمداعى جازدىڭ باستالۋى. سۇلتان اعا, مەنٸ قالاي قابىلداپ جٷر ەكەنسٸز?!... سٸز ٷشٸن ٶمٸرٸڭٸزدە ٷش ۇيقى قۇشاعىنا باتقاندا, سەنبەس وقيعا ورىن العانداي ما? سولاي بولۋى كەرەك. بٸر تٸلدەسۋدەن مەنٸ زاعيپ جاننىڭ ٸزدەۋٸ قالاي دەرسٸز? مەنەن نە كٷتەدٸ دەپ ويلاناتىن بولارسىز? زاڭدى ساۋالدار. مٷمكٸن, بۇنى جازۋىم رەتسٸز شىعار, مەن جٷيكەسٸ بۇزىلعان, ياكي ەرٸككەن ەسەر ادام ساناتىنان ەمەسپٸن. قيياليلىعىمدا جوق. مەن كٶپ ادامدارعا جۇعىمدى اداممىن دەي المايمىن. بٸراق, ەشكٸمنەن ەشتەڭە كٷتپەيمٸن. ادامعا ادامنىڭ مەيٸرٸم مەن سەنٸمٸ جوعالۋعا تاياۋ قوعامدا ٶمٸر سٷرٸپ جاتقان سوڭ ماعان كٷدٸكتەنە قاراۋىڭىز دا بەك مٷمكٸن.
مەن سٸزدٸ اعا دەپ,تٸرلٸگٸمدە دۇعاعا قوسىپ, سٸزدٸ ٸزدەۋٸمنٸڭ, سٸزدٸڭ ٷندٸ ەستٸگٸم كەلگەنٸنٸڭ سەبەبٸ - مەنٸ جۇبانتار سٶزدٸ سٸز ايتتىڭىز. سٸزدەن ەستٸدٸم. سٸزگە دەگەن مەندەگٸ سەزٸم - ٸنٸلٸك قۇرمەت. مەنٸڭ ٶز تۋعان اعام بولعان ەمەس, اعايىن اعالارىم مەندٸك كٶڭٸلدەگٸ اعا دەگەن اتتى جوق قىلعان ادامدار. ماعان اعا كەرەك, اقىلىن تىڭداپ, ٷنٸنەن قۋات تاباتىن. بٸلەم, سٸزدەگٸ مەن جايلى تولىق ماعلۇمات پەن ويلارىڭىز از. مەن كٶپ ادامداردى بٸلەمٸن, مٷگەدەكتەن قاشاتىن حəم قاشۋعا تىرىساتىن. مەن بəرٸن ٶزٸڭٸزگە ايتقىم كەلەدٸ! مەن - ادامدار ٸشٸنەن ادامدار ٸزدەپ جٷرگەندٸگٸمدٸ əرٸ اق جٷرەك اعالارىم بولسا دەپ ارماندايتىنىمدى بٸلسەڭٸز عوي! مەن سەگٸز اپامنىڭ اياۋلى الاقان جىلۋىن سەزٸپ, قارت اتا-انامنىڭ قالىبىن قابىلداعان جانمىن.
ييا. مەن - تəنٸ مٷگەدەك جيىرما ەكٸ جاسار جٸگٸتپٸن. ماڭعاز قالپىممەن تاپقان باعىم - ٷن مەن ساز. ٷن - سٶزگە اينالادى. ساز - əنگە. مەن سٸزدٸڭ جٷرەكتٸڭ ادالدىعىن بٸردەن سەزدٸم. كٶردٸم دەپ جالعان ايتا المايمىن. كٶرگٸم كەلەدٸ! بٸلٸڭٸزشٸ! مەن – جٷرەگٸ, كٶزٸ حəم اياعى بولعان عارٸپپٸن. بٸراق, سٸزگە تيگٸزەر قىلاۋداي قيياناتىم مەن جاماندىعىم جوق. مەن سٸزدٸ عۇمىر باقي قۇرمەتتەپ ٶتەمٸن. مەنٸ جان قينالىسىنان قۇتقارعانىڭىز ٷشٸن. مەن - شىندىقتى سٷيەمٸن. جۇما كٷنٸ بارلىعىن ايتقىم كەلگەن. ۇعامىن, سىرت اداممەن ديستانتسييا ساقتاۋدى ۇستاناتىن ادامسىز. مەنٸ كٶرمەگەنسٸز, مەنٸ تانىمايسىز. مەن كٶرمەي-اق ادامداردى جاقسى كٶرە بەرەمٸن. بۇل - مەندٸك كەمشٸلٸك. سٸزگە سەنەمٸن! جٷرەگٸم ايتادى, اعالىققا جارار جان دەپ. مەن ادامنىڭ سەنٸم-سەزٸمٸمەن ويناۋدى جەك كٶرەمٸن. ەشقاشان ەشكٸمنٸڭ سەنٸم-سەزٸمٸن ويراندىعىم كەلمەيدٸ. كەشە بٸر دوسىم ايتادى, «سەنٸڭ پەيٸلٸڭنٸڭ استارىن ۇعا الماي جٷرگەن شىعار» دەپ.
مەن جاۋاپ تاپپاي اڭتارىلدىم. مەنٸڭ پەيٸلٸم - بٸرەۋدٸڭ سەنٸمٸنە كٸرۋدٸ كٶكسەمەيدٸ. مەن ساۋالعا كەڭ ويلانىپ قاراسام, مەن بٸرەۋدٸڭ سەنٸمٸنە كٸرٸپ, ول ادامنان ماتەريالدىق دٷنيەلەر كٷتەتٸندەي كٶرٸنۋٸم مٷمكٸن ەكەن. ٶزگەنٸ مازالاۋعا ۇيالار جانىم, ٶزگەنٸڭ سوقىر تيىنىن قاجەت ەتپەيدٸ. بۇل تۇستاعى ايتپاعىم, ەشكٸمنەن اياۋشىلىق كٷتپەيمٸن. مەنٸ اياسىنشى, جəردەمدەسسٸنشٸ دەگەن ماقسات-مٷددەدەن اۋلاقپىن. جوق. بٸرەۋدٸڭ سەنٸمٸن ارام ماقساتقا پايدالانسام, ول مەنٸڭ ارمانىمدى وتايدى. ٷمٸتتەرٸمدٸ ار-ازاپ ٶرتٸنە ٶرتەيدٸ.
"جارىق كٷندٸ كٶرۋ ٷشٸن جٷرەگٸمدٸ ارامدىققا پايدالانبايمىن".
ارامدىق - ٶتٸرٸك ايتۋدان باستالادى. ٶكٸنٸشكە وراي, مەنٸڭ جانىم جالعان سٶزدٸڭ جٷگٸن كٶتەرەر حəلدە ەمەس. ونسىز دا, تاڭىم مەن تٷنٸم بٸر تٸلەككە بايلاۋلى. انام مەن əكەم - قارييا كٸسٸلەر. بٸرٸ - 79, بٸرٸ - 63 جاسقا كەلدٸ.
ولار ماعان بالا شاعىمنان ٶتٸرٸكتٸڭ جٷگٸن ارقالار شاماڭ جوق دەيتٸن. بٸرەۋدٸ الداپ, بٸرەۋدٸ سۇلداپ, بٸرەۋدٸڭ سەنٸمٸن ويرانداپ, مەن قالاي ساۋىعام دەپ تٸلەك ەتەمٸن. سٸزدٸڭ اق جانىڭىزعا, ادامدىعىڭىزعا جٷرەگٸم سٷيسٸنگەن. جٷرەك سٷيسٸنگەنٸن جاماندىققا اتاماس, سۇلتان اعا!
ٶزەگٸمدەگٸ ەڭسەلٸ ازامات اعام دەپ ساناپ وتىرىپ, مەن سٸزگە ارسىزدىق جاساسام, ارماندارىم ادىرا قالاتىن ٶزٸمە ايان. مەن بالالىعىمدى Əن-اعاما ايتتىم. جاسىرمايمىن. جٷرەگٸم اعا دەگەن ادامنان سىر جاسىرعىم كەلمەيدٸ. مەن ٶمٸردٸ باسقاشا قابىلدايتىن شىعارمىن. ادامعا قۇلاي سەنەتٸنٸم,اق سەزٸمگە ەرەتٸنٸم - قارييالاردىڭ ٷيرەتكەنٸ. مەن ٶمٸردە كٶپ جىلاعان اداممىن. الداعاندار مەنٸ ٶتە كٶپ. ادالدىق - ادام سٶزٸنەن كٶرٸنٸس تاپپاسا, سول ادام ٶمٸرٸندە قينالىپ ٶتەدٸ. ادالدىق - ار تىنىشتىعى. مەن جارقىن كٷنٸمدٸ جاقسى ادامدارمەن قارسى العىم كەلەدٸ! مەن - əلەمدٸ ادالدىعىممەن كٶرەمٸن!
مٷمكٸن, ەرتە بولار بۇل جاي, مٷمكٸن... كەش! مەنٸڭ ٶمٸرٸم نۇرلاناتىن شىعار, نۇرسۇلتان اعا! سٸز جايلى جيٸ وي كەشەم. بٸزدٸڭ جايىمىزدان قاشقاقتامايتىن, مٷگەدەكتەرگە جالعان اياۋشىلىق تانىتپايتىن بولمىسىڭىزدىڭ بەينەسٸ - پاراساتىڭىزدىڭ بيٸكتٸگٸ بولار?!
P.S. مەن بۇل حاتتار ارقىلى ەشكٸمنٸڭ اياۋشىلىعىن كٶكسەمەيمٸن. بٸر جان بالاسى, سٸزدەرگە جازعان حاتتارىمنان بٸر مٷگەدەك جاننان قاشقاقتاۋدى قويىپ, ٶزٸمەن تەڭ ادام سىندى جانىنا ٷڭٸلسە, سول مەنٸڭ جەتكەن جەتٸستٸگٸم. نەگە جۋرناليستتەرگە حات جازام? وعان جاۋاپ, əۋەلدەن جۋرناليست قاۋىم ٶكٸلدەرٸ قورعانسىز جاندار مەن قورعانسىز كٶڭٸلدەردٸڭ قالقانى. نەگە جاس جۋرناليستتەرگە جازاتىن سەبەبٸم, ٷلكەن بەلەستٸ العان جۋرناليست اعالارعا جازسام, ول كٸسٸلەر مەنٸ بالاسىنداي ٶبەكتەپ, قالام ۇستاتپاي تاستايتىنى انىق. مەن جازباسام, مەن سەكٸلدٸ تاعدىرلاردىڭ مۇڭ-ازابىن قايدان بٸلەدٸ ادامدار?! زامانداستارىمنىڭ ٸشٸنەن تاڭداعان جاندارعا سىر ايتا وتىرىپ, ٶز كٶڭٸلٸمدٸ بوساتىپ, بٸر تاعدىردىڭ ٶزگەرۋٸنە سەپتەسكٸم كەلەدٸ.
ٶلەڭمەن جازىلعان حات
(3-حات)
سۋىرىپ الار سٶزدەر بار,
ازاپتان اۋىر, قايعىدان.
سٸلكٸپ تاستار مۇڭدار بار,
كٶپكە سوزباي جاناردان.
كٷيسە دە تٸلٸڭ ايتىپ قال,
ٸشٸڭدە سىرىڭ قالماسىن.
(ٶزبەك حالىقىنىڭ اڭىزىنان)
سوقىرلىق ەمەس-اۋ, پاقىرلىق. كەش تٷسٸندٸم. كەش بٸلدٸم. كەش ويلاندىم. ادامنىڭ الاقانىنا تارىداي ٷمٸتتٸ سىيدىرىپ, جٷرەككە دارىتۋعا بولادى ەكەن-اۋ...
بولادى ەكەن! سۇلتان اعا, زاعيپتاردىڭ əلٸپپەسٸمەن جازىلعان حاتتارىمدا ٶز دٸتتەگەن كٸسٸگە جەتەدٸ ەكەن. بəرٸ مٷمكٸن ەكەن. باستىسى - جٷرەك سٶيلەسٸن. جٷرەك سٶيلەسٸن! شىندىعىندا, بۇل كٷندەرٸ جەر بەتٸندە كٸمدەردٸڭ جٷرەگٸ سٶيلەپ جٷر ەكەن?! سٶيلەتپەيمٸز عوي.... جٷرەك سٶيلەسە, ٶمٸر عاجاپ بولار ما ەدٸ?!
مەنٸڭ تاعدىرلاستارىم جەر بەتٸندە ٶتە كٶپ. بəرٸنٸڭ ارمانى - جارىق دٷنيەنٸ بٸر كٶرۋ! مەن سٸزگە بٸر Əلٸشەر بابامىزدىڭ زامانىنان قالعان اڭىزدى سٶيلەتەيٸن.
باعزى زاماندا, سامارقان شاھارىندا, تەمٸرحاننىڭ تۇسىندا بٸر زۋحرا ەسٸمدٸ قىز ٶمٸر سٷرگەن دەسەدٸ. ەل قاتارلى, ارداقتى اتا-اناسىمەن بٸرگە, اعايىن-دوس, كٷللٸ تٸلەۋلەس جۇرتتى قۋانتىپ, زۋحرا دٷنيە ەسٸگٸن اشىپتى. اتا-اناسىنىڭ كٶز قۋانىشى بولىپ, زۋحرا دا بٷلدٸرشٸن كەزەڭدٸ ارتقا قالدىرىپتى. بالالىق دəۋرەنٸ دە قۇربىلارىنان ايىرماسىز ٶتٸپتٸ. زۋحرانىڭ جان سۇلۋلىعى مەن تəن سۇلۋلىعى اڭىز-əفسانا كەيٸپكەرٸنٸڭ ٶمٸردەگٸ بەينەسٸندەي بولىپ, ونى كٶرگەن جٸگٸتتەر عاشىق بولا بەرٸپتٸ. قۇربىلارى ٸشتەي قىزعانىپ, ٷلكەن-كٸشٸ وعان سٷيسٸنٸپ قارايدى ەكەن. "سامارقاننىڭ سۋىن ٸشكەن, سۇلۋ بولماي بولماس, سامارقاننىڭ قوينىندا ٶسكەن اقىن بولماي بولماس"-دەگەن ناقىل وسى كەزەڭنەن قالعان دەسەدٸ.
دەرت پەن ازاپ - جٷيرٸكتٸگٸ جەلمەن پارا-پار. ەشكٸم ونىڭ قاي كٷنٸ پەندە باسىنا تٷسەرٸن بٸلمەگەن. بٸلمەيدٸ دە. كٷندەردٸڭ بٸر كٷنٸندە قىز شەشەك اۋرۋىنا شالدىعىپ, كٶزٸ كٶرۋدەن قالىپتى. دəل ون بەس جاسىندا. قانشا ەمدەلٸپ باققانىمەن, ەمشٸنٸڭ ەمٸ نəتيجە بەرمەپتٸ. جارىق دٷنيەنٸ كٶرٸپ جٷرٸپ, بٸر سəتتە قاراڭعىلىق قوينىنا ەنۋ - ول ٷشٸن ەڭ ٷلكەن ازاپ بولعانى تٷسٸنٸكتٸ. زۋحرا العاشقى كٷندەرٸندە جىلاعانىمەن اقىر سوڭىندا ٷنسٸز بارلىعىنا كٶنبەسكە امالى جوعىن تٷسٸنٸپتٸ. سول كٷننەن باستاپ, جادىن جاتتىقتىرىپ, ۇستازدارىنىڭ اۋزىنان شىققان əربٸر ٶلەڭ جىردى جاتقا ايتۋعا ماشىقتانىپتى. زۋحرانىڭ ارمان-قييالى əر تاڭ سايىن جىر بولىپ تٶگٸلە بەرٸپتٸ, تٶگٸلە بەرٸپتٸ. دەگەنمەن, زۋحرا ارۋدىڭ جان əلەمٸ əر كٶكتەمدە قايعىنىڭ تونىنا ورانىپ, ٷيدەن بٸر قادام اتتاپ شىقپاي, ٸشقۇسا بولىپ, تٶسەكتەن باس كٶتەرمەيدٸ ەكەن.
سونداي بٸر كٶكتەمدە سامارقانعا جول جٷرگەن عۇلاما زۋحرانىڭ ٷيٸنە تٷسٸپتٸ. جəنە زۋحرانىڭ تٶسەك تارتىپ جاتقان شاعىنا بۇل وقيعا تاپ كەلگەن ەكەن. تانىس-بٸلٸستٸڭ سوڭىن الا, ٷي يەسٸ قىزىنىڭ سوقىرلىقتان تٶسەك تارتىپ جاتقانىن, əر كەلگەن كٶكتەم جانى جىلايتىنىن ايتىپتى. عۇلاما قىزىن كٶرگٸسٸ كەلەتٸنٸن ايتىپتى. Əكەسٸ رۇقساتىن بەرٸپ, زۋحرانىڭ قاسىنا ەرتٸپ بارىپتى. عۇلاما, جانى قۇلازىپ جاتقان قىزدىڭ ٶنە بويىن بٸر شولىپ, "قىزىم, التىنىم, سەن تٶسەككە تاڭىلاتىن جاستا ەمەسسٸڭ. سەندەگٸ دەرت جايىن تٷسٸنبەيدٸ دەمە, سەزٸنبەيدٸ دەمە. بٸلٸمسٸز ادامدار - مəڭگٸلٸك سوقىر. سەنٸڭ حəلٸڭدە تەك قانا سابىر كەرەك. جٷرەكتٸ سٶيلەتۋ كەرەك" - دەگەن دە, زۋحرا باسىن تٶسەكتەن əزەر كٶتەرٸپ بىلاي دەپتٸ:
"اق قانات قۇسپىن ايالى,
سەزٸمٸ جٷرەكتٸگە باعالى.
بولماعان بٸراق شىندىعى,
بالالىق شاعىنىڭ بايانى.
كٶكتەمدە جىلايمىن ىلعي,
جاناردى جاسقا تولتىرىپ.
بەرەدٸ سəت سايىن ۋاقىت جىلجي,
كٶكتەم قىز كٶك كٶيلەگٸمەن قۇلپىرىپ.
مەن قالامىن قۇل قىزىنداي,
اتىم دا كەيدە قالار اتالماي.
سوقىرلىققا كٶندٸككەنمەن كٶزدەرٸم,
جٷرەگٸمە وتىرام əمٸر ەتە الماي".
سوندا, "سەن جىلاما. ٶمٸر سەنٸ كەندە ەتپەپتٸ ٶنەردەن. سەنٸڭ ەسٸمٸڭدٸ زۋحرا دەپ تەگٸن قويماسا كەرەك. پəني جالعاندا رۋحىڭ سىنباسىن, قىزىم. رۋحىڭدى بيٸك ۇستا. كٶكٸرەگٸڭ كٶرٸپ تۇر.تٸلٸڭ سٶيلەۋدە, تەك كٶزٸڭمەن كٶرە المادىم دەپ قامىعارسىڭ. كٶكٸرەك سوقىر بولسا, كٶزدەن نە قايىر?"-دەيدٸ.
جٶن. راس. كٶزٸم كٶرمەگەن بالا كٷنٸمدە مەندە كٶپ قامىعاتىنمىن. ٶمٸردٸڭ ماعان مəنٸ جوق سيياقتى كٶرٸنەتٸن. سۇلتان اعا, شىن سوقىر بٸزدەر دەيدٸ عوي ادامدار?! قاتەلەسەدٸ. بٸزدەر - كٶكٸرەگٸن كٷن سايىن تازارتاتىن, əدەمٸ əلەمنٸڭ ٶكٸلٸمٸز! ايارلىقتى كٶرمەيتٸن. پەندەلٸككە باس قاتىرمايتىن. Əلەمدە ەڭ قيىنى - كٶزٸڭمەن كٶرگەنٸڭدٸ كٶكٸرەك قابىلداپ, تٸلدٸ سٶيلەتە الۋ. بٸز ەستيمٸز, كٶكٸرەك كٶرەدٸ. تٸل سٶيلەيدٸ. كٶرەمٸن. مەن دە كٶرەتٸن بولامىن. راس, قازٸر وڭ كٶزٸمدٸ ەمدەتۋدەمٸن. ەم بولسا دەپ تٸلەيمٸن! مەن - اسىلى اپامنىڭ اۋىلىنان تٷلەگەن پەرزەنتپٸن. مەن ٶمٸردە اسىلى اپامنىڭ ٸزٸمەن جٷرگٸم كەلدٸ. فيلولوگ ماماندىعىن الدىم. بٸلەسٸز بە?! تٸلدەردٸ ٷيرەنۋ - مەنٸڭ جٷرەك قالاۋىم. بٸراز سىردىڭ باسىن قايىردىم-اۋ. كەلەسٸ حاتتا, سوفييا مارسەلدٸڭ سىرلارىن جولدايمىن.
نۇرسۇلتان بٸلەلگە
(4-حات)
كٷن جىلاسا,
جاڭبىر عوي.
كٷڭ جىلاسا,
تاعدىر عوي.
تٷرٸك حالىق əنٸنەن
"كٷن جىلاسا, جەر بەتٸندەگٸ كٶك اتاۋلى رازى بولادى. كٷڭ جىلاسا, ەشكٸم قايعىرمايدى. قايعىنىڭ قارا شەكپەنٸن كيٸپ, ٶمٸر سٷرۋدەن اسقان ازاپ جوق. اعا, جانىم ارىز ايتاتىن جانعا كٶپ زəرۋ. ٶمٸرٸمدە ٶز قايعىمنان ٶزگەنٸڭ قايعىسىنا كٶبٸرەك جان سىزداتاتىن پاقىرمىن. مەن حاتتى بوس جازىپ جٷرگەنٸم جوق. تاعدىرلاستارىمنىڭ جايىن تولعاۋدامىن. ٶمٸردە سىر شاعاتىن ادام تابۋ ماعان وڭايعا تٷسپەدٸ.
حاتتى كٶپ سوزباي سوفييا مارسەلدٸڭ əڭگٸمەسٸنەن ٷزٸندٸ كەلتٸرەيٸن. "ٶمٸردە كەزدەيسوق اياق-قولىڭىزدى زاقىمداپ, ياكي سىندىرىپ الساڭىز, باعزى تٸرلٸگٸڭٸز بەن دوستارىڭىزدان ايىرىلىپ قالاسىز. قاسىڭىزدا جانۇياڭىز عانا قالادى. جəنە بٸر-ەكٸ دوسىڭىز عانا. تاعدىرىڭىزداعى ازاپ پەن قيىندىقتار ٶزٸڭٸزگە عانا قاتىستى ەكەندٸگٸن ۇمىتپاڭىز. Əرٸ تازا جٷرەك ٸزدەۋدٸ ۇمىتپاڭىز. ەشبٸر ادام جٷرەكسٸز ەمەس, بٸراق جٷرەكتەرٸنٸڭ ٶز قىزمەتٸن اتقارۋىن قالامايتىنى بولماسا. سامارقاۋ. تəككاپپار. ٶزٸمشٸل. كەيدە تىم اسقاق. ادامداردىڭ بəرٸ وسى اتالعان مٸنەز ساتىلارىندا جٷر. وڭاي ەمەس. دوس تابۋ. جوق. دوس تٷگٸلٸ, جٷرەكتٸ ادام تابۋدىڭ ٶزٸ مەحناتى مول ٸس. مەنٸ تٶسەكتەن تۇرعىزعان -جاقسىلاردى ٸزدەۋٸم. مەن جاي عانا ٶمٸرٸمدە بٸر ٶنەر ادامىمەن كەزدەسۋدٸ اڭسادىم. جىردىڭ قۇدٸرەتٸ - جٷرەكتٸ تولقىتا الادى. مەن ٶزٸمدٸ اقىن ەسەپتەمەگەم. اقىن بولدىم. قالايشا? جاقسىلاردى ٸزدەۋدەن تالمادىم. يە. العاشىندا, اتاقتى ادام مەنٸڭ سٶزٸمدٸ نە قىلسىن دەگەن وي بولدى. مەن كٸم? ول كٸم? Əۋەلدەن, ول ەكەۋمٸزدٸڭ əلەمٸمٸز بٸر ەكەن. پەشەنەمە اقىندىق جازىلىپتى. اكتەرمەن دوستاسۋ جازىلىپتى. سول كەزدە, قولىما قالام الماسام بٷگٸن əلٸ تٶسەكتە جاتار ەدٸم".
تəككاپپارلارمەن تٸلدەسۋ
(5-حات)
تəككاپپارلىق - ٶز بيٸگٸنەن قۇلايتىنداردىڭ ٸسٸ.
رانا شاگلار.
سۇلتان اعا,تəكەپپارلاردىڭ تابانىنىڭ سالماعى - جٷك ارتقان ٶگٸزدەن اۋىر-اۋ. تəككەپپارلىقتى تəڭٸر سٷيمەيدٸ دەگەن ماقالدى كٶبٸمٸز بٸلەمٸز عوي.
ٶر سانامىزبەن پايىمداي الۋدامىز با?!
جانىم اۋىرادى. تəككەپپارلاردىڭ تار تانىمىنا كەزٸكسەم, مٷگەدەكتٸگٸمدٸ ماعان وسىلار تٷيسٸندٸرەدٸ.
الدىما سييا تيمەگەن پاراقتى بەرٸپ, تولعانىسىمدى جاز دەيتٸندەي ٶمٸر. سوفييا مارسەلدٸڭ əڭگٸمەسٸندەگٸ بٸر جول جادىمدا قالىپتى.
ادامداردىڭ ٶرەسٸ - əر قيلى. بٸرٸ - كەڭ ويلانىپ, تاعدىردى تٷسٸنسە, بٸرٸ -تاعدىرىڭ ٷشٸن جازعىرا قارايدى. دەرتٸڭ ٷشٸن سورلى دەپ بٸلەدٸ. سورلىلىق - ادامعا ادام دەپ قاراماۋ". كٶكتەمدە بٸر نəرسەنٸ بٸلدٸم. تəككەپپارلىققا تٸرلٸك تۇنىپ تۇر ەكەن. بٸلسەڭٸز, بٸر ادامدار كٶڭٸل تەرەزەمە مۇز قاتىردى.
ول مۇزدى سٸزدٸڭ سٶزٸڭٸز ەرٸتٸپ جٷرگەنٸڭٸزدٸ بٸلەسٸز بە?!
كٸسٸلٸك - كٷيٸنٸش!
كٸسٸلٸك - جانعا سٷيەنٸش!
كٸسٸمسۋ - كٷرسٸنٸس,
جانعا كٷيٸنٸش.
بيٸگٸنەن قۇلاماسا عوي, بار ادام بالاسى!!! قۇلاپ جاتىر كٶز الدىمدا. كٶرٸپ جٷرمٸن. سۇلتان اعا, كٸسٸمسٸپ-كەرگۋدٸ كٶرگەنٸمدە جٷرەك تٸلٸنەدٸ ەكەن. سٸزدٸ ويلادىم. كٸسٸلٸگٸڭٸزگە باس يدٸم.
توپانباي مەيٸرحان مەيرامبەكۇلى – جاس اقىن. 1994 جىلى دٷنيەگە كەلگەن. وڭتٷستٸك قازاقستان وبلىسىنىڭ تۋماسى. ٶلەڭ جازۋدى جەتٸ جاسىنان باستاعان ول كٶڭٸلدەگٸسٸن ەركٸن جەتكٸزەدٸ. رەسپۋبليكالىق «شاراپات» شىعارماشىل جاستار بايقاۋىنىڭ باس جٷلدە يەگەرٸ. تۋعالى كٶز جانارىنىڭ ناشار كٶرۋٸ مەن سال دەرتٸنە شالدىققان. ٶلەڭدٸ زاعيپ ەلٸپپەسٸمەن جازادى.
