تەڭىزدەي الاسۇرىپ ءجۇر جانىم...
"مەن كەيدە دارمەنسىزبىن،
جىگەر ءسوزىن جازۋعا".
مۋرات سوياك، تۇرىك اقىنى.
جاقسى ادامىم-اۋ!... الاسارماس اسقار تاۋىم-اۋ!.. نە ىستەي الام؟ جانىم، جۇرەگىم، جانارىم -دارمەنسىز. سىزگە جىگەر بەرە الماي، ءسىزدى قولداي الماعانىما نالامىن. وزگەسىن قايدام، ءوزىمنىڭ ءوز ىسىمە كوڭىل تولمادى. جانىڭىزعا ءبىر جاققۇت ءسوزدى ايتا الماعانىما قاپامىن. جانىڭىز سۇڭقار قۇستاي -نازىك ەدى. تازا ەدى... جان-جۇرەگىڭىز جارا بولدى-اۋ... نەگە جۇرت؟! ... ءازىز اتىڭىز بەن جۇرەككە جەتكەن شىنايى حاتىڭىزدى لاستاپ، جۇلىپ تاستاۋعا اسىقتى ەكەن؟... ءسىز مەنى قيىن شاعىمدا، كوكىرەگىمنەن يتەرمەگەن جانسىز! قانشا قاربالاسىپ ءجۇرىپ تە، ماعان ۋاقىت تاپتىڭىز. اعا، الدىڭىزدا ايىپتىمىن. جىگەرىڭىزدى جانۋعا، جانىڭىزدىڭ جاراسىن جازۋعا ءبىر ءسوز تاپپادىم. كۇيساندىققا جارماستىم. ءجونى دۇرىس ءان دە تۋمادى. بۇرىن-سوڭدى بۇلاي بولماپتى... جانارىما شىق تۇنسا، اعالاپ، مەيىرىمىڭدى سەزىنۋشى ەدىم. اۋا جوق سياقتى... دوسقا-كۇلكى، دۇشپاننىڭ تاباسىنان، جاۋىزدىڭ جانعا سالار جاراسىنان، كوڭىلدىڭ اۋىر نالاسىنان، جاماننىڭ جاققان جالاسىنان قۇتىلساڭىز ەكەن، اسىل اعاتايىم!!!
[caption id="attachment_23873" align="alignright" width="604"]
نۇرسۇلتان ءبىلال[/caption]
قارالاۋ
اۆتورى: سوفيا مارسەل
(اۋدارما نۇرسۇلتان ءبىلال جاناتۇلىنا ارنالادى)
جازىقسىز جازعىرعاندارعا،
جانىمدى جاندىرعاندارعا،
جۇدىرىق تۇيمەدىم جاقسىسى،
تۇسىنىستىك تانىتتىم جاڭىلعاندارعا.
***
قارالاۋ،
شىندىققا قاراماۋ.
دۇشپاننىڭ تىلىمەن،
وسەك بوپ ەل ارالاۋ.
قارالاۋ،
ادام دەپ اياماۋ.
دوستارىڭ جۇزىڭە،
دوس دەپ قاراماۋ.
قارالاۋ،
ارىمدى ەمەس-اۋ،
ءۇمىتتى جازالاۋ.
الشاقتاپ كەتەدى ءبىر ءسات،
ارمانعا تولى جاعالاۋ.
ءقادىر قاشسا قاۋحارسىز،
جۇرەك قالار شاراسىز.
ءومىر ءسۇرىپ كورمەپپىن،
بىتەۋ جانىم جاراسىز.
قارالاۋ،
كوز جاسقا قاراماۋ.
پەندەلىكپەن سىرت بەرىپ،
ارسىز ەتىگىن تاعالاۋ.
قارالاۋ،
نيەتتەستىككە جاراماۋ،
جۇرەك جارام تاعى دا،
ءبىر سەبەپپەن قانادى-اۋ...
ونىڭ سەبەبى - بوس قارالاۋ...
قارالاڭدار اقتىعىم ايان-اق،
باسىمنان تايماسا بارماقتاي ب ا ق،
مەن الەمگە دالەلدەيمىن،
جانىمدى، جۇرەگىمدى تاڭداي اپپاق.
قورقاۋلار توقتاماي ازىرگە شىنىم بۇل،
جاعا بەر، جالاڭدى ەش ايانباي جاق.
ازىرشە عانا، ماڭعازىم الىڭە ب ا ق،
مەنىڭ دە كۇنىم شىعادى ءالى -اق.
سەنى دە وسەكتەيدى سول كۇنى-اق،
مەنى جازعىرعان تالاي جاق.
قارالاۋ،
جاقىندى عانا باعالاۋ.
جاقسىنى عانا جان ۇشىرا،
جاقسىنى عانا جاعالاۋ.
قارالاۋ،
جەل سوزگە ءمان بەرىپ قاراماۋ.
قارالاۋ،
مەن سەنى جۇرەگىمنەن جاعام-اۋ...
جاعام-اۋ...
مەيىرحان مەيرامبەك ۇلى
