Teńizdei alasuryp júr janym...
"Men keide dərmensizbin,
jiger sózin jazýǵa".
Mýrat Soiak, túrik aqyny.
Jaqsy adamym-aý!... Alasarmas asqar taýym-aý!.. Ne istei alam? Janym, júregim, janarym -dərmensiz. Sizge jiger bere almai, sizdi qoldai almaǵanyma nalamyn. Ózgesin qaidam, ózimniń óz isime kóńil tolmady. Janyńyzǵa bir jaqqut sózdi aita almaǵanyma qapamyn. Janyńyz suńqar qustai -nəzik edi. Taza edi... Jan-júregińiz jara boldy-aý... Nege jurt?! ... Əziz atyńyz ben júrekke jetken shynaiy hatyńyzdy lastap, julyp tastaýǵa asyqty eken?... Siz meni qiyn shaǵymda, kókiregimnen itermegen jansyz! Qansha qarbalasyp júrip te, maǵan ýaqyt taptyńyz. Aǵa, aldyńyzda aiyptymyn. Jigerińizdi janýǵa, janyńyzdyń jarasyn jazýǵa bir sóz tappadym. Kúisandyqqa jarmastym. Jóni durys ən de týmady. Buryn-sońdy bulai bolmapty... Janaryma shyq tunsa, aǵalap, meiirimińdi sezinýshi edim. AÝA JOQ SIIaQTY... Dosqa-kúlki, dushpannyń tabasynan, jaýyzdyń janǵa salar jarasynan, kóńildiń aýyr nalasynan, jamannyń jaqqan jalasynan qutylsańyz eken, asyl aǵataiym!!!
[caption id="attachment_23873" align="alignright" width="604"]
Nursultan Bilál[/caption]
Qaralaý
Avtory: Sofiia Marsel
(Aýdarma Nursultan Biləl Janatulyna arnalady)
Jazyqsyz jazǵyrǵandarǵa,
Janymdy jandyrǵandarǵa,
Judyryq túimedim jaqsysy,
Túsinistik tanyttym jańylǵandarǵa.
***
Qaralaý,
Shyndyqqa qaramaý.
Dushpannyń tilimen,
Ósek bop el aralaý.
Qaralaý,
Adam dep aiamaý.
Dostaryń júzińe,
Dos dep qaramaý.
Qaralaý,
arymdy emes-aý,
úmitti jazalaý.
Alshaqtap ketedi bir sət,
Armanǵa toly jaǵalaý.
Qadir qashsa qaýharsyz,
Júrek qalar sharasyz.
Ómir súrip kórmeppin,
Biteý janym jarasyz.
Qaralaý,
Kóz jasqa qaramaý.
Pendelikpen syrt berip,
Arsyz etigin taǵalaý.
Qaralaý,
Niettestikke jaramaý,
Júrek jaram taǵy da,
Bir sebeppen qanady-aý...
Onyń sebebi - bos qaralaý...
Qaralańdar aqtyǵym aian-aq,
Basymnan taimasa barmaqtai baq,
Men əlemge dəleldeimin,
Janymdy, júregimdi tańdai appaq.
Qorqaýlar toqtamai əzirge shynym bul,
Jaǵa ber, jalańdy esh aianbai jaq.
Əzirshe ǵana, mańǵazym əlińe baq,
Meniń de kúnim shyǵady əli -aq.
Seni de ósekteidi sol kúni-aq,
Meni jazǵyrǵan talai jaq.
Qaralaý,
Jaqyndy ǵana baǵalaý.
Jaqsyny ǵana jan ushyra,
Jaqsyny ǵana jaǵalaý.
Qaralaý,
Jel sózge mən berip qaramaý.
Qaralaý,
Men seni júregimnen jaǵam-aý...
jaǵam-aý...
Meiirhan MEIRAMBEKULY
