ەسەپ بەرۋ كەزدەسۋىندە باتىر اۋىلىنىڭ اكىمى ساۋىت ايتبايەۆ ءبىر جىلدا اتقارىلعان جۇمىستاردى بايانداپ، اعىمداعى جىلدىڭ جوسپارلارىمەن ءبولىستى. نۇرلان نوعايەۆ ءوز كەزەگىندە تۇرعىنداردىڭ ساۋالدارىنا جاۋاپ بەردى.
حالىق اۋىز سۋمەن، كوگىلدىر وتىنمەن، قوعامدىق كولىكپەن قامتاماسىز ەتۋ، تۇرمىستىق قالدىقتاردى شىعارۋ، كوشەلەردى جارىقتاندىرۋ، مادەنيەت ءۇيىنىڭ قۇرىلىسى، مەكتەپتەگى ءبىلىم ساپاسى ماسەلەلەردى كوتەردى.
باتىر اۋىلدىق وكرۋگىنە 8 ىقشاماۋدان كىرەدى. ولار – ءامىر، شەرقالا، سامال، بولاشاق، حازار، استانا، الماتى، تامشالى. وندا بارلىعى 19 مىڭعا جۋىق تۇرعىن تۇرادى. ءامىر جانە الماتى شاعىن اۋداندارىندا 960 ورىندىق ەكى ورتا مەكتەپ بار. وندا 5088 بالا ءبىلىم الۋدا.
سونداي-اق، «سامال» ىقشاماۋدانىنداعى 1200 ورىندىق مەكتەپ قۇرىلىسىنىڭ جوبالىق-سمەتالىق قۇجاتتارى ازىرلەنىپ، مەملەكەتتىك ساراپتاماعا جىبەرىلدى.
اۋىل اكىمىنىڭ ايتۋىنشا، بيىلعى جىلى مەملەكەتتىك-جەكەمەنشىك ارىپتەستىك اياسىندا «استانا» شاعىن اۋدانىندا 2 مەديسينالىق پۋنكت، تامشالى ىقشاماۋدانىندا ءبىر بالالار ويىن الاڭى جانە ءبىر سپورت الاڭىن سالۋ جوسپارلانۋدا.
جيىن بارىسىندا تۇرعىندار ساپالى مەملەكەتتىك قىزمەت كورسەتۋ ماسەلەسىن كوتەردى.
– مەملەكەتتىك قىزمەتشىلەردىڭ باستى مىندەتى – حالىققا ساپالى قىزمەت كورسەتۋ. قىزمەت كورسەتۋشىنىڭ ءوز لاۋازىمىن اسىرا پايدالانىپ، حالىققا دورەكىلىك كورسەتۋگە قۇقىعى جوق. بىزدە بەلگىلى ءبىر قىزمەت كورسەتۋ بويىنشا پىكىر قالدىرۋعا ارنالعان ءبىرقاتار ءجىلى بار، سونىڭ ءبىرى – Telegram قوسىمشاسىنداعى «ماڭعىستاۋ وبلىسىنىڭ اكىمدىگى» چاتى، وعان كەز كەلگەن ادام كىرىپ، ءانونيمدى تۇردە سۇراق قويىپ، وتىنىشتەرىن جەتكىزە الادى. ول چاتتا مەن دە، ارىپتەستەرىم دە بار. سوندىقتان تۇرعىنداردىڭ كەز-كەلگەن سۇراعى جاۋاپسىز قالمايدى، – دەدى نۇرلان نوعايەۆ.
بۇگىنگى كۇنى Telegram قوسىمشاسىنداعى «ماڭعىستاۋ وبلىسىنىڭ اكىمدىگى» چات ارناسىندا (https://t.me/mangystauakimat) 9400-دەن استام تۇرعىن بار، چات اشىلعاننان بەرى (2021ج. قازان) تۇرعىندار تاراپىنان 5447 سۇراق كەلىپ تۇسكەن.
تۇستەن كەيىن نۇرلان نوعايەۆ قىزىلتوبە اۋىلىنىڭ تۇرعىندارىمەن كەزدەستى. بۇگىندە قىزىلتوبە اۋىلىندا 31 مىڭنان استام حالىق تۇرادى. اۋىلدىق وكرۋگتە 1 جابىق سپورت كەشەنى، 3 اشىق فۋتبول الاڭى، ۆوركاۋت، ۆولەيبول جانە 8 بالالار الاڭى بار.
وبلىس اكىمىمەن كەزدەسۋدە اۋىل تۇرعىندارى اۋىز سۋدىڭ جەتىسپەۋشىلىگى، قاڭعىباس يتتەردىڭ كوزىن جويۋ، دەنساۋلىق ساقتاۋ سالاسىنىڭ ساپاسى، جاڭا مەكتەپ پەن سپورت كەشەنىن سالۋ، كوشەلەردەگى كولىك جۇرەتىن جولداردىڭ ماسەلەسىن كوتەردى. ايماق باسشىسى بارلىق اۋدان، قالالار بويىنشا ءىس-شارالار جوسپارى ازىرلەنەتىنىن، وندا ماسەلەلەر ماڭىزدىلىعىنا قاراي شەشىلەتىنىن اتاپ ءوتتى.
ەسەپ بەرۋ كەزدەسۋلەرىنىڭ قورىتىندىسى بويىنشا وبلىس اكىمى باتىر جانە قىزىلتوبە اۋىلدارىنىڭ ازاماتتارىنا ارناپ جەكە قابىلداۋ وتكىزدى.
الەۋمەتتىك كومەكتى ارتتىرۋ تۋرالى ۇسىنىستى قالالىق ءماسليحات قولدادى. الەۋمەتتىك كومەكتىڭ بۇل ءتۇرىن الۋعا ءوتىنىمدى egov.kz («ەلەكتروندىق وتىنىشتەر» – «ونلاين قىزمەتكە تاپسىرىس بەرۋ») پورتال ارقىلى قالدىرۋعا بولادى.
«ۇستاۋ» باعانىندا تۇرعىن ءۇيدى گازداندىرۋعا الەۋمەتتىك كومەك، «الۋشى» باعانىندا – جۇمىسپەن قامتۋ جانە الەۋمەتتىك قورعاۋ باسقارماسى تاڭدالادى.
ەسكە سالا كەتەيىك، ەلوردادا جەكە سەكتوردى گازداندىرۋ جۇمىسى جالعاسۋدا. قازىرگى ۋاقىتتا الماتى جانە سارىارقا اۋداندارى تولىعىمەن گازداندىرىلدى.
ول ءۇشىن قالادا 680 شاقىرىمنان استام گاز تاراتۋ جەلىلەرى سالىنىپ، 9 ەلدى مەكەنگە گاز جەتكىزىلدى. قالعان ەكى اۋدان بويىنشا گاز تاراتۋ جەلىلەرىن سالۋ جۇمىسى كەزەڭ-كەزەڭمەن جۇرگىزىلۋدە.
ەلوردانى گازداندىرۋ قالا ەكولوگياسىن ايتارلىقتاي جاقسارتۋعا اسەر ەتەدى. قازىرگى ۋاقىتتا 3 مىڭنان استام وتباسى گازعا كوشتى.
بۇل ءقازىردىڭ وزىندە 40 مىڭنان اسا وتباسى ءوز ءۇيىن كومىرمەن جىلىتپايدى دەگەندى بىلدىرەدى. ال بۇل ورتاشا ەسەپپەن 40 مىڭ توننا كومىردى قۇرايدى.
گازعا قوسىلعان ۇيلەردىڭ سانى كۇن سايىن ارتىپ كەلەدى. سونىمەن قاتار جەو-1 جانە جەو-2-دەگى بارلىق سۋ جىلىتۋ قازاندىعى گازعا اۋىستىرىلدى.
قالانى گازداندىرۋ مەملەكەت باسشىسىنىڭ تىكەلەي باقىلاۋىندا.
