قازاقتىڭ ەيگٸلٸ كومپوزيتورى, ديريجەر, قازاقستاننىڭ حالىق ەرتٸسٸ نۇرعيسا تٸلەنديەۆتٸڭ 100 جىلدىعىنا ارنالعان مەرەيتويلىق شارالار الماتى وبلىسىندا سالتاناتتى تٷردە باستاۋ الدى, دەپ حابارلايدى Dalanews.kz
بيىلعى مەرەيتوي يۋنەسكو دەڭگەيٸندە اتالىپ ٶتپەك. وسىعان بايلانىستى وبلىستا ارنايى جوسپار بەكٸتٸلٸپ, حالىقارالىق جەنە رەسپۋبليكالىق دەڭگەيدەگٸ مەدەني ٸس-شارالار ٶتكٸزۋ كٶزدەلگەن.
1 سەۋٸر كٷنٸ مەرەيتوي اياسىنداعى العاشقى شارالار جامبىل اۋىلىندا ۇيىمداستىرىلدى. دەلەگاتسييا قوناەۆ قالاسىنان شىعىپ, جامبىل اۋدانىنا جەتكەن سوڭ, اۋدان ەكٸمٸ نۇرلان ەرتاس باستاعان جەرگٸلٸكتٸ بيلٸك ٶكٸلدەرٸ مەرتەبەلٸ قوناقتاردى قۇرمەتپەن قارسى الدى.
ٸس-شارا جامبىل جاباەۆتىڭ ەدەبي-مەموريالدىق مۋزەيٸندە جالعاسىن تاۋىپ, اقىننىڭ ەسكەرتكٸشٸنە گٷل شوقتارى قويىلىپ, رۋحىنا قۇران باعىشتالدى. تاعزىم رەسٸمٸنە الماتى وبلىسىنىڭ ەكٸمٸ مارات سۇلتانعازيەۆ, اۋداننىڭ قۇرمەتتٸ ازاماتى سەرٸك ەركٸنبايۇلى جەنە وبلىستىڭ باس يمامى مادييار تاعابايۇلى پٸرٸمقۇلوۆ قاتىستى.
بۇدان كەيٸن نۇرعيسا تٸلەنديەۆتٸڭ ەسكەرتكٸشٸنە گٷل قويۋ رەسٸمٸ ٶتتٸ. الماتى وبلىسىنىڭ ەكٸمٸ مەن ٶڭٸردٸڭ قۇرمەتتٸ ازاماتى ەبدٸماناپ اباەۆ كومپوزيتوردىڭ قازاق مۋزىكا ٶنەرٸنە قوسقان ٶلشەۋسٸز ٷلەسٸن اتاپ ٶتتٸ.
قوناقتار سونداي-اق جامبىل جاباەۆتىڭ ەدەبي-مەموريالدىق مۋزەيٸن ارالاپ, اقىن ٶمٸرٸ مەن شىعارماشىلىعىنا قاتىستى تىڭ دەرەكتەرمەن تانىستى.
مەرەكەلٸك شارالار ۇزىناعاش اۋىلىندا جالعاستى. اۋداندىق مەدەنيەت ٷيٸندە ٶتكەن سالتاناتتى جيىنعا وبلىس باسشىلىعى, زييالى قاۋىم ٶكٸلدەرٸ, مەدەنيەت جەنە ٶنەر قايراتكەرلەرٸ, سونداي-اق جەرگٸلٸكتٸ تۇرعىندار قاتىستى.
سالتاناتتى جيىندا الماتى وبلىسىنىڭ ەكٸمٸ مارات سۇلتانعازيەۆ قۇتتىقتاۋ سٶز سٶيلەپ, مەرەيتويدىڭ قازاق مەدەنيەتٸ ٷشٸن ماڭىزدىلىعىنا توقتالدى.
“بارشاڭىزدى قازاق ٶنەرٸنٸڭ جارىق جۇلدىزى, كٷيشٸ, ديريجەر, قازاقستاننىڭ حالىق ەرتٸسٸ نۇرعيسا تٸلەنديەۆتٸڭ 100 جىلدىق مەرەيتويىمەن شىن جٷرەكتەن قۇتتىقتايمىن!
مەملەكەت باسشىسى قاسىم-جومارت توقاەۆ: «ەل تاريحىندا ەرەكشە ورنى بار تۇلعالارعا قۇرمەت كٶرسەتۋ – ۇلتتىق بٸرەگەيلٸگٸمٸزدٸ نىعايتا تٷسەدٸ», – دەپ اتاپ ٶتكەن بولاتىن. بۇل مەرەيتوي – ۇلى كومپوزيتوردىڭ شىعارماشىلىعىن ۇلىقتاپ, كەيٸنگٸ ۇرپاققا ناسيحاتتاۋدىڭ جارقىن كٶرٸنٸسٸ.
يۋنەسكو دەڭگەيٸندە اتالىپ ٶتەتٸن بۇل ايتۋلى داتاعا وراي, وبلىسىمىزدا ارنايى جوسپار قابىلدانىپ, حالىقارالىق جەنە رەسپۋبليكالىق دەڭگەيدەگٸ مەدەني ٸس-شارالار ۇيىمداستىرىلادى. ونىڭ ٸشٸندە «تٷركسوي» ۇيىمىمەن بٸرلەسكەن جوبالار, اۋقىمدى كونتسەرتتەر, سونداي-اق ٸلە اۋدانىندا ەڭسەلٸ ەسكەرتكٸش ورناتۋ, مەدەنيەت وشاقتارىنا, كٶشەلەر مەن بٸلٸم بەرۋ مەكەمەلەرٸنە نۇرعيسا تٸلەنديەۆتٸڭ ەسٸمٸن بەرۋ جوسپارلانعان.
حالقىمىزدىڭ جٷرەگٸنە ەن بولىپ ەنگەن, رۋحىن اسقاقتاتقان دارا پەرزەنتٸنٸڭ مۇراسى مەڭگٸ جاساي بەرمەك. ۇلى تۇلعانىڭ ەسٸمٸ مەن ەڭبەگٸ كەلەر ۇرپاققا ٷلگٸ بولىپ, قازاق ٶنەرٸ ٶركەندەي بەرسٸن!”, – دەدٸ ٶڭٸر باسشىسى.
جيىندا قوعام قايراتكەرٸ, جازۋشى, قازاقستان جازۋشىلار وداعىنىڭ مٷشەسٸ ناعاشىبەك قاپالبەكۇلى دا سٶز الىپ, نۇرعيسا تٸلەنديەۆتٸڭ ۇلتتىق مەدەنيەتكە قوسقان سٷبەلٸ ٷلەسٸ جٶنٸندە تاعىلىمدى ويلارىمەن بٶلٸستٸ.
سالتاناتتى شارا كونتسەرتتٸك باعدارلامامەن جالعاسىن تاۋىپ, كٶرەرمەندەرگە نۇرعيسا تٸلەنديەۆتٸڭ مەڭگٸلٸك شىعارمالارى ورىندالعان ەسەرلٸ كەش ۇسىنىلدى.
ايتا كەتەيٸك, ۇلى تۇلعانىڭ 100 جىلدىعىنا ارنالعان مەدەني شارالار جىل بويى ەلٸمٸزدٸڭ تٷكپٸر-تٷكپٸرٸندە جالعاسىن تاپپاق.
