شىمكەنتتە نۇراي سەرٸكبايدىڭ قازاسىنا بايلانىستى قوزعالعان قىلمىستىق ٸس بويىنشا باستى سوت تالقىلاۋى باستالدى. 28 شٸلدەدە ٶتكەن سوت وتىرىسىندا ايىپتالۋشى شەرحان ايماحاننان جاۋاپ الىندى, دەپ حابارلايدى dalanews.kz.
سوتتالۋشىنىڭ ايتۋىنشا, ول نۇراي سەرٸكبايمەن 2025 جىلدىڭ شٸلدە ايىنان باستاپ كەزدەسكەن. ول قىزعا قارجىلاي كٶمەكتەسٸپ, تٷرلٸ سىيلىقتار بەرگەنٸن مەلٸمدەدٸ.
"نۇرايعا قولما-قول اقشا بەرٸپ جٷردٸم. شىمكەنتتە بولعان كەزٸندە 350 مىڭ تەڭگە بەردٸم. بۇدان بٶلەك, سىيلىقتار الىپ بەرەتٸنمٸن. ول مەنەن اي سايىن الماتىعا بارىپ تۇرۋىمدى تالاپ ەتتٸ", – دەدٸ شەرحان ايماحان سوتتا.
ايىپتالۋشىنىڭ سٶزٸنشە, 2025 جىلدىڭ 4 قازانىندا ەكەۋٸ شاڭىراق كٶتەرۋگە كەلٸسكەن. وسىدان كەيٸن ولار الماتىدان شىمكەنتكە بٸرگە جولعا شىققان.
شەرحان ايماحان نۇرايدى ٷيٸنە جەتكٸزگەن سوڭ, ودان قولحات جازدىرىپ العانىن ايتتى. ول مۇنداي ەرەكەتتٸڭ سالت-دەستٷرگە بايلانىستى جاسالعانىن العا تارتتى.
سوتتالۋشى نۇرايدىڭ وتباسى ولاردىڭ قارىم-قاتىناسىنان حاباردار بولعانىن دا مەلٸمدەدٸ.
"العاشقى كەزدەسۋگە ول اناسى تٸگٸپ بەرگەن كٶيلەكتٸ كيٸپ شىقتى. اناسىنىڭ رۇقساتىمەن كەزدەستٸ. اناسى مەن ەكٸ اعاسى – ديماش پەن سۇلتان بٸزدٸڭ كەزدەسٸپ جٷرگەنٸمٸزدٸ بٸلدٸ. ولار مەنٸڭ نۇرايدىڭ جۇمىسىنا بارىپ جٷرگەنٸمدٸ دە كٶردٸ", – دەدٸ ول.
قايعىلى وقيعا بولعان كٷن
ايىپتالۋشىنىڭ ايتۋىنشا, 2026 جىلدىڭ 11 قاڭتارىندا ول نۇرايمەن قارىم-قاتىناسىن توقتاتۋ ٷشٸن كەزدەسۋگە شاقىرعان. سوتتالۋشى قىزعا ساقينانى قايتارىپ, قوشتاسۋدى جوسپارلاعانىن جەتكٸزدٸ.
ونىڭ نۇسقاسى بويىنشا, ايىرىلىساتىنىن ايتقان كەزدە نۇراي اشۋلانىپ, ساقينانى كٶشەگە لاقتىرىپ جٸبەرگەن. بۇدان كەيٸن ارالارىندا جانجال تۋىنداعان.
"قوشتاساتىنىمدى ايتقاننان كەيٸن نۇراي مەنٸ كەۋدەمنەن ۇرىپ, بالاعاتتاي باستادى. قالتامدا پىشاق بارىن سەزدٸم. ەكٸ پىشاقتىڭ كٸشكەنتايىن بەرٸپ, "ۇرعانشا, پىشاقتا" دەدٸم. نۇراي پىشاقتى الىپ, سول قولىمەن وڭ جاق تۇسىما سۇقتى. مەن ارتقا شەگٸندٸم. ودان كەيٸن نە بولعانى ەسٸمدە جوق", – دەدٸ شەرحان ايماحان.
