شىمكەنت قالاسىنىڭ مامانداندىرىلعان اۋدانارالىق سوتىندا 21 جاستاعى نۇراي سەرٸكبايدىڭ ٶلٸمٸنە قاتىستى قىلمىستىق ٸسكە بايلانىستى سوت پروتسەسٸ جالعاسىپ جاتىر, دەپ حابارلايدى dalanews.kz informburo.kz-كە سٸلتەمە جاساپ.
كەزەكتٸ سوت وتىرىسىندا بۇرىنعى پوليتسييا قىزمەتكەرٸ ەبٸلعازى ارتىقباي كۋەلٸك بەردٸ. ونىڭ ايتۋىنشا, 5 قازان كٷنٸ كەشكە نۇرايدىڭ اعاسىنان «قىزدى كٷشتەپ الىپ كەتتٸ» دەگەن حابارلاما تٷسكەننەن كەيٸن ول وقيعا ورنىنا بارعان.
پوليتسەيدٸڭ سٶزٸنشە, كٷدٸكتٸ شەرحان ايماحاننىڭ ٷيٸنە كەلگەن كەزدە نۇرايدىڭ اعالارى قارىنداستارىنىڭ ۇرلانعانىن ايتقان. كەيٸن ٷيگە كٸرٸپ, قىزدان "وسىندا ٶز ەركٸڭمەن كەلدٸڭ بە?" دەپ سۇراعاندا, نۇراي مۇنى راستاعان.
كەيٸن پوليتسەي نۇراي سەرٸكباي مەن شەرحان ايماحاندى پوليتسييا بٶلٸمٸنە جەتكٸزگەن. وندا قىز ٶزٸنە قاتىستى ەشقانداي شاعىمى جوق ەكەنٸن ايتقان. بۇل تٷسٸنٸكتەمە بەينەجازباعا دا تٷسٸرٸلگەن.
سوت بارىسىندا جەبٸرلەنۋشٸ تاراپتىڭ ادۆوكاتى پوليتسييا قىزمەتكەرٸنەن نە سەبەپتٸ تٷسٸنٸكتەمەنٸ بەينەكامەراعا جازىپ العانىن سۇرادى. بۇعان جاۋاپ رەتٸندە كۋە مۇنداي ەرەكەتتٸڭ قالىپتى تەجٸريبە ەكەنٸن, پوليتسيياعا كٷن سايىن كٶپتەگەن ازامات جٷگٸنەتٸنٸن ايتتى.
سونداي-اق ول بەينەجازباداعى نۇرايدىڭ سٶزٸ الدىن الا دايىندالعان نەمەسە ٶزٸنە بٸرەۋ ايتىپ تۇرعان دەگەن پٸكٸرمەن كەلٸسپەيتٸنٸن جەتكٸزدٸ.
ال جەبٸرلەنۋشٸ تاراپتىڭ ادۆوكاتى ٸستەگٸ ماتەريالدارعا سٷيەنە وتىرىپ, قىزدىڭ سٶزٸ جاتتاپ العانداي ەسەر قالدىراتىنىن العا تارتتى. ونىڭ ايتۋىنشا, بەينەجازبادا پوليتسەيدٸڭ نۇرايعا كەيبٸر سٶزدەردٸ ايتىپ تۇرعانى ەستٸلەدٸ.
الايدا بۇرىنعى پوليتسييا قىزمەتكەرٸ بۇل ايىپتاۋدى جوققا شىعارىپ:
"مەن وعان ەشتەڭە ايتىپ تۇرعان جوقپىن, ونداي بولعان ەمەس", – دەپ جاۋاپ بەردٸ.
سونداي-اق ول سول كٷنٸ قابىلدانعان شەشٸمدٸ زاڭدى ەرٸ ەدٸل دەپ سانايتىنىن ايتتى. بۇدان بٶلەك, شەشٸم پروكۋراتۋرانىڭ نۇسقاۋىمەن قابىلداندى دەگەن مەلٸمدەمەنٸ دە تەرٸسكە شىعاردى.
ەسكە سالايىق, 2026 جىلدىڭ 11 قاڭتارىندا شىمكەنتتە 21 جاستاعى ستۋدەنت نۇراي سەرٸكباي پىشاق جاراقاتىنان قازا تاپتى. تەرگەۋ نۇسقاسىنا سەيكەس, 28 جاستاعى شەرحان ايماحان قىزدى دٷكەن ماڭىندا كٷتٸپ تۇرىپ, بٸرنەشە رەت پىشاقتاعان. وقيعادان كەيٸن كٷدٸكتٸ قاشىپ كەتكەنٸمەن, ارادا كٶپ ۋاقىت ٶتپەي قالادان شامامەن 10 شاقىرىم جەردە ۇستالىپ, ۋاقىتشا ۇستاۋ يزولياتورىنا قامالعان.
