شىمكەنتتە 21 جاستاعى نۇراي سەرٸكبايدىڭ ٶلٸمٸنە قاتىستى رەزونانستى قىلمىستىق ٸس بويىنشا سوت وتىرىسى جالعاستى. مەملەكەتتٸك ايىپتاۋشى ايىپتاۋ اكتٸسٸن وقىپ, تەرگەۋ نۇسقاسىنا سەيكەس, بويجەتكەنگە 35 رەت پىشاق سۇعىلعانىن مەلٸمدەدٸ. بۇل تۋرالى OTYRAR TV تەلەارناسىنىڭ Instagram پاراقشاسىندا حابارلاندى, دەپ جازادى dalanews.kz.
ايتا كەتەيٸك, بۇل – ايىپتاۋ تاراپىنىڭ سوتتا جارييالاعان نۇسقاسى. ايىپتالۋشىنىڭ كٸنەسٸ مەن وقيعانىڭ بارلىق مەن-جايىنا سوت ٷكٸم شىققان كەزدە تٷپكٸلٸكتٸ قۇقىقتىق باعا بەرەدٸ.
پروكۋرور ايىپتاۋ اكتٸسٸن وقىدى
قىلمىستىق ٸس شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالىپ جاتىر. العاشقى الدىن الا تىڭداۋ 21 شٸلدەگە بەلگٸلەنگەن ەدٸ. الايدا سوت وتىرىسى ايىپتالۋشىنىڭ دەنساۋلىق جاعدايىنا بايلانىستى ٷزٸلٸسپەن ٶتٸپ, كەلەسٸ پروتسەسس 23 شٸلدەگە تاعايىندالعان.
سوتتا پروكۋرور قىلمىستىڭ قالاي جاسالعانى جٶنٸندەگٸ تەرگەۋ قورىتىندىسىن تانىستىردى. OTYRAR TV تاراتقان مەلٸمەت بويىنشا, ايىپتاۋ اكتٸسٸندە نۇراي سەرٸكبايعا 35 رەت پىشاق جاراقاتى سالىنعانى ايتىلعان.
نۇراي سەرٸكبايدىڭ ٶلٸمٸنە قاتىستى نە بەلگٸلٸ?
قايعىلى جاعداي 2026 جىلعى 11 قاڭتاردا شىمكەنتتە بولعان. تەرگەۋ مەلٸمەتٸنشە, نۇراي سەرٸكباي ٷيٸنەن دٷكەنگە شىققان كەزدە ونى بۇرىننان تانىس ەر ادام كٷتٸپ تۇرعان. بويجەتكەن قاشىپ قۇتىلۋعا ەرەكەت جاساعانىمەن, كٷدٸكتٸ ونى قۋىپ جەتٸپ, بٸرنەشە رەت پىشاق جاراقاتىن سالعان. نۇراي وقيعا ورنىندا كٶز جۇمعان.
كٷدٸكتٸ وقيعا ورنىنان قاشىپ كەتكەن. ەكٸ كٷننەن كەيٸن پوليتسييا ونى شىمكەنتتەن شامامەن 10 شاقىرىم قاشىقتىقتاعى اشىق اۋماقتان ۇستاپ, تەرگەۋ يزولياتورىنا قامادى.
مارقۇمنىڭ جاقىندارى كٷدٸكتٸنٸڭ نۇرايدى بۇعان دەيٸن اڭدىپ, قورقىتىپ جٷرگەنٸن مەلٸمدەگەن. تۋىستارىنىڭ سٶزٸنشە, ەر ادام بويجەتكەندٸ ەركٸنەن تىس الىپ كەتۋگە ەرەكەت جاساپ, كەيٸن دە ونى مازالاۋىن توقتاتپاعان. وتباسى پوليتسييا مەن پروكۋراتۋراعا بٸرنەشە رەت جٷگٸنگەنٸن ايتقان.
