سەنبى، جەكسەنبى كۇندەرى، ياعني، 2-3 قازاندا تاڭعى ساعات 9-دان كەشكى 18:00-گە دەيىن ەلوردادا قاراعاندى وبلىسى تاۋار وندىرۋشىلەرىنىڭ اۋىل شارۋاشىلىعى جارمەڭكەسىوتەدى.
– وبلىس تاۋار وندىرۋشىلەرى ەلورداعا 600 تونناعا جۋىق ءونىم اكەلدى. باعالار قولجەتىمدى، ەت ونىمدەرى، كوكونىس پەن كارتوپ ۇلكەن سۇرانىسقا يە. ەلوردادا وسىمەن 9-شى جارمەڭكە ءوتىپ جاتىر. وڭىرلەردىڭ اۋىل شارۋاشىلىعى جارمەڭكەلەرىنىڭ ماۋسىمى 21 تامىزدا باستالدى. جارمەڭكەلەردە 2،7 مىڭ تونناعا جۋىق ءونىم ساتىلدى، رەسپۋبليكانىڭ ءتۇرلى وڭىرلەرىنەن 380-گە جۋىق كاسىپكەر قاتىسۋدا. مۇندا ساۋدا بولىمىنەن باستاپ باعا ساياساتىن ساقتاۋ مانىنە دەيىن، سانيتارلىق-ەپيدەميولوگيالىق باقىلاۋ قىزمەتتەرىمەن ۆەتەرينارلىق، فيتو-سانيتارلىق باعىتتار بويىنشا قۇجاتتاردى سالىستىرۋ بولىگىندە بارلىق قالالىق قىزمەتتەر تۇراقتى تۇردە مونيتورينگ جۇرگىزۋدى، – دەيدى نۇر-سۇلتان قالاسىنىڭ ينۆەستيسيالار جانە كاسىپكەرلىكتى دامىتۋ باسقارماسىنىڭ ساۋدا جانە قىزمەت كورسەتۋ سالاسىن دامىتۋ ءبولىمىنىڭ باسشىسى رۋسلان ىدىرىسوۆ.
ونىڭ ايتۋىنشا، جارمەڭكە باستالاردان ءبىر اپتا بۇرىن ەلوردانىڭ ينۆەستيسيالار جانە كاسىپكەرلىكتى دامىتۋ باسقارماسىنىڭ قىزمەتكەرلەرى وڭىرلەرمەن ءونىم باعاسى ماسەلەسىن پىسىقتايدى. ءار ءوڭىردىڭ باعاسى بار ۇلتتىق ستاتيستيكا بيۋروسىنىڭ سايتىندا اپتا سايىن شىعاتىن ەلوردانىڭ كوتەرمە ساۋدا نارىقتارىنا جانە ستاتيستيكالىق دەرەكتەرگە باعدارلانادى. مۇنىڭ ءبارى الدىن-الا دايىندالۋدا، ايماق ۇسىنىلعان باعالارىمەن كەلەدى.
![](/uploads/images/20240127194137586.jpg)
– قاراعاندى وبلىسىنىڭ 9 اۋدانى مەن 4 قالاسىنان 126-دان استام فەرمەرلىك، شارۋا قوجالىقتارى مەن قايتا وڭدەۋ كاسىپورىندارى ءوز ونىمدەرىن اكەلدى. جالپى كولەمى 600 توننادان استام 750 ملن تەڭگەگە جۋىق ءونىم، ونىڭ ىشىندە ەت، كوكونىس، كارتوپ، ءسۇت ونىمدەرى، شۇجىق ونىمدەرى ساتىلادى جانە ەكى قۇس فابريكاسىنىڭ ونىمدەرى ەلوردالىقتارعا ۇسىنىلىپ وتىر. ارينە، ەلوردا تۇرعىندارىنىڭ ءبىزدىڭ ەت پەن كوكونىسكە دەگەن سۇرانىسى جوعارى. بىزدە باعالار نارىقتىق باعادان الدەقايدا تومەن، ويتكەنى ءبىز جاقىنبىز، لوگيستيكا باسقا وبلىستارمەن سالىستىرعاندا ارزانعا شىقتى، – دەپ حابارلادى قاراعاندى وبلىسى اۋىل شارۋاشىلىعى باسقارماسىنىڭ ءبولىم باسشىسى جاسۇلان تارپانوۆ.
جارمەڭكەنىڭ باعاسى شىنىمەن دە قولجەتىمدى. مىسالى، كارتوپ پەن ءسابىزدى 100 تەڭگەگە، پيازدى – 90 تەڭگەگە، قياردى – 250 تەڭگەگە، جىلقى ەتىن – 2200 تەڭگەگە، سيىر ەتىن – 2000 تەڭگەگە، قوي ەتىن – 1800 تەڭگەگە ساتىپ الۋعا بولادى.
قاراعاندىدان شىققان وتباسىلىق جۇپ ازامات پەن ايتولقىن سەيىتقازيندەر تۋعان وڭىرىنەن كەلگەن تاۋار وندىرۋشىلەر جارمەڭكەسىن وتكىزىپ الماۋعا تىرىساتىندارىن ايتتى.
– اتا-انالارىمىزدىڭ ۇيىندە، ياعني قاراعاندىدا قوناقتا بولعان كەزدە ءاردايىم جەرگىلىكتى قۇس فابريكاسىنىڭ ونىمدەرىن، ايران، سۇزبە، قايماعىن الىپ كەلەمىز. بۇگىن ءبىز ازىق-تۇلىك ساتىپ الۋعا كەلدىك. بىرىنشىدەن، بۇل، ارينە، ەت، كوكونىستەر، مۇنداي باعانى ءتىپتى ەلوردالىق بازارلاردان تابا المايسىز. مىنە، بوس كەلىپ، ازىق-تۇلىك تولعان اربامەن قايتىپ بارامىز، - دەيدى ەلوردالىقتار.
![](/uploads/images/20240127194137947.jpg)
ايتا كەتۋ كەرەك، جارمەڭكەدە بارلىق سانيتارلىق نورمالار ساقتالۋدا. اۋماقتا قوزعالىس باعىتى كورسەتىلگەن بەلگىلەر، الەۋمەتتىك قاشىقتىقتى ساقتاۋ تۋرالى ەسكەرتپەلەر بار، تۋرنيكەتتەردە قول گيگيەناسىنا ارنالعان سانيتايزەرلەر ورناتىلعان. سونداي-اق، كەلۋشىلەرگە كارانتيندىك شارالاردى، سونىڭ ىشىندە ماسكا رەجيمىن ساقتاۋدى ەسكە سالاتىن باننەرلەر بار.
ەلوردادا بيىل الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ ماقساتىندا كوكونىستەر مەن جەمىستەردىڭ ءپىسۋ مەرزىمىن ەسكەرە وتىرىپ، 14 جارمەڭكە وتكىزۋ جوسپارلانعان. اۋىل شارۋاشىلىعى وڭىرلىك جارمەڭكەلەرىنىڭ ماۋسىمى نۇر-سۇلتاندا 31 قازانعا دەيىن جالعاسادى. 21 تامىزدان باستاپ ەلورداداعى جارمەڭكەلەردە تۇركىستان، باتىس قازاقستان، شىعىس قازاقستان، قىزىلوردا، الماتى، اتىراۋ، جامبىل جانە اقتوبە وبلىستارىنىڭ اۋىلشارۋاشىلىق تاۋار وندىرۋشىلەرى ءوز ونىمدەرىن ۇسىندى.